بنات الجهراء احسن مافى منطقتنا من محلات وخدمات شاركونى

[فديت الريم]

بنات عفيه دلوني ع حريم يفصلون حق البيت دراريع ناعمه وحلوه بنفس الوقت ومو غالين لاني عايشه مع حمولتي واسبوعياً يتجمعون العايله الكريمه كلها ويبيلي ع طول افصل وبصراحه هالحريم حرقونا بهالاسعار واللي تدليني ع حريم يفصلون جذي واسعارهم زينه عسا الله يرزقها باللي تتمناه يارب*

 

[نبض آلخفوق]

فديت آلريم قلبؤؤ مآدري شقولج آلصرآحه آلحريم حييييل يبآلغون بآلأسعآر مآتلقين أسعآر منآسبه .... عندج آلرقعي في درآريع حللوه حق نزلتج لحمولتج انآ أخذت ع 30 حلوين وفي بعد ع 15 أهمآ ع طول مبطلين ...

وعندج بعد درآريع سآره آللي بآلوآفي وآللي بسليل درآريعهم حلوه ع 12 وطآلع حق نزلتج لحمولتج ...

يآرب أكون فدتج

 

[فديت الريم]

رجفة خفوقي جزااااج الله خير وربي يفتحها بوجهج ويرزقج كل اللي تتمنينه ماقصرتي حبيبتي وبصراحه استفدت منج لاني اول مره اعرف عن دراريع الرقعي ووالله من كتبت الموضوع توقعتج انتي اللي تردين علي وظني عند محله كان ومشكوووووره مره ثانيه

 

[فديت الريم]

بس ياليت تقوليلي وين مكانه بالضبط بالرقعي واكون شاكرتلج

 

[وحدة كويتية]

البلوكات نفسها اللي يبيع خاام تلقينهم فوق اللي يفصلون دراعات وشغلهم مرتب والخام والشغل كله من عندهم بس قياسج
هم الخيايط فوق موجودين واللي يبيعون خام بالارضي
شغلهم احسن من العربيد

 

[نبض آلخفوق]

فديت آلريم يآقلبي مآسويت شي وأي شي تبين قولي لآيردج إلآ كيبوردج ... قلبؤؤ فندق آلرقعي هو نفسه فندق آلرقعي صآلة رمآدآ آللي يسوون فيهآ لعروس هو نفسه فندق آلرقعي فيه آلمعرض .... وآذآ تبين درآريع كشخه وبدل أستقبآل ع 70 انآ فصلت حق عرسي عند وحده أسمهآ أم عبدآلرحمن اذآ تبين رقمهآ قوليلي ... حيييل حلوه تصآميمهآ ...

 

[فديت الريم]

وحده كويتيه تسلمين ياقلبي ع الرد وجزااااج الله خير ان شالله بمرهم وافصل عندهم

 

[فديت الريم]

رجف ياليت تسدحيلي رقمها هني ادري تعبتج معاي بس مالنا غناة عنج يابعد خشمي والله

 

[فديت الريم]

مادري شفيني اكل الحروف قصدي رجفة خفوقي

 

[فديت الريم]

وبعد بغيت اسألج معرض الرقعي ع طول موجود يعني اروحله هالوقت احصله ولا لأ

 

[نبض آلخفوق]

ههههههه لبى خشمج ... أبشري افا عليج ....

هذا رقمها 55191795


اي قلبؤؤ وحده قالت لي لما رحت احنا ع طول مبطلين... وانتي عشان تتأكدين قبل ماتروحين دقي ع ام عبدالرحمن

 

[فديت الريم]

ياعساااااني فدوتن لتس يارجفة ماقصرتي والله
ياختي مادري ليش حبيتج مع اني مااعرفج بس اسلوبج روووعه وراقي حده الله يرزقج باللي تتمنينه*

 

[نبض آلخفوق]

يآقلبي أنتي تسلمين كلآمج يثلج آلصدر ... ولج بآلمثل قلبؤؤ

 

[كتكوته امي]

بنات ترا مو عند اي وحده احط بصالون سندس لان صح في بعضهم يخلونج كاسبر وانتي وطلبج والله مرات اروح الاقي بنات

يخرعون من الكريم والشدو الصارخ واللمعه ومومخليه رسمه مو راسمها على قصتها ههههههههه بس والله انا اروح

اقولها حطي كريم طبيعي حيل ولما احط مكياج اقولها ناعم مابي تترسين عيني بالاسود واكثر شي اوريها صوره عندي واقول

ابي نفسها واطلع شحلاتي وحتى اكثر من بنت سالتني عند منو حطيتي ولا ينادوني لغرفه المكياج يقولون نبي نفسها

والله المكياج انتي تتحكمين فيه مستحيل اخليها تهول فيني خخخخخخ

اللي تبي دراريع اكو محل بدريم مول يمدحونه البنات روحي شوفيه

 

[فديت الريم]

بنات ترا مو عند اي وحده احط بصالون سندس لان صح في بعضهم يخلونج كاسبر وانتي وطلبج والله مرات اروح الاقي بنات

يخرعون من الكريم والشدو الصارخ واللمعه ومومخليه رسمه مو راسمها على قصتها ههههههههه بس والله انا اروح

اقولها حطي كريم طبيعي حيل ولما احط مكياج اقولها ناعم مابي تترسين عيني بالاسود واكثر شي اوريها صوره عندي واقول

ابي نفسها واطلع شحلاتي وحتى اكثر من بنت سالتني عند منو حطيتي ولا ينادوني لغرفه المكياج يقولون نبي نفسها

والله المكياج انتي تتحكمين فيه مستحيل اخليها تهول فيني خخخخخخ

اللي تبي دراريع اكو محل بدريم مول يمدحونه البنات روحي شوفيه

حبيبتي والله تسلمين
وعلى المكياج صاجه والله الوحده تتحكم هي بالمكياج وتعرف تضبط نفسها بنفسها

 

[ام فوفوو]

بنات بابي ارقام محلات كمبيوتر ضررررررررررروري

 

[اهات شامخة]

وين القي موس فينوس بالضبط وعلي جم سعرها

 

[نبض آلخفوق]

حبوبه بكل الصيدليات تحصلينه بس والله مادري جم سعره انا شريته من الصيدليه ومانتبهت ع السعر لأن شريت معاه كثير شغلات

 

[وحدة كويتية]

وين القي موس فينوس بالضبط وعلي جم سعرها

بمركز سلطان تلقينه وكارفور
واسعاره حسب
في منه اكثر من نوع في بالكريم وفي بدونه بس تقريباً يتراوح بين دينار ونص الى دينارين ونص
يعني تقريباً
ماني متذكره بالضبط جم:eh_s(10):

 

[كتكوته امي]

بنات طلعلي عرس فجاه وحدي متوهقه ماتعرفون اتليهات او محلات فيها فساتين ناعمه تخيلو شايله هم عرس بعد شهرين

طلعلي هذا الشهر الجاي اهئ اهئ اهئ بس هذا عادي ابي شي سمبل ناعم مابي فخم