بنات الجهراء

[العنفوان]

السلام عليكم ورحمة الله وبركاته

كل وحده مشتركه بنادي بالجهرا تعطينا رايها بالنادي عشان نعرف أحسن نادي بالجهرا :stars:

انا كنت مشتركه بنادي البشاير موحلو حتى مونظيف بالمره ماعجبني كلش
حسافة فلوسي اللي قطيتها عليهم ​

 

[red_rose8278]

خوش موضوع

آنا كنت مشتركه بفليكس الجهرا .... الصراحه استفدت من اجهزة المشي والسباحه ... وعقبها اكتشفت انه الماي وصخ ومو وايد نظيف والطامة الكبرااااااااااااااااااااااااااااااااااا انه في ناس تنزل الماي ومتدهنه بكريم وبفيكس وبدوا حق الركب و و و

الصراحه لاعت جبدي وتركت النادي من اول شهر مع اني مشتركه 3 اشهر ( يعني خسرت فلوسي عن شهرين ) هذا غير النفسيه مالت الموظفات اللي على الريسيبشن كللللللللللللللللش مو شي الله يهداهم

 

[مــ_ــا مــ_ــي]

انا كنت بالبشاير من جم سنه عند المدربه منار هي مصريه بس تهبل وما تخلي اي وحده بالصاله كلهم تاخذهم سويدي وشغلها بضمييييييييييييييييير .. بس اللي خربو على هالنادي بعض البنات الله يهديهم يطلبون مشتوبات وبلع اشكره والمدربه ما تقدر تكلمهم عشانهم من زمان بالنادي ماينين عليها ..

وتركته وسجلت بنادي فلكس فنتس نادي رووعه وكل شي فيه نظيف وجديد وجهاز المشي فيه شاشه تلفزيون وقنوات تحطين القناة اللي تبينها وتمشين مع الهد فوق من عندج طبعاا وماتحسين بالوقت ....

والمدربات كل وحده احسن من الثانيه بس اكثر وحده حبوبه سناء وفيه لبنانيه تهبل وصينيه بس نسيت اسمائهم ....

وحمام السباحه اصلاا المفروض مو لازم تركض ورانا المدربسه تشوف شعور البنات واجسامهم اذا مدهنه ومعرقه من السويدي ...

هم حاطين شامبو وصابون بالحمامات والمسابح وكل وحده من تخلص من الرياضه تتسبح وتلبس لبس السباحه تنزل حوض السباحه .. مو تنزل بعرقها ووصاختها .. واغلب البنات اللي كرهوني فيه بتفلوون بالحمام وتقول انا اغط راسي بالماي واطلع يعني متسبحه متعاجزه لا تنظف نفسها قبل نزلتها للحمام .. وهم ما يغيرون الماي كل يوم ويزيدون الكلور فيه بس هذا العيب الوحيد ..

بالنسبه لنادي لمسات انا ما جربته بس شكله ما يشجع لما اروح الصالون اطل فيه يغمت القلب فما ادري عنه.!!

 

[العنفوان]

اعاد انا ودي اخل نادي فلكس
انزين سمعت ان فيه رقص شرقي صج؟

 

[حور ماجد]

سمعت في صالون ومعهد في سليل الجهرا جدام المواقف
على مااظن بريجيت عساس جديد الظاهر راح اشترك فيه دام بقدم اجازه سنويه

 

[مــ_ــا مــ_ــي]

اي فيه رقص شرقي يهببببببببببببببببببل فيه مدربه مها كويتيه رقصها ولا رقص شاكيراا تجنن