بنات الكويت والله مالي غيركم

[mako_mthle2]

مرحبا بناات شخباركم الله يخليكم بنات ابي ازوركم عقب باجر بس عندي جم سؤال وابيكم ولاعليكم امر تجاوبوني
شنو الفرق بين الستي سنتر ومجمع السالميه واي واحد الي فيه المعلم ووين مكانهم صاير؟
وين ممكن القى البردات المخمل الي تصير منقوشه الستايل الهندي يعني؟
بنات مجمع الكوت شرايكم اروحله ولالا مايسوى؟
بنات بوفيه سلطان وينه فيه اهو نفسه مركز سلطان الي بالسالميه؟
انطركم عفيه بنات ما بقى وقت :eh_s(17):

 

[هدوي]

حياج الله
السيتي سنتر اهو مجمع السالميه والناس تسميه بسيتي سنتر لأن السيتي سنتر فيه
مدينة المعلم موجوده بمجمع السالميه اللي هو السيتي سنتر

البردات قصدج الستاير ؟؟
تلقين بمحلات الأثاث وجربي سنتربوينت وذا ون بالمرينا

الكوت حلو حق تمشي وهذا رايي



وان شاء الله البنات يفيدونج أكثر

 

[supermarket]

مرحبا بناات شخباركم الله يخليكم بنات ابي ازوركم عقب باجر بس عندي جم سؤال وابيكم ولاعليكم امر تجاوبوني
شنو الفرق بين الستي سنتر ومجمع السالميه واي واحد الي فيه المعلم ووين مكانهم صاير؟

اهو نفس الشي ناس تسميه سيتي سنتر لانه فيه ( سوبرماركت سيتي سنتر ) وصاير بالسالمية عند دوار جوازات حولي

وين ممكن القى البردات المخمل الي تصير منقوشه الستايل الهندي يعني؟
بنات مجمع الكوت شرايكم اروحله ولالا مايسوى؟

الصراحة يسوى تروحيله كفاية القعدة صوب النافورة ترد الروح وتغيير جو

بنات بوفيه سلطان وينه فيه اهو نفسه مركز سلطان الي بالسالميه؟

يمكن هذا هو المقصود وموجود بالسالمية وسوق شرق ... بس ترى مو ذاك الزود الله يزيد النعمة في وايد احلى منه

انطركم عفيه بنات ما بقى وقت :eh_s(17):

اعذريني اللي ماجاوبت عليه ماعندي فكرة عنه :eh_s(17):

 

[الاسطورية]

مركز السلطان غير عن البوفيه لبوفيه عالبحر صاير

والكوت انا ليلحين مارحتله وايد في مجمعات احلى منه مثل المارينا مول

 

[mako_mthle2]

هدوى وسوبر ماركت مشكورررررررات وهذا العشم ببنات الكويت وانطر بعد ردوووووووود

 

[الاسطورية]

سوبر ماركت البوفيه غير مو قصدهم المركز قصدهم المطعم مال البحر لذييييييييذ

 

[mako_mthle2]

الاسطووريه مشكووره انا رحت الكويت قبل ورحت المارينا مول والمارينا كرسنت وشرق والفنار والمهلب والمباركيه بس ما بردت قلبي عشان جذي بردلكم مره ثانيه يا حبي للكويت واهلها

 

[جكورة]

سيتي سنتر إهو المعلم وإهو سوق السالميه..

وبوفيه مركز سلطان اللي على البحر ماعجبنــي..

والبرديات تحصيلنهم بالفروانيـه ( الضجيج)..

ومجمع الكويت حلو يستحق الزيارة وفيه عدة مطاعم روعه منها ( ميجانا اللبناني ) و(سيلك أند سبايس هندي)

وحياج الله .وأي سؤال إحنا بالخدمه

 

[mako_mthle2]

مشكووووره يا احلى جكوووره ماقصرتي بس ممكن توضحيلي الضجيج هو مجمع ولا شنو ووين مكانه بالضبط بالفروانيه يم شنو يعني؟
واسفه تعبتكم معااي

 

[جكورة]

مشكووووره يا احلى جكوووره ماقصرتي بس ممكن توضحيلي الضجيج هو مجمع ولا شنو ووين مكانه بالضبط بالفروانيه يم شنو يعني؟
واسفه تعبتكم معااي

الضجيـج منطقه قريبه من الفروانيه وقربيه من المطار مختصه بالأثاث ( من الإبرة ليما غرف النوم والصالات والسجاد والبرديات وأطقم الجلوس والمطابخ) يعني تحصلين فيها كل شئ تبينه وفيها أكثر من ألف محل وسوق مختص بالأثاث وأي سائق تاكسي يدلها ومو بعيده عن العاصمه...وحياج الله...

 

[noty]

مركز سلطان مطعم مركز سلطان اللي عالبحر ,, و في بسوق شرق بعد .. جربي ريوق مركز سلطان سوق شرق وناسه .. خوش قعده في بره و داخل .. و خوش بوفيه .. روحي امبجر اونس اهم يفتحون الساعه 6 الصبح ,,, يعني عالساعه 8 ممتاز و لا تروحين بالويكاند متاخر لانه اصير زحمه ... شوقتيني:eh_s(3):

سيتي سنتر مثل الجمعيه العوده فيها ملابس و ادوات منزليه و العاب و مطعم في واحد بالشويخ و واحد بسوق السالميه ..

المعلم فيه بحولي و بسوق السالميه اللي عند دوار الجوازات

سوق السالميه فيه ( المعلم و سيتي سنتر و طفل المستقبل و غيرهم ) فهذا يختصر كذا مشوار


الكوت ولا مره رحتله .. بس روحي لانه فاتحين مجمع يمه اسمه ( المنشر ) ..و الناس تمدح المكان وايد

و بالسلامه انشاء الله .. واي شي ثاني حاضر

 

[asma_alyousef]

حياج الله بتنورين الديرة ... انصحج تروحين حق الجهراء والفروانية تشوفين العبي والملافع والبدل وسوق بو 100 بالجهراء وايد احلى من المعلم ((الوافي))
يعني لاتركزين على المجمعات المعروفة غيري روحي اماكن ثانية.

 

[asma_alyousef]

كلنا خواتج ان بغيتي شي لايردج الا لسانج .

 

[mako_mthle2]

جكوره
noty
asma_alyousef
والله احرجوتوني بطيبكم ما قصرتو يالغاليات كفيتو ووفيتو
الحين بييكم وانا مرتاحه