بنات الكويت والشيشه ؟؟!!! وضع مؤلم ..

[barbya_q8]

الحمدلله الذي عافانه هذاي قمة الانحاطاط بالنسبة لي اين ان شفت بنت ماسكة شيشة ولا زقارة شهالمصخره حشبالج كشخة وستايل ولا شنو اصلا ماكو انوثه الحلج اسود والنفس اللهم ياكافي وهذي موعاداتنه ولا تقاليدنه بالكويت يمكن في ناس خلط من دول وتعلمو كيفهم بس بنات الكويت بنات الحمايل والبيوت شلون ترضون على نفسكم هالشكل اللهم يهديهم

ميسم صح كلامج بس تفلسف محد يسويها جدام اهلهم ولا اخوانهم كله بالخش ليش لانه عارفين انه غلط وعيب

 

[~ بنت الهدى ~]

منظررررررها مو حلو البنت اللي تشييش

في فئئة معروفه دايم يشيشيون ..
مره وحده منهم قالت ياشينكم يبنات الحساويه كله حب و تفلفص ..
قلت لها احسن من اللي بناتهم يشيشون قويه , وشكلها تابت مابتعيب على احد

الموقف داش عرض بس قريت موضوعج و تذكرت موقفيييي:rerrerek:

 

[اخت واختها]

لووول على فكرة النت كله دخيل على مجتمعنا ليش ما تقاطعينه بعد

حبيبتي دام بتحرمين على البنات وتحللين على الشباب فما سويتي شي

لان الريال اخو البنت اهو يشيش طبيعي اهي تبشيش

واعتقد اهما احرار الي مو عاجبه لا يشيش وخلصنا @@

 

[MiSsY HottY]

زين كاهو الريال يشيش محد قاله شي ولا حلال عليهم وحرام علينا

 

[MiSsY HottY]

وعلى فكره انا اول كنت احسب انه كل اللي يشيشون رايحين فيها والله بالخير وبيتشز بس طلع ماله علاقة تمامااااااااااااااااااااً فيه بنات حمايل يشيشون وعادي بالمخيم بالشالية شنو يعني مو نهاية العالم والغلط غلط حبيبتي على الريال ولا على المرا

انا اعترف اني كنت اشيش اول وبطلت عشان صحتي مو عشان شي ثاني لنه جسم المرا بسرعه يسكرب وشكراااااااااا

 

[كراميلا مرة]

اللهم عافنا مماابتلاهم
انا احس هالايام كل شيء معيب صار موضه
والتقليد الاعمى اهو السبب
بس بصراحه اللي صدمني سالفة انه ليلحين عذراء
مومعقوله مجتمع خليجي والانتفتاح جذي
احسها مبالغه
ممهما كان المجتمع الكويتي مجتمع اسلامي ولا راح يكون هالشيء عادي

 

[بسمتي]

أنا انصدمت من ردود البنات:0bee2e8d89:000تفتخر انها تشيش وتقول حرية شخصية
الحمد لله الذي عافانا مما ابتلانا به
تذكرت سالفة قدبيمة00معلمة شافت بنت بالثانوية تدخن وحولتها على الادارة
اللي بدورهم دقوا على امها من غير ما يقولون لها ان بنتها تدخن علشان ما تنصدم
يوم وصلت وهي مخترعة (عسى ما شر داقين علي تقولون في امر خاص يهم بنتج:gr4uu
قالت لها الاخصائية صدنا بنتج تدخن000
ردت الأم عبالي عندكم سالفة 00شنو المشكلة كلنا بالبيت نشيش وندخن!!!!!

 

[غلا الغوالي]

ترك الأمر باالمعروف والنهي عن المنكر

وسالفة الحريه الشخصيه هي اللي تودي

إلى هاالطريق

والله يكفينا الشر

والله يكفينا الشر

والله يكفينا الشر


:eh_s(2):


​

 

[G!RLooNa]

صراحه اهوا هلاقه حدا

لكن

عالاقل اهون من اللي يتمشون ف بكينيات عالواجهه البحريه مثلا

مو بس الشيشه حتى الزقاير

امبيه قبل شهرين تقريبا كنت بمرينا قاعدين ف بنك بيري و لا جدامنا قاعدين حرمتين و يا عيالهم وحده سفور و شكلها مو كويتيه و وحده كويتيه و لابسه عبايه اسلاميه و الحجاب 10 امتار اللي يوصل لي اخر الظهر يعني اللي يشوفها يقول هذي حد ام الديانه شوي ولا كل وحده تطلع زقاره تولعها :dddds: عالاقل السفور شكلها اهون من هذي الله يهداها عباه اسلامه و لفه طويله ولا نقطه ميك اب بالويه و اخر شي تولع زقاير و بمكان عام بعد

 

[جروح ودموع]

لا تعليق :eh_s(10)::eh_s(2):

 

[ice_cream]

وايد اتبالغون

شدعوه الي مو عذراء مو كوووول

وين هل حجي اول مره اسمع

 

[كلهآ ملح ..}]

الله يعافيهم هاللي يشيشن وولا يبلانا

ويهدي الجميع ..

