بنات الحقن المجهري تعالوا شوي

[q8nina]

السلام عليكم

بنااات وافق ريلي نسوي الحقن المجهري هذا الشهر ..
الحمدلله ..

بنات الدورة بعد اسبوع ( واطلب من الله انها ماتنزل ) يارب يارب ..

وقالي لج اسبوع تفكرين وين بنسويها ..
وانا قلت ابسألكم وبشوف تجاربكم عن الحقن ..

لاني ناويه ما اعلم اي احد عن الحقن ..

بنات بالامانه انا اختكم وين تنصحوني اروح ..

انا الشهر اللى فات كان عندي هرمون حليب مرتفع بنسبة 937
واخذت اعلاج له ..
واذا يتني الدورة بسوي تحليل هرمون ..
وكل شي تمام الحمدلله .. حتى تبويضي ممتاز .

وزوجي فحص كذا مره وكل شي تمام ..
وقبل شهرين قالوا عنده ضعف بنسبة 45 % ( يمكن انه كان اسبوع انفلونزا وحراره ومضادات وهسوالف )
تراها تأثر:dddds:

وعلى جم شهر يتم الحقن ..
يعني اذا رحت بعد اسبوع ومتى يتم الحقن بنفس الشهر او الشهر الياي​

 

[Emanova]

والله انا سويتها عند الدكتوره ماجده اليتامى و الحمدالله انا حامل الحين ...و ان شاء الله الله يكتب لج الحمل عاجلا و ليس آجلا

نصيحتي لج ...افتري على الدكاتره انا رحت عند اسامه صالحه و عند حازم الرميح ما ارتحت و اقتنعت الا بكلام ماجده ...

و عليج انج تكونييين ريلاكس حدج و تفوضين امرج لله ...انتي اتسوين اللي عليج ( العلاج) و الباجي على الله ...و كل شيء بامر الله لا الطبيب و لا العلاج ..

عليج بالستغفار انتي و زوجج ...و الدعاء بالسجود ( ربي لا تذرني فردا و انت خير الوارثين) ...

اليقين بالدعاء يعني انج تدعين الله و انتي متأكده ان ربنا راح يستجيب دعائج ...

و عليج بالصدقات بنيه الانجاب ....و بعدي عن الوسواس

و ان شاء الله تحملين و اتيبين احلى توائم يا رب

 

[نعومة زوجها]

اختي انا انصحج عن تجربة مرتين انج تسوينها عند دكتور باتريك بمستشفى لندن انا سويتها مرتين والحمدلله حملت مرتين بولد وسويتها عند الصباح عند حازم فشلت ولعوزوني واعفسوني نصيحه مني ماحبيت اني ادخل وماارد

 

[eng.q8]

الله يرزقج ياارب

 

[أغصان]

منصور العرف انصحج فيه

 

[كويتيه مذهله 87]

يارب يرزقج هالشهر من غير حقن يااااااااااااااااااااارب

انا انصحج وبقوه فوزيه القطان صدقيني ماراح تلقين دكتووره شااطره مثل شطااارتها

 

[q8nina]

والله انا سويتها عند الدكتوره ماجده اليتامى و الحمدالله انا حامل الحين ...و ان شاء الله الله يكتب لج الحمل عاجلا و ليس آجلا

نصيحتي لج ...افتري على الدكاتره انا رحت عند اسامه صالحه و عند حازم الرميح ما ارتحت و اقتنعت الا بكلام ماجده ...

و عليج انج تكونييين ريلاكس حدج و تفوضين امرج لله ...انتي اتسوين اللي عليج ( العلاج) و الباجي على الله ...و كل شيء بامر الله لا الطبيب و لا العلاج ..

عليج بالستغفار انتي و زوجج ...و الدعاء بالسجود ( ربي لا تذرني فردا و انت خير الوارثين) ...

اليقين بالدعاء يعني انج تدعين الله و انتي متأكده ان ربنا راح يستجيب دعائج ...

و عليج بالصدقات بنيه الانجاب ....و بعدي عن الوسواس

و ان شاء الله تحملين و اتيبين احلى توائم يا رب

مشكووورة على ردك .. صدقيني انا ما ارتحت ويا ماجده .. لي سنه ونص عندها ..
قبل شهرين سويت تلقيح صناعي عندها .. وكان تبويضي ممتاز من غير المنشطات ..
وعطني ابرتين السوبر فاكت ومينيرال ( 3بودر + ماء ) .. عشر ايام على هذي الحاله ..
ويوم سويت التلقيح بعدها بيومين بقيت اموت من العوار بطني انتفخ بشكل مو طبيعي
والله اني ما اقدر اتنفس .. وكله بجي ..
وخفت اروح الطبيب .. قعد معاي العوار 5 ايام ..
والحمدلله ما كتب لي الحمل .. خيره ..

 

[q8nina]

اختي انا انصحج عن تجربة مرتين انج تسوينها عند دكتور باتريك بمستشفى لندن انا سويتها مرتين والحمدلله حملت مرتين بولد وسويتها عند الصباح عند حازم فشلت ولعوزوني واعفسوني نصيحه مني ماحبيت اني ادخل وماارد

مشكورة على مرورج ..
صدقيني انا محتارة بين باترك وفوزية القطان ..

بصلي استخارة وبشوف ..

 

[q8nina]

الله يرزقج ياارب

الله يجزاج الف الف خير على مرورج ..

 

[q8nina]

منصور العرف انصحج فيه

مشكورة على نصيحتج ...
ودي اروح له .. بس الطريج مو هين .. انا بيتنا في القرين ..
وزوجي رفض ..

 

[q8nina]

يارب يرزقج هالشهر من غير حقن يااااااااااااااااااااارب

انا انصحج وبقوه فوزيه القطان صدقيني ماراح تلقين دكتووره شااطره مثل شطااارتها

اختي كويتيه .. مشكوره حيل على ردج ..

وان شالله بستخير ربي وبعرف وين بروح ...

 

[حلم الأمومة]

مااااحبيت ادش من غير ماادعيلج .......... انشاءالله يارب الله يرزقج بالولد الصالح بس عليج بالاستغفار والابتعاااد عن كل شي تحسين انه بيكسبج اذنوب حتى لوكانت صغيره ..... لانها سبحان الله ساعات تكون السبب في منع الرزق

 

[تفااحة]

اللة يسهل امورج انشاللة ................... واللة ماعندي فكرة انشاللة الي جربوا يفيدونج ......... انا لالحين مابلشت مرحلة التلقيح ناوية انشاللة بس بنطر شوي ...............

 

[المهذبه]

الله يرزقج أستخيري

 

[هيونه الكويت]

هلا حبيبتي

ترا علاج الحقن المجهري يبتدي من اليوم 21 من الدوره

وراح يكون علاجج ابر في ابر

يمدحون دكاتره المواساة

 

[q8nina]

مااااحبيت ادش من غير ماادعيلج .......... انشاءالله يارب الله يرزقج بالولد الصالح بس عليج بالاستغفار والابتعاااد عن كل شي تحسين انه بيكسبج اذنوب حتى لوكانت صغيره ..... لانها سبحان الله ساعات تكون السبب في منع الرزق

جزاج الله الف الف خير .. ومشكورة اختي
ترا مايحتاج توصين ..
الحمدلله على كل حال ..
والله الرازق ..

 

[q8nina]

اللة يسهل امورج انشاللة ................... واللة ماعندي فكرة انشاللة الي جربوا يفيدونج ......... انا لالحين مابلشت مرحلة التلقيح ناوية انشاللة بس بنطر شوي ...............

مشكورة اختي تفاحة واسعدتيني بمرورج ..

والله يرزقج بالذرية الصالحه ..من غير تلقيح ..ويسهل امورج

 

[q8nina]

الله يرزقج أستخيري

ويرزقج ان شالله الحلال الطيب ..

لا توصين :eh_s(6):

 

[q8nina]

هلا حبيبتي

ترا علاج الحقن المجهري يبتدي من اليوم 21 من الدوره

وراح يكون علاجج ابر في ابر

يمدحون دكاتره المواساة

مشكورة على المعلومه ..

واذا على الابر خلاص تعودت عليهم صارو عندي ولا شي ..

ومشكووورة وماقصرتي على ردج ..

واذا تعرفين دكتور معين ياليت اسمه ..

 

[نوى الجود]

الله يرزقك يا اختي ويعين الله
انا ناويه ان شاء الله اروح لباتريك امدحوه لي
ودمتم سالمين