بنات القبول الفوري ماله شغل يقبلونج أول لا تعالي فهمي لا تخترعون

[حلاتي بشقاوتي]

مبرووووكيبيين بس الخوف يقولون ان العدد محدود يعني شنو حنا ما صدقنا على الله ننجح ونيب النسبه والحين على القبول ولا لا شنو هالقهر ....


يقولون التسجيل 2-7 ..والمشششكله انا بسافر 7-7 ..اللعن ام الوهقه ومتى المقابله >>الاخت واثقه بدش

 

[اخت خالتهم]

حلاتي
حبيبتي يصير احد غيرج يقدم

 

[Ray.Bana =$]

وااااي اخترعت آقل شي علوم اجتماعيه 81 انا 82 تهقين يقبلوني ؟

 

[اخت خالتهم]

مهاوشجية مممم بسويلج خطه
حطي علوم اجتماعية
حقوق
علوم ادارية
شريعه
تربية
اداب


والله يوفقج او حطي اجتماعية
وشنو رغبتج الثانية تحتها
وما تخافيييش
اذا اقل شي 81 ليش ما يقبلونج
يقبلونج ان شاءالله

 

[..<< ندى الورد >>..]

انا 83.01 ٪ ادبي

تتوقعين التربيه تقبلني فوري ؟؟

 

[اخت خالتهم]

ندى فوري لا لأن 90 القبول الفوري
بس ان شاءالله يقبلونج ليش لا
وعلى فكرة
الاداب
والشريعه والاجتماعية
ممكن تختارينهم اذا تبين تصيرين مدرسة بالمستقبل
واذا ما تبين الا التربية
روحي تربية اساسية تخصص اسلاميه

 

[..<< ندى الورد >>..]

اخت خالتهم يعني مستحييل يقبلوني :eh_s(16): اهي اهي

انا خاطري بالتربيه وما ابي الاساسيه

 

[اخت خالتهم]

ندى ليش مستحيل
؟؟
اقل نسبة يقبلونها 82 او 81ونص
فـ عـااادي انتي 83
يقبلووونج
وخلي رغبتج الثانية أي كلية تبينها
وتقدرين بعدين تحولين من كلية لي كلية
رفيجتي بالاداب قاعد تاخذ مواد بتحول تربية ان شاءالله

 

[..<< ندى الورد >>..]

اخت خالتهم عسى ربي يوفقج
يعني اطتمن منج اني راح انقبل ؟؟؟
لان في بنات قالو اذا فيهةاكتفاء مستحيل تنقبلين

 

[اخت خالتهم]

نـدى الورد انا اعرف بنات 84 و 83 انقبلو
بس انتو ما شاءالله درجاتكم هالسنة مرتفعه فـ مادري
خلي رغبتج الثانية علوم اجتماعية
اخذي تخصص جغرافيا او علم نفس و راح يكون مجالج بالتدريس ان شاءالله

 

[..<< ندى الورد >>..]

النسب الدنيا للقبول للفصل الدراسي الثاني للعام الجامعي 2011/2010 للكويتيين وابناء الكويتيات من محددي الجنسية

الكلية
النسب الدنيا للقبول

الآداب
78

العلوم – العلوم البيولوجية
70

العلوم – العلوم الرياضية والطبيعية
71.02

التربية – التخصصات العلمية
72.42

التربية - التخصصات الادبية
81.46

الشريعة
78

العلوم الاجتماعية
81.06


دورت في قوقل ولقيته هل انا من ضمنهم ؟؟

 

[اخت خالتهم]

ندى خرعتي عمرج على ولا شي
يممممه منج هههههههههههه
لا تفكرين وايد واستخيري وروحي حطي رغباتج وان شاءالله تنقبلين واذا ما نقبلتي تأكدي انها خيره
لانج صليتي استخاره

انتي بينج وبين اقل درجة تقريبا درجتين يعني تمام
رفيجتي كانت نسبتها 83 وانقبلت اجتماعية و اجتماعية اقل نسبة 81
ما خافت مثلج

 

[..<< ندى الورد >>..]

يوم قريت اخر رد مت من الضحك على نفسي ههههههههه
سوري حبيبتي على الازعاج بسً شنسوي مشكله اللي متعودهةعلى الابلات ههههه

 

[اخت خالتهم]

ندى عادي هذا مستقبلج لازم تحاتين
الله يوفقج يارب
واشوفج جامعيه

 

[بنت عطا]

اخت خالتهم

انا ٨٣،٥٤

ومابي العلوم الاجتماعيه وودي بالانجليزي حابه هالتخصص

شلون تنصحيني احط رغباتي

 

[اخت خالتهم]

حطي تربية
آداب
علوم ادارية

لان كلهم في انجليزي
الادارية دراستها انجليزي
و الاداب فيها تخصص انجليزي
والتربية فيها

والله يوفقج يااارب

 

[قَلبيْ صُويبكْ !]

,




مشآء لله ,
آلله يوفقكم بنآت

عسآج ع آلقوه أخت خآلتهم
مآقصرتي فديتج ~

 

[اخت خالتهم]

حيـاج بعد عمـري