بنات العلوم اجتماعية حياكم عازمتكم على شاي الضحى

[Wa6an Elnahar]

بنات تخيلو انا رايحه من الساعه 7 وماخذه رقم وكان رقمي 7 بس لاني مسجله 3 مواد ف مايكون لي الاولويه تخيلو قالولي ايي دوري الساعه 1 الظهر !! لانه لازم يخلصون كل اللي مسجلين ماده عقب اللي مسجلين مادتين عقب انا ! والحين رديت البيت و برد اروح الجامعه الساعه 1 يعني روحتي الساعه سبع وقومتي من صباح الله خير عالفاضي

 

[برونزيه نعومه كتكوته]

وييييي الله يعينج
لا يكون انا يسوون فيني هالحركه ؟؟ انا مسجله مادتين و لاب و بسحب ماده الاداريه يعني بحوس عدل
بعدين وطن النهار وين رحتي بالضبط ؟
الارشاد وله الكره الارضيه ؟

 

[كاتو_كويتيه]

برونزيه

يروحون الارشاد والتسجيل ..

---

الورده الخجوله ..اي تنطرين لووووول حده فلم

 

[برونزيه نعومه كتكوته]

امبيه يا حسرتي ما ادل لووول مو مشكله اخلي اي بنوته تدليني =)

 

[كاتو_كويتيه]

ماتدلين الارشاد والتسجيل؟؟

شفتي الكافتيريا وين ؟

 

[كاتو_كويتيه]

شووفي انتي اصلا اول ماتوصلين الكليه وتدشين العلوم الاجتماعيه

بتشووفين تجمع بنات وبتعرفين المكاان ^_^ ..

 

[برونزيه نعومه كتكوته]

تمااااام =)) عيل بلحق الزحمه =)) و ادل انا الكفاتيريا

 

[كاتو_كويتيه]

راح تشوفين الزحمه
اهو مو بالكافتريا جداام شوي ..

بس بالزحمه بتعرفين سهالات

 

[برونزيه نعومه كتكوته]

ان شاء الله الله كريييم
واي تسجيل هالكورس ولاده متعسره :\

 

[Wa6an Elnahar]

برونزيه متى تسجيلج ؟ لا انتي دام ماده وحده يدخلونج مبجر .. انا رايحه من الساعه 7 الصبح و قالولي ماراح ايي دوري الا 1 الظهر تخيلي رديت البييت وليلحين انا بالبيت ادق على رفيجتي تقولي تو الناس لاتطلعين الحين ليلحين قاعده انطر مادري متى اطلع .. يعني اللي تتي ان شاء الله الساعه 2 الضهر ومسجله مادتين او ماده وحده اتدش قبلي انا لو ادري جان مسحبه موادي ورايحه اففف قايمه من الصبح علفاضي !

 

[برونزيه نعومه كتكوته]

تسجيلي في 28
ان شاء الله احصل مواد قبل البايفورس لان جد مالي خلق
عاد يسجلون لي انا ناويه اسحب مقدمه اداره لان مسجله عند عايد ردن سماوي مادري شسمه
محد مدحه ناويه اسحبها و اضيف عند الفضلي

 

[كاتو_كويتيه]

برونزيه انتي جم ماده مسجله الحين ؟

 

[كاتو_كويتيه]

وطن النهار

واااااااااااااي الله يعييينج طاقه درب عالفاضي

 

[برونزيه نعومه كتكوته]

انا مسجله لاب احصاء ما عليه وحدات
و مسجله مقدمة اداره
و مسجله تاريخ الكويت الحديث

راح اسحب مقدمة الاداره
يعني راح اظل على 3 وحدات

 

[Wa6an Elnahar]

كاتو شفتي شلوون ؟ يعني اللي بيتها بعيد مسكينه ومسجله 3 مواد تنطر من الصبح لي الظهر بهالحر :\
برونزيه رفيجتي مسجله عند عايد بس اهي مضطره تاخذ عنده لانها متاخره انتي اذا مو مضطره و مايمدحونا سحبيها احسن :\

 

[برونزيه نعومه كتكوته]

انا مضطرتين متأخرتين :\
شسوييييييي ياربي

 

[كاتو_كويتيه]

الله يعين ..

صار هم التسجيل اكثر من الدراسه والمواد :/

 

[برونزيه نعومه كتكوته]

قاعده اقول حق رفيجتي
رضينا بالهم و الهم ما رضا فينا

 

[Wa6an Elnahar]

برونزيه دام انج متاخره ليش ما توكلين على الله وتخلينها :\ ؟

 

[برونزيه نعومه كتكوته]

واي تر اخاف و حدي متعقده اكتشفت ان الماده لو اهيا ماي ماي سهله الدكتور اهو يصعب الامور قطيعه
مابي اقوع الصراحه=(