غرد القمرى وبالطايف شداااا
والشفااا ترقص لها ورود الهداااا
ياهلا ومرحبا ومسهلا بأهل الطايف
شوفى يالغاليه أول شى عندج الحنا القصيمية آنا ما جربتها لأنى ما أحط حنا بس واااااااااااايد بنات معانا بالمنتدى يمدحونها وأولهم الأخت معلمة رياض أطفال حاطتها بهالقسم بعنوان (( سر شعر حمولتى )) وهذى طريقتها مثل ما كتبتها لنا من فترة بهالقسم سمعى شتقول : معلمة رياض أطفال :
السلام عليكم
عيدكم مبارك
لعيون اللى ارسلن لى حطيت الخطوات وكل التوضيحات اللى تبنها
طبعا للى ما قرت موضوعى القديم اقولها السالفه
الحمد لله انا من دخلت على حمولتى ناس طيبه وعلى الفطره وتحب النفع لغيرها وخالتى وحمواتى ما عندهم نحاسه الحريم
لحظت ان شعورهم صبه وحده اشعورهم كلهم خالتى معنها عجوز وبناتها كلهم وبنات بناتها
لون شعرهم بن غامج حيل وطويل حيل تحت الدبه وناعم وصبه وحده وخالتى لو يموتن ما تخليهن يقصن ولا يصبغن
وانا حسبالى هالشى وراثه عندهم ما عطيت الموضوع اهتمام بس كنت اشوفها كل جمعه يوم جمعت بناتها من الصبح تقعد وتعجن لهن الحناء وتنقعها واول ما يجن سيده بالدور وحده وحده حتى المتزوجات هى بنفسها تحط لهن وترب على شعورهن شيال خفيفه قطن وانا كنت داخل نفسي اقول شخباري صج مغبرات للحين يحنن الناس تطوروا وانبولات وخلطات
بس ماكنت ادري انى انا اللى مغبره انا وشعري الى كان متنتف كلش
المهم بعد ما جبت بناتى خالتى قامت تحط لهن مع بناتها وشفت بناتى صارت شعورهن مثل حمواتى ونفس اللون
المهم عاد عرفت ان السر بالحنه وخلطة خالتى اللى تسويها
وقعدت اخليها تحنينى معهم وسبحان الله تحسن شعري حيل ملمس ونعومه ولون وطول وكثافه ونبت
بعدين خالتى فديتها علمتنى لانى استحى لما تحط لنا وحمواتى واجد اسمله عليهن
قلت انا احط لعمري انا وبناتى
وهذا برنامجها اللى من يوم دشيت بيتهم وعرفته مستمره عليه وبستمر للابد
لانه شى طبيعى ويهبل وسنع شعورنا ليش نخليه وسهل جدا وبسيط ويا حلو القديم والفطره
طريقه خالتى بالحنه :
اول شى تطبخ شاى كشري ( الفله الورق ) لما يعقد ويصير اسود وتنطره يبرد
بعدين تجيب طاسه كبيره وتحط فيها
قفشتين عسل
فنجان الخلطة القصيميه ( وهى حنه من القصيم معها اعشاب )
شويه زيت جوز الهند
ملعقه حوس ملح
تعجنها بالجاى لين تصير اخف من الروب وتخليها تخمر ساعتين على طاولة المطبخ بعدين تحطها لشعورنا
وتتركها 6 ساعات ويصير اكثر ومرات الجهال ينامون فيها ما نغسلها الا اليوم الثانى
بس حنا لانا متزوجات نخليها بس 6 الى 7 ساعات
نغسلها بماء فقط لانه مو زين تحطين شامبوا عالحنه
ثانى يوم نحط خلطة الزيوت ( وهى دابر املا جولد + زيت برشوت ) اخلطيهم بغرشه قزاز وادهنى فيها شعرك
بعده اغسليها بالشامبو الاحمر القديم وعليج بالعافيه
واستمري لا تقولين شهر شهرين لا اقولج استمري على قولت البدو الى الميته اي الا الابد
لانا انا مستمره عليها من سنه 2005 بعد ما جبت بناتى
والحمد لله الشعر ياربي لك الحمد جنـــــــــــــــــــــــــــــــــان قليله عليه
وادعولنا الله يحفظنا من العين ويديم علينا الوناسه وسعه الصدر واللمه الحلوه
صاحبة الموضوع : معلمة رياض أطفال / منتدى كويتيات
جزاها الله خير الأخت معلمة / رياض أطفال والله يحفظهم من العين ويديم علينا وعليها الوناسه اللهم أأأأأمين :yaaaaaarb:
* وعندج بعد خلطة آمول أول ما تدخلين هالقسم تلاقين موضوعها ثانى موضوع / مثبت
* وبعد حطي لهم سدر يقولون يطول الشعر
الله يحفظج أنتى وبناتج ويصلحهن ويبارك لج فيهن اللهم آآآآآآمين :yaaaaaarb:
وسلامتج
أتمنى أكون أفدتج أنتى والجميع لا تنسونا من دعواتكم الحلوة
اللهم إشفنى وأخواتى وإخوانى وبنات وشباب المسلمين أجمعين وفرج همنا ويسر أمورنا وأرزقنا بالأزواج الصالحين اللى نتمناهم وأعطنا سؤلنا وحقق أمنياتنا وفرح والدينا بنا اللهم آآآآآآآآآمين :yaaaaaarb::yaaaaaarb::yaaaaaarb:
