بنات الكويت طالبتكم عااااااااااااااجل

[SauDiah]

فديتك بمبونه ويعطيك الف عافيه اختي على طيبك انتي وباقي الخوات
وبيض الله وجهك

 

[bambena]

الدراريع عندج الاوقاف مجمع كامل وعندج مجمع الصفاه فيه ميسور والتراث الهندي دراريع وخامات حلوه والعربيد بالفروانيه

لازم تمرين صوب مستشفى الاميري عندج معارض ديفا وكاريزما وبيت الشرق على طول فيهم معارض هدوم واكسسوارات وكل شي

السهره عندج المهلب اسعاره متوسطه
الاسطوره بليلى جاليري والسحاب وزهره وايد غالي
البوشيه بالصالحيه والفنار اسعارها متوسطه
فيوليت بمجمع زهره اسعاره حلوه
واكو بيت النصار بالعديليه عندهم بدل سهره اسعارها زينه سوي بحث تلقين رقمه بالمنتدى


انا سمعت وايد يمدحون بودل سويت بالسالميه

روحي المركز العلمي وايد حلو

لازم تروحين مطعم ميس الغانم بس ديري بالج عطلتهم السبت

اذا تحبون الاكل الياباني مطعم ماكي ويفز بالمارينا وايد حلو 224456

روحي مارينا مول تسوقوا وبعدين عبروا الجسر للمارينا كريسينت المطاعم احلى قعده على المارينا

 

[bambena]

انصحج بمطعم زعتر وزيت بالمارينا كريسنت للريوق
ومطعم كافيه بلان للغدا
ولايطوفج تشوكليت بار قهوه وحلا عجيب

هذيلا كلهم بمكان واحد

 

[SauDiah]

انصحج بمطعم زعتر وزيت بالمارينا كريسنت للريوق
ومطعم كافيه بلان للغدا
ولايطوفج تشوكليت بار قهوه وحلا عجيب

هذيلا كلهم بمكان واحد

واجد سمعت عنهم يمدحونهم هالمحلات واكيد بمرهم بأذن الله
وفيه بعد فريج صويلح يمدحونه بنات اروح له ولا مايسوى ؟

 

[bambena]

لا لا تروحين كلش مو حلو والقعده و حلوه هذا رايي

الصالونات

بحولي صالون شوبارد شغلهم حلو واسعاره زينه معروف مكانه يم مكتبه العجيري سالو عنه

وعندج بالجابريه صالون ورده الجابريه يم مكتبه الشناكل وايد زين
وهم بالجابريه بنفس بنايه انسام الخلف صالون برونزيه رخيص وشغلهم حلو يم بنزين الجابريه

 

[SauDiah]

زين سؤال الجابريه ودسمان والصباحية بعيده عن السالمية ؟

 

[bambena]

يوم من الصبح روحو تريقوا بهلتون المنقف وبعدين تسوقوا باجيال مول وكويت ماجيك واخر شي الكوت تغدوا فيه مطعم هندي اسمه سيلك اند سبايس وفيه مطعم لبناني اسمه ميجانا وبعدين اخذوا قهوتكم بالقهاوي اللي على النافوره

 

[SauDiah]

وربي انك كتـــــــــــــــــــــــــــله من الذوق والطيب بمبينوو وبيض الله وجهك ماقصرتي كل ملاحظاتك سيفتهم عندي واكيد بأخذ فيها

 

[شهدQ]

بمبونه ماقصرت

بس اهم شي تمرين خيايط العربيد اول ماتوصلين عشان تخلصين خياطج عندهم خلال يومين قبل السفر ومستعجل والخام والكلف كلها من عندهم

 

[bambena]

الكويت صغيره وشغلج اغلبه بالسالميه والجابريه 10 دقايق بالسياره ودسمان نفس الشي

الفحيحيل وبو حليفه يم بعض اهم بعاد شوي حوالي نص ساعه بالسياره


ولا شكر على واجب اذا ذكرت شي باقولج

 

[bambena]

http://www.kuwait-gallery.com/

صحيح شهد العربيد بالفروانيه تلقين الدراريع معروضه اختاري ويفصلج ويمه مجمع كله عبي

 

[SauDiah]

بمبونه ماقصرت

بس اهم شي تمرين خيايط العربيد اول ماتوصلين عشان تخلصين خياطج عندهم خلال يومين قبل السفر ومستعجل والخام والكلف كلها من عندهم

اختي مافهمت عليك ليه هي مو محلات فيها فساتين جاهزه اختار الي ابيه واشتريه ؟ ولا نظام اشوف الموديل وافصل زيه على مقاسي ؟؟
ياليت تشرحين لي طريقتهم هل العربيد هذا سوق ولا شارع فيه خياييط وهل فيه فساتين وبدل سهره و لا دراريع ( جلابيات ) زي مانسميها بالسعودي ؟؟ :eh_s(6):

 

[bambena]

في بعد جوله هيلكوبتر الشخص ب 25 دك

 

[bambena]

اسمحيلي شهد ارد العربيد مجمع بالفروانيه كله جلابيات تختارين ويفصللج وفيه مجمع المغاتير بالفروانيه يديد يمدحونه

 

[bambena]

عندج محل هيل وزعفران بالمطار عنده حلويات كويتيه وتغليفه حلو وله فرع بالجابريه

والبلوكات يم مجمع الصفاه متخصصين بالخامات انصحج بمحل تورنتو خاماته حلوه ورخيصه
وشرفي عنده خامات ماركه

 

[SauDiah]

اهاا زين الي قلتو لي لاني مابي جلابيات او دراريع زي ماتسمونها
ابي بدل سهره وفساتين وهذا هدف روحتي للكويت

 

[سحيله_الحلوه]

حياكم الله
ماشالله البنات ماقصرو وخصوصن بامبينا

 

[bambena]

خلاص عيل لاتروحين للاوقاف ولا للعربيد



تقع شق النواري للأجنحة الفندقية في منطقة السالمية شارع البحرين تمتاز هذه الشقق بانها واسعة وفخمة وفرش ممتاز واسعار معقولة وهذا هو رقم هاتفهم +965 5738085 والفاكس +965 5737874 والبريد الأكتروني [email protected]

لمشاهدة الأسعار والحجز المباشر من خلال هذا الرابط
http://www.elnoray.net/index.php?mod...=display&pid=1

 

[SauDiah]

زين بنات ماتعرفون شقق غير الي بالسالمية لانهم يبالغون باالاسعار حيل
كلمت الي يقول لي 90 دينار والي يقول 80 دينا على شقه غرفتين
اكيد بمناطق غير السالمية بتكون ارخص بس بعد ماتكون بعيده واجد عن السالمية
يعني من المناطق الي حولها وحواليها وتكون اسعارها ماتعدى 40 دينار
بمبينو كلمت النوري ماعندهم حجز فل كله

 

[bambena]

العفو ماسوينا شي

السهره بكل مكان بس اكثر شي بليلى جاليري والمهلب حتى محلات البدل العاديه تلقين عندهم موديلات سهره