بنات الدراسه ولا الززواج عفيه ساعدوني

[أم ضاوي]

كملي دراستك والحرمه الشاطره تعرف تنسق بين لدراسه وبيتها

 

[-لورا-]

في زمنا هذا اهم شي الدراسه والشهاده وبعدين اعرف واحد تزوج مو موظفه بعد جم سنه طلقها وتزوج موظه يعني الدراسه اهم شي

 

[دمي خفيف]

لاتتركين دراستج مثل ماقالو البنات اهم شي دراستج
تزوجي بس دراستج لاتهدينها حولي مسائي اذا تقدرين يعني باي طريقه كملي
ومبروووك مقدما والله يوفقج ويسهل عليج يارب:*

 

[*FaRaWlA*]

سلام...

مبروك مقدما حبيبتي و الله يوفقج يا رب
انصحج تداومين مسائي و تكملين دراستج
لان شهادتج اهيا الي بتفتحلج بيبان وايد و بتساعدج على حياتج و تساعدج

وربج يسهلها انشالله ..:*

 

[Fstani]

شهاادتج أهم من الزواج ،




إخذي شهادتج بعدين تزوجي لاحقه

 

[احلاهم وكايداهم]

جم مرة سمعتى ان فى وحدة غدر فيها زوجها او غدر فيها الزمان؟

لو معاها شهادة تسندها وما تخليها تحتاج احد

ولو ما عندها شهادة بتنكسر وتدور من يسندها

أقل شهادة ممكن تاخذينها الثانوية ولا تخلين احد يقولج معهد وما معهد

اى معهد وانتى جدامج 3 سنوات عشان تاخذين الثانوية

شدى حيلج وانتى صغيرة وانشالله تقدرين على الدراسة والزواج

تحملى تتركين دراستج مافى وحدة اتركت دراستها الا وتحسفت

احنا فى زمن ماينفعج غير شهادتج ثم شهادتج ثم شهادتج​

 

[انار الحلوه]

دراستج اهم شي انتي ماتدرين لاسمح الله شنو يصير بعدين.. شهادتج اهم اهم اهم ...:eh_s(15):

 

[فيونكة_وردية]

حبيبتي الدراسه اهم شي لاتفكرين تخلينها اهي اللي بتنفعج ولاتحولين مسائي خلي دوامج صباحي اقولج ليش اول شي دوام ريلج اكيد الصبح فيكون جدوامه ودوامج واحد مو لاصار موجوج بالبيت المغرب ما يحصلج ماراح يرضى وبتردين مهدود حيلج ومالج خلق وتعبانه فحرام ياثر عليج هالشي من اولتها
نصيحتي لاتهدين دراستج وخلج صباحي والله يوفقج وهالسنين تطير برمشه عين وتتوظفين على شهاده سنعه احسنلج ويارب الله يوفقج ويهنيج ويسرلج امورج ويرزقج راحه البال

 

[طلتي هيبه]

حولي مسائي لو تحملين ولا شي اتوهقين و غير ان المسائي يساعدونج يمكن

 

[pasion]

انشالله تقدرين على الدراسة والزواج

منو أهم؟ الدراسة​

 

[LoLaTi]

والله انا انصحج هالسنه هذي ترتاحين لان ماراح يصير لج خلق حق الدراسه خصوصا انتي عروسه لاتضغطين عمرج بالدراسه وبتجهيز العرس صدقيني ماراح ترتاحين جذي انتي عروس ويبيلج تجهيز على الراحه على رواقه مثل مايقولون ف هالسنه وقفي قيدج اخذيها فتره نقاهه استانسي وجذي وتالي ردي داومي وسنه وحده تتاخرين ماعتقد بتاثر عليج وكل تاخيره فيها خيره وانتي بعدج صغيره بالعمر ف لاتقولين راح اتاخر بالدراسه وجذي لا وهذا رايي ونصيحتي لج :eh_s(17): والف مبروووك مقدما

 

[فرفورهـ]

اممم جان اجلتو العرس توج صغيرره حييل لاحقه ع الزواج
بصراحه على حسب تقدرين توفقين بين الدراسه والزواج اذا اي الله يعينج شدي حيلج وكملي صباحي والسنه الجايه ممكن تحملين حولي مسائي )
بالتوفيق