 

[**فراولة**]

التعميييييم مرفووووض حسستيني ماكو بيت الا وبناتهم مشيشات لا حبيبتي هذول شوااااذ ولا تشوهين سمعة بنات ديرتج حبوبة <<ادري معصبة بس سامحيني من غيرتي على بنات ديرتي كل شوي حاطين فيهم بلااا

جزاج الله خير وعسى الله يهديهم

 

[معلمه متميزه]

الحين اللي ماتلبس ماركه مو كويتيه اصل؟؟
واللبس والكشخه تحدد الاصل؟؟
شحلاتنا نياده وكلشي نلبس الماركه وغيرها ماله شغل هذا
عالعموم الحمدلله ماصادفت للحين هالاشكال والله يصلحهم

حبيبتي لا تفهميني غلط ..

انا قصدي انها من كشختها مبين انها كويتيه اصليه مو من هالهلاقه او المتجنسات اللي يتلزقون بالكويتيات ما قصدت انها ما يلبس الماركة الا كويتيه ( انا شخصيا ما البس ماركات دائما ) بس الكويتيه تنعرف من كشختها حبيبتي .. وتسلمين

 

[FeShinGoOo]

العيم صارو جاليات ..؟؟؟؟؟؟؟؟؟؟؟؟؟؟؟؟؟؟؟؟؟؟؟


لاتعليق الصراحه ..

 

[معلمه متميزه]

لووول على فكرة النت كله دخيل على مجتمعنا ليش ما تقاطعينه بعد

حبيبتي دام بتحرمين على البنات وتحللين على الشباب فما سويتي شي

لان الريال اخو البنت اهو يشيش طبيعي اهي تبشيش

واعتقد اهما احرار الي مو عاجبه لا يشيش وخلصنا @@

احنا لا قلنا فتوى ولا تحجينا بالدين لان لو بنتكلم عن النظرة الشرعية للشيشه هذا موضوع ثاني .. احنا نتكلم عن عاداتنا وتقاليدنا كبنات خليج وعرب ومعروف ان هالعادة دخيلة علينا .. وحبيبتي اذا انتي من النوع اللي يشيش وهذا واضح من دفاعج المستميت .. شيشي بالبيت لا تشيشين بالشارع وتشوهين سمعتج وسمعتنا معاج بالنهايه بنسمع هالعباره ( بنات الكويت رايحين فيها ) وهذا الي يحر الناس تعم على الكل وابدا محد ينصفنا ويقول فئة قليله من الكويتيات جذي .. وبعدين حاطين راسكم براس الشباب بكل شي ؟!!!

خنكون واقعيين صح انه غلط هالنظرة ومليون غلط وانا ظدها لكن هذا الواقع الي نعيشه الناس دايما تقول الريال شايب عيبه الريال يدخن ويزني ويخربط وبالنهاية يلاقي زوجه تاخذه ويفتح بيت ويكون اسرة .. لكن انتي كبنت تقدرين تسوين مثله ؟!!!

حبيبتي لو بس ما تحطون راسكم براس الرياييل جان احنا بخير .. وللعلم احنا ما نواطن التدخين من الريال فما بالج بالمره ..

 

[uuaa-]

لاحول ولا قوة الا بالله

اللهم استر علينا وعلى بنات المسلمين

ومشكووووورة حبيبتي الموضوح صج حلوووو

 

[معلمه متميزه]

لان الريال اخو البنت اهو يشيش طبيعي اهي تبشيش

واذا اخو البنت زنى وخربط مع بنات .. بتزني وتخربط مع شباب اهي بعد ؟!!!
حبيبتي يريت تفكرين قبل لا تكتبين ردودج خصوصا اذا كنتي بتقنعين الي جدامج بوجهة نظر اخرى .. وتسلمين

 

[معلمه متميزه]

العيم صارو جاليات ..؟؟؟؟؟؟؟؟؟؟؟؟؟؟؟؟؟؟؟؟؟؟؟


لاتعليق الصراحه ..

بنات اقرو عدل قبل لا تردون الله يهديكم .. قلنا الجاليات من العيم اهم اللي يشيشووووووووووووون اما الكويتيين من العيم فاعتقد قله قليلة منهم الي تشرب شيشه لانهم من عمر بالكويت ومتعودين على عادات الخليج .. بليز ركزو وانتو تقرون .. وشكرا ..

 

[ترانيم القصيم]

وين عاداتنا وتقاليدنا كخليجيات ، ليش انقرضت؟ ليش صارت البنت الشريفه العفيفه الي محافظة على روحها الحين مطنزة ؟!! والبنت المتحرره والمنفتحه اخر انفتاح وملسونه وقليلة ادب وتتشيحط باعلى صوتها بعلاقاتها مع الشباب وتمارس عادات دخيله وسيئه على مجتمعنا اهي الزينه واهي الكووووول ؟!!!!!

هذا مصداقٌ لقول الصحابي الجليل ابن مسعود رضي الله عنه لأصحابه في ذلك الزمان :

أنتم في زمان يقود الحق الهوى .. و سيأتي زمانٌ يقود الهوى الحق ,, فنعوذ بالله من ذلك الزمان

و نحن والله فيه , إلا من رحم ربي .. !!

احترامي و تقديري

ترانيم القصيم