بنات الكويت من صجهم ولا يستعبطون؟ ولا عبالهم شعرنا غيه دهن

[contessa]

قوه بنات شلونكم


والله لو مو مقثوثه جان ما كتبت بس جدددددد منصدمه

شدعوا عليهم

انا قاعده ادور حاليا لبس حق العيد و دشيت اكثر من مكان
فيس بك بنات و معارض

واله منصدمه من الصدمه مو قاعده اعلق بس اسكت
بس الحين انفجرت
شسالفه
نفنوف ب 165؟؟؟؟
قميس ب 120؟!
ترا احنا اوادم و عندنا عيون
و نعرف انميز الخام
لوالخام وااو جم قلت اوكي
بس خام عادي!!
شساالفه والله يزانه احنا اللي بنطلعهم
احنا اللي خليناهم جذي يوصولون
ولا سنه اللي طافت الاسعار شوي اهون

بتقولون منتي ملزومه تشترين اوكي ادري بس انا ما قلت شي بس شوي خل يعدلون الاسعار
شدعوه شاريه من ايلي صعب؟؟

و اذا لقيت شي سعره 50 و الخام جييييييييييييييييييييب يعني لو ب 1 ما اشتري

حرام عليهم والله

عندي اتشرى حق العيد من فيس 2 بالافنيوز ابركلي

بنات منو حاس نفسي بل اسعار؟
قلنا يطلعون شغل ايدهم بس مو جذي خل يرحمونه شوي
عندي اقط 160 على ماركه بس ما اقطعها على قطعه وحده مخيطتها والخام حدا عاادي


اترك لكم المايك

و بنات اللي تعرف وحده تبيع نفانيف لي تحت الركب و حلوين و مو فوق ال100 :d

 

[أحلى_نونه]

اي والله صاجه حيل امبالغين بأسعارهم واهما اصلا يخيطون الموديلات عند خياط هندي ولا خياطه فلبينيه والخام والخياط ما يوصل ربع القيمه

بس شتقولين يستغلون المناسبات علشان يشفطون فلوسنا ماجنا نتعب طول الشهر عشان تيينا

 

[ام عزيزان3]

رد : بنات الكويت من صجهم ولا يستعبطون؟ ولا عبالهم شعرنا غيه دهن

والله صاجه الاسعار كل مالها بالعلالي
160 زيدهم واخذي بدله من الصالحيه ولاالرايه
شدعوه اقط هالسعر علي خام مادري شلون صاير ذايب ومهردق ويمكن طالع عليها المتر بربع
انا هالسنه طحت بالخياط اشوف الموديل بالنت عجبني اخذ خام واخيطه والله يطلع احلي من الصوره الي اسحبها
علي الذوق والخام الي تاخذينه والخياط اذا شاطر

اعطيج مثال بسيط,,شفت قميص فكرته حلوه مايبيلها شي وخام سوري ب60 واتفقت معاها ودفعت عربون
ولما رحت استلم مومسوينه وانا اتفاقي استلم قبل العيد لاني بخليه لزوارة هلي ثاني يوم العيد
ماجدامها الا ترد عربوني,,,والله اني خيطته عقب ماكلفني مع الخياط15

 

[مخاويه الزعامه]

حبوبة انا اختي توها مخيطة بدلة قصيرة روعة من طيبة الصفران دايم تنزل معارض سعرها 80 دينار

 

[aroosalshemal]

شوفي الخاص

 

[مملوحة_الوصايف]

رد : بنات الكويت من صجهم ولا يستعبطون؟ ولا عبالهم شعرنا غيه دهن

والله من زمان الاسعار جذي بمناسبه وغير مناسبه بس الحين كله سيل حتى الماركات 30% بس ما يحطوون اعلانات بس لا دشيتي يقولون

 

[contessa]

لوووووول بنات عبالي نايمين اثاري العموم صاحي

مملوحه سنه اللي طافت رجت معرض و كانت اسعارهم اهون


و شكلي بطيحله خياطه منو تعرف خياط زين ؟

عروس الشمال مافي شي الخاص


مخاويه ممكن رقم طيببه الصفران؟

ام عزيزان ابييييييييييي رقم الخياط لو سمحتي لووو ل

احلى نونه خلاص شكلنا بنخيط ابركلنا لووول

 

[مخاويه الزعامه]

هلا اختي اللحين طيبة تعرض بالمارينا


رقمها 66337551



وعندها محل بشارع المطاعم بالسالمية بجانب كابوريا

لما رحنا نستلم بدلة اختي رحنا محلها حيل صغيرر

 

[مخاويه الزعامه]

العموم صاحي ومزاج مية مية :eh_s(15):

 

[زبــــــــدة]

اي والله حددددددددددده

انا ولا مرة شريت من معارض مع ان في اشياء تعجبني بس سعرها مايسوى يعني ...اقط 100 200 حق لبسه وحده ومومارة ولا شي....

بس والله احب اشجع البنات الكويتيات بس لو يخفون علينا بالاسعار احسن خاصه وانا احنا طالبات يعني مو موظفات خخخخخخخخخ

 

[وسومه الحلوة]

شوفيهم بالبلوكات شكثرهم تمشى بورقتها درينا عندج مشغل والله يرزقج بس موجذيه الاسعار ولا وضربوا اسعار البلوكات بالعلالي علينا واهم سعر الجمله

ياحلوه الجاهز عالاقل ماركه وذرب واذا بخاطري موديل خيطته

 

[زلابيا]

انا ماحب اروح معارض لأن ادري باسعارهم المبالغه..

واهمه لو ماشايفين ان الحريم يشترون جان ما خلوا جذيه اسعارهم

بس يدرون ان حتى واسعارهم غاليه في ناس بيشترون

يعني ميخالف عليكم بالعافيه واحنا نشجعكم بنات الديره بس عاد مو جذيه نار وشرار

 

[ساندريلا]

امس قعد نتكلم عن هالموضوع يايينين معرض القادسيه كله قمصانه من 100 وطالع
امبييه بنات روحوا شوفوا معرض المارينا حشاكم زباااله على قولة خالتي جني داشه العربيد حتى ريلي الي مايتحجى قال شهالخماجير معقوله بتلبسين جذيه قلتله هالخماجير شووف اسعارهم يقول ماسوو جذيه الا لاقين مينن يشترون منهم
حتى لبس القرقيعان مال اليهال مبالغين بسعره
انا عندي الواحد يشتري ماركه احسنله على الاقل مايتحسف على الفلوس الي بقطها

 

[Queen_Angel]

انا ما احب المعارض ولو شنو ما اشتري بهالسعر ,,, اصلا لما اشوفهم بالمجلات اقووول في ناس تشتري منهم !!

كلا خياط هنود ويا ريت الخام انجليزي ولا فيه خيرر يفشل @@!!

احسن شي اشتروا من برا او طلبوا من النت صدقوووني حتى الماركات لما تسوي سييييل احصل اشياء حلوة ب 30 و40 ...


اما اشتري ب 110 و200 خاام يلوع الجبد اصلا حرام وفسق,,,

 

[contessa]

لووووووول بنات واللي يحر
انه كاتبه على الصوره انها بايعته و انه سعره 165
جان تكتب وحده ماالي شغل عاجبني ابي نفسه @@
والله لو فلوسي تنزل علي مثل المطر ما اخذه
حسيتها هبله اللي شرته

 

[so_what]

والله في ناس يشترون بس لمجرد الاسم اني شريت شي بالسعر الفلاني!! ومو من زينه و لا ماركه والاغلبيه لا تصمم و لا شي الله يعافي البلوكات و الفلبينيات ، والله الصراحه انا ساعات ودي اسالهم ممكن تشرحين لي شلون كلفج القميص 130 ولا 150 بس استحي و اسكت

 

[ام عزيزان3]

رد : رد: بنات الكويت من صجهم ولا يستعبطون؟ ولا عبالهم شعرنا غيه دهن

حبوبة انا اختي توها مخيطة بدلة قصيرة روعة من طيبة الصفران دايم تنزل معارض سعرها 80 دينار

اهي اسمها طيبه ستايل؟؟وسمره البنيه؟؟
اذا اهي الي تنزل اول بيت ديفا وشرق اسمحيلي ماحب اقطع رزق احد بس كنت بخيط عندها موديلات غريبه
بعدين انصدمت من رفيجتي قالتلي تشتري منها البدله وتلبسها بعدين تبيعها لها,,,بس ماحب اشتري شي ملبوس والحين الاغلبيه يسوون جذيه تعرضه وتشبع منه بعدين تبيعه علي المدمغين الي مايدرون شالسالفه

نصيحه اذا بتجكون الي يسون جذيه لاتاخذون المعروض ودايما غيروا باللون وشوي بالموديل علشان تضمنون ان محد لابسه

 

[واحشنى موت]

رد : بنات الكويت من صجهم ولا يستعبطون؟ ولا عبالهم شعرنا غيه دهن

حــده مصخره وآلمشكله أنه مأفيه أي إبــدآع ,,



أناا أقوول شوفيلج أي موديل عآجبج وسووي كووبي عليه عند خيآط شآطر ,,

 

[يالبيه 17]

رد : بنات الكويت من صجهم ولا يستعبطون؟ ولا عبالهم شعرنا غيه دهن

الحريم نصابااااااااااااااات احفظي الموديل وروحي حق خياط يسويلج اياه باقل من سعره بواجد

حرام عليهم اسعارهم نار قاعدين يقصون على الاوادم

 

[سااره]

اي والله صاجه حيل امبالغين بأسعارهم واهما اصلا يخيطون الموديلات عند خياط هندي ولا خياطه فلبينيه والخام والخياط ما يوصل ربع القيمه

بس شتقولين يستغلون المناسبات علشان يشفطون فلوسنا ماجنا نتعب طول الشهر عشان تيينا

صاجه والله...