بنات الشهر التاسع متى ولدتي

[ملامح سما]

السؤال مبين من العنوان بعد في اساله غيره اتمنى الاجابه عليهم

1- لما دخلتي الشهر التاسع متى ولدتي اي يوم او اسبوع والا كليتي شهرج واتمنى يكون بالبجر؟؟؟
ولدت اول اسبوع بالتاسع > ماكليت شهري آخر الاسبوع 36 ولدت

2- وشلون ولادتج طبيعيه او قيصريه؟؟؟؟
الحمدلله طبيعيه

3- هل حسيتي باللي حولج لما دخلتي غرفة الولاده؟؟؟
اي > وكنت ماخذه ابرة ظهر

4- ومنو دخل معاج امج او زوجج او خالتج او ريلج؟؟؟
ما رضيت احد يدش وياي لان امي بتتعب بعد قلبي
وزوجي بروحه مخترع

5- لما شفتي بنتج او ولدج شنو حسيتي؟؟؟
احلى احساس ان شاء الله تجربينه

\\

الله يسهل على الجميع يا رب

وان شاء الله تتسهل ولادتي هذي

 

[جوليانا الحلوه]

انا اسبوعين ولدت وامي معاي لاني كنت بجريه وكنت خايفه وابجي من الولاده بس سبحان الله سهالات واول ما شفت بنتي حسيت بشي حلو وان شاء الله راح اتحسين فيه و الله يسهل عليج

 

[كني كسير الطير]

انا ولدت باعاشر قيصريمحد دش وياي وماحسيت باحد واستانست لما شفت بنتي لان كانت دبدوبه مشالله

 

[Diva-Q8]

ماشالله اغلب البجريات يولدون يا باول التاسع يا بأول اسبوعين من التاسع ونستوني

بالثامن الوحده تفقد صبرها ودها تولد بسرعه

 

[نبض السعاده]

يارب تهوون علي اكتب اللحظه

 

[قرة عيونه]

حلووووو الموضوع

ان شاء الله لما أولد اكتب تجربتي

 

[Om_HoBi]

واااي موضوعج خوفني هههه
لأني بالاسبوع 35 و بعد 3 ايام ادخل التاسع و موعدي اصلا 21/12
بس في بنات والدين مبجر و خوفتيني مو من الولاده لأن ماجربتها و ناويه بابرة الظهر
بس احاتي ماخلصت شغل الاستقبال ههههههه

بس حددددددددي ابي اولد و اشوف بنتي
فصج قاعده اقول ابي اخلص من كل شي و اقعد انطر الولاده

حاليا باديه اسوي تمرينات توسع الحوض
و رديت اشرب عصير اناناس يعني قوطي واحد باليوم

بس ما افكر اشرب خروع او سوالف ثانيه
الا اللهم دارسين يمكن اجازف مره

بس بخليها على الله

 

[ms_5ajoola]

أنابالثامن الحين وحدي قاعدة أعد الأيام ابي اوووولد بسرعة لان اول بيبي

 

[ms_5ajoola]

أب أب أب

 

[Om_HoBi]

باجر اكمل 10 ايام بالتاسع يعني 37 اسبوع و 3 ايام و الحال على ماهو عليه
مافي اي علامات ولاده هههه

 

[^ lamooosh ^]

ههههه الله يسهل عليكم ياربوتولدون طبيعي وتكون ولاده سهله يارب


انا ابجري
ولدت اخر التاسع كنت يومين وادش العاشر
بس مو شرط الوحدة تاكل شهرها
علي قولت يدتي علي حسب ماتلقطين اذا بعد ماغسلتي من الدوره ولا قبل
ههههههههه


وعموما افضل ولاده الاسبوع 38
يكون البيبي مكتمل ويكون في السيف سايد يعني
علي كلام الدكاتره طبعا


والله يسهل لكم ياااااارب

 

[ms_5ajoola]

الله يسهل علسنا كلنا يارب

 

[86روعـه]

بعد التاسع باسبوع ولدت
وتعبت بالولاده بس الحمدلله لمن تشوفين الظنا
شعوووور لا يوصف انا قعدت ابجي بغرفه الولاده
وطبعا الم الولاده شي والم الخياط شي ثاني

 

[قرة عيونه]

انا بالسادس واعد الايام عشان ادخل التاسع

 

[كيميائيه]

انا بخلص التاسع
الله يسهل

 

[ms_5ajoola]

الله يسهل علينا يارب

 

[حمرة الورد]

اكثر من ولاده بس الاخيره ٣٨ اسبوع لان عمليه

 

[انوار المحبه]

الله يسهل علينا يا رب انا بالسابع الحين و ثالث حمل لي مليت ابي اولد حملي اللي قبل ولدت واحد بالاسبوع 37 و جم يوم و الولادة الثانية تقريبا نفس الشي اكثر اب اسبوع

 

[unknown1988]

ولدت ب 38 اسبوع و يوم و اول بيبي ..

الله يسهل ع الحوامل ولادتهم ويرزق المحرومين يارب

 

[فيلسوفة قلبي]

أنا بعد أبي أولد قبل لآ أخلص شهري ..

الله يسسسهل علينا يارب ,,