بنات الجهراء احسن مافى منطقتنا من محلات وخدمات شاركونى

[ورده ولا كل الورود]

بنات حلويات قويدر عندهم حلا اسمه تمريه يجيب العافيه حتى يجى معاه صوص هرده وكاكاو سعره 4 دنانير على ما اعتقد

 

[روحي زوجي]

بنات اذا تعرفون وين القى ملافع الشرقيه تفيدني وشكرا.

 

[التائبه لخالقها]

شكرا شكرا شكرا ياااورده الي يوسع لج ويوفقج

 

[YaRa-HaBiBtY]

بسم الله الرحمن الرحيم



السلام عليكم ورحمة الله وبركاته

شلونكم بنات احلى منطقه

فديت الجهرا واهلها




انا بقولكم علي كم شغله من اللي اعرفهم بالجهرا لاني بصراحه تزوجت وانتقلت منطقه ثانيه بس اهلي بالجهرا وكل ماجيتهم افتريت بسوقة الجهرا تبون الصج يازين الجهرا والله تسوا لاس فيغاس ههههههههههههه المهم انا عندي افضل مجمعات اللي هم (اوتاد-المنار مول) المنارمول فيه فوق محل اسمه فروغي ينزل احيانا بدل ناعمه وراقيه للاعراس والمناسبات والحفلات وعندهم امل الكويت للعطور والبخور بصرااااحه غرامي بخورهم اللي اسمه )المعاريس) اما احسن خلطات للبيت والفراش طبعااااااا وبدون تفكير (الشااااايع>>>مجمع اوتاد) واذا على العبي والملافع تلقون فوق بالوافي محل اسمه (روعه) لان بصراحه كل ماطحت بمحل سنه سنتين عقب تطير اسعاره واتركه مثل حناين و نور القمر بس الحين تووووبه قمت مافصل عبي بالجهرا قمت افصل بالفروانيه ارخص واحلي بواااااااااااااااااااااااااااااااااااااجد وعالموضه بعد
وفي مجمع جديد اللي اسمه (الناصر مول) اللي فيه فاشن مل تلقون تكرمون شحاطات وصنادل وجناط بالدور الارضي وفوق فيه النصر الرياضي وبالسرداب فاشن مل
وتدرون بنات كم مره اشتري من zara حق بنتي وانصدم ألقى نفسه بالضبط في max
ومره شريت من h&m حق ولدي ولقيت نفسه بالضبط في redtage >>>> ردتاغ

وبصراحه المحل اللي يسولفون عنه اسمه (بيتي) رحت شفت الديباجات عنده كل شغل قدييييييييييييييم بنات ماكس مرات ينزل ديباجات وتركبين عليه شرشف اللي يعجبج ساده او نفس نقشة الكفر براحتج وحلوووو وراقي ورتاغ نفس الشي بعد

اما من ناحية الصالونات بالجهرا بصراحه يبطون الجبد مره رحت رامادا اسوي سشوار ومنكير قطعو لحمي وسشوارهم اي شي وزحمه عالفاضي وحمامهم البخار موشي واحب اقولكم بنات الحمام المغربي لازم تسويه لج وحده مغربيه هذا هم متخصصين فيه انا ولا حمام مغربي جربته بالجهرا عجبني بس افضل شي حمام مغربي مال (كيو كير) تسويه وحده مغربيه ولازم تحجزين قبلها تاخذين موعد والمغربي عندهم ب12 والبدكير والمنكير ب10 وعندهم جلسات للشعر بالثوم والجرجير حسب شعرج وفي بعد جلسات ترطيب للشعر بالكريمات وحمامات الزيت واذا عالمكياج افضل شي بالجهرا فرست ليدي ابتسام وسوبر ستار اقبال بسسسسسسسسسس

واحسن صيدليه عندي (الغانم) بمجمع صحاري مول وهذا رقمهم 24550946

وفي محل حق البلاستيك واكواب الشاي الكرتون نفس المطاعم وعلب كرتون او قصدير وفي قوالب سيلكون للحلويات محل خاص حق هالسوالف شفتي اذا صار ردتاغ على يسارج والناصر مول قبالج امشي واذا تعديتي ردتاغ تصير علي يسارج براحه بنفس البراحه تلقين المحل

وفي شغلات واجد بس كلها اذكروها البنات ماقصروا


لي عوده انشالله


​

 

[ورده ولا كل الورود]

هلا والله بيارا ماقصرتى حبيبتى ترا ماكس ورد تاغ وسنتر بوينت نفس الشركه ونفس البضاعه للعلم فقط وبعد محل نيو لك لى بالافنيوز تبعهم

 

[ورده ولا كل الورود]

بنات اذا تعرفون وين القى ملافع الشرقيه تفيدني وشكرا.

هذى الملافع اكيد بتحصلينها عند الحريم والمعارض شوفى سليل معارضه كله يجيبون ملافع الشرقيه وباتوفيق

 

[أتعبني شمووخي]

مس لولو مشكوره ماقصرتي
بس سمعت ان في حريم يسوون حلو بالجهراء
بغيت اعرف اذا شغلهم حلو ولا لأ

 

[أم عامر]

مساء الخير بنات منطقتي العزيزه

شلونكم كلكم لكم وحشه والله

 

[وحدة كويتية]

هذى الملافع اكيد بتحصلينها عند الحريم والمعارض شوفى سليل معارضه كله يجيبون ملافع الشرقيه وباتوفيق

توني جايه من معرض سليل ما عندهم لا ملافع شرقيه ولا غربيه ملافعهم تجيب اللوعه وعلى 35 و 25 شسالفه وتروحين الجليب تلقينهم على 7 و 8 وتكاسرين تاخذينهم ارخص بعد
:eh_s(10):

 

[YaRa-HaBiBtY]

مرحبا بنااااات


ترا صاجين المعارض كلها اسعاااارهم حيل غاليه عالفاضي يشترون الشي ويدبلون سعره مرتين مثل مره شريتلي خاتم اكسسوار ب دينار ونص حتي انا انصدمت من سعره شكله يسوا اكثر ولقيته بالمعرض ب 5 دنانير ام عاد الملافع هذي يبيلها ميزانيه بروحها ولا المكياج تاخذينه من الهنود برخص التراب وبالمعارض ناااار مره شريت كحل ب3 دنانير من معرض ولقيته عند هندي ب750 صج صدددددددمه امبيه يعني بوق وجذب وغش عيني عينك بس هالنوعيه هذي تنشره والناس تشتري منها وتطير وتستانس فتره بعدين محد يعبرها لان بدت بالغش والله مراح يوفقها يعني حلاة الوحده تاخذ فايده علي شغلها بسعر معقول موجذي عاد


اي بنات احسن صالون بالجهرا يضبط الحواجب اسمه ((نوال)) عند وحده هنديه اسمها _ساندي_ واختها هم هنديتين يشابهون بعض حيل بس ترا الصالون مكانه وموقعه وشكله من داخل يلوع الجبد بسشغلهم للحواجب حلو والصالون مكانه جدام مركز سلطان الجهرا (التوفير)

اي بنات شفتو مجمع العالميه مول في فوق محل حق (بو محمد) حق الربطات والشباصات والباند والتاجات واذا تبين يسويلج طقم بعد مثلا ماشه او تاج او باند مه التراجي وخاتم طقم حق بنتج او اختج صغيره بس لازم طلب قبلها بس بصراحه شغله بعضه حلووو ومرتب واسعاره حلوه

واذا تبون محلات قمصان نوم حلوه وتشكيلات جديده تلقونها في مجمع المنار مول بالسرداب جمب (الحفار)

واي اذا تبون اضاءات حق الغرفه باسعار حلوه تلقونها في (المحاميد) اللي جمب _اوتاد_ نفس الاضاءات يبيعونها بنات المنتديات على 3دنانير وبالمحاميد ب نص او دينار

هذي رقم وحده يعجبني طعم قيماتها حلوه وصغيررررررررره 99658311

واذا تبون محلات قهوه وبهارات القهوه والمعمول والتمر بأنوااااااعه تلقونها بالمحاميد فوق الدور الارضي اقصد المحاميد اللي جمب ((أوتاد))

واحسن حلو قهوه وبقلاوه وفطاير وكيك بدون شك ((__الخباز__))



فديت الجهرا والله​

 

[YaRa-HaBiBtY]

امبيييييييييييييييييييييييييييه بنات حدكم نايمين اول مره اشوف تجمع جذي باااارد ونايم فشلتونا الحين شنو يقولون السكان الجدد بالمنطقه عن بنات الجهرا يقولون باردات اقوووول اصحووووووووووووووووووووووووووووووووووووووووووووووووووو فشلتونا عند الناس يالله يابنات وينكم تحركو خلو بالتجمع حركه عشان الواحد يتشجع يدش ويكتب اللي عنده واللي يعرفه يالله عاد


صراحه كلش محد يشجع​

 

[روحي زوجي]

يارا حبيبتي مانمنا فترنا شوي

ابي ملابس قرقيعان للبنات وين احصلهم الحين ودي اسوي واصورهم وافتك برمضان زحمه ومانحصل شي حلو اما ملابس العيد شريت وارتحت اخذت لهم من الحفر ومحل سمينا مسوي تنزيلات تهبل شريت مؤونه الصيف لعيالي كلهم منهم كلف علي بس ٢٠٠ ببلاش والله مع الجوده

 

[شموع الكويت]

روحي زوجي انا اقول لو تفصلين لهم احسن لج

يعنيي جاهز اذا بتلقين تلقين قديم للحين مانزلوا جديد

فصلي لهم بمجمع واره تحت شفتي اللي يفصل ملابس العروس لللاطفال تحت

رفيجتي مفصله عندهم للقرقيعان وشغلهم روعه

 

[ضماي هو وهناي]

جهراويات فديتكم ........الله يديم محبتكم لبعض ... احسكم ماشالله ماشالله على قلب وقلوبكم وايد وايد بيضه حتى اللي من براالجهرا وانا واولهم احبكم من قلوبكم وطيبتكم .........
بغيت اسأل ادور على دراريع استرتش بدون شغل اوفر وغيره تشبه الدراريع اللي يلبسونها الممثلات بالافلام المصريه قالو
لي انها بالجهرا والفروانيه والجليب والفحيحيل ........... وبصراحه الفحيحيل بعيد واحب اروح هناك بين فتره وفتره بس مو على طول .... الفروانيه والجليب مع تقديري ولا اعرف اروح هناك ...
الجهرا ............. فديتها امووووووت عليها بدون اي سبب والله ......
المهم بنات الجهرا وين يبيعون عندكم مثل هالدراريع ...........ويييين

 

[روحي زوجي]

روحي زوجي انا اقول لو تفصلين لهم احسن لج

يعنيي جاهز اذا بتلقين تلقين قديم للحين مانزلوا جديد

فصلي لهم بمجمع واره تحت شفتي اللي يفصل ملابس العروس لللاطفال تحت

رفيجتي مفصله عندهم للقرقيعان وشغلهم روعه

تسلمين ياقلبي عالرد ذكرتيني فيهم جزاج الله خير

 

[قدها وقدوود]

مساكم الله بالخير بنات الجهراء مشتهيه اسوي نقش حنا يسوى اللي جرب ولا شاف شغل مضمون ياريت يدلني ولو تجي للبيت يكون افضل سمعت بصالون رشنا خلف سوق الامارات مكان صالون رمادا شرايكم فيه وماتقصرون بنات منطقتي

 

[ام دهن العود]

قوه بنات شلونكم
بغيت رقم مشغل ام ناصر الغتر (تهاني الغتر) ضروري جزاكم الله خير

 

[مرايــــــــم]

مرحبا بنااااات​

ترا صاجين المعارض كلها اسعاااارهم حيل غاليه عالفاضي يشترون الشي ويدبلون سعره مرتين مثل مره شريتلي خاتم اكسسوار ب دينار ونص حتي انا انصدمت من سعره شكله يسوا اكثر ولقيته بالمعرض ب 5 دنانير ام عاد الملافع هذي يبيلها ميزانيه بروحها ولا المكياج تاخذينه من الهنود برخص التراب وبالمعارض ناااار مره شريت كحل ب3 دنانير من معرض ولقيته عند هندي ب750 صج صدددددددمه امبيه يعني بوق وجذب وغش عيني عينك بس هالنوعيه هذي تنشره والناس تشتري منها وتطير وتستانس فتره بعدين محد يعبرها لان بدت بالغش والله مراح يوفقها يعني حلاة الوحده تاخذ فايده علي شغلها بسعر معقول موجذي عاد​

اي بنات احسن صالون بالجهرا يضبط الحواجب اسمه ((نوال)) عند وحده هنديه اسمها _ساندي_ واختها هم هنديتين يشابهون بعض حيل بس ترا الصالون مكانه وموقعه وشكله من داخل يلوع الجبد بسشغلهم للحواجب حلو والصالون مكانه جدام مركز سلطان الجهرا (التوفير)​

اي بنات شفتو مجمع العالميه مول في فوق محل حق (بو محمد) حق الربطات والشباصات والباند والتاجات واذا تبين يسويلج طقم بعد مثلا ماشه او تاج او باند مه التراجي وخاتم طقم حق بنتج او اختج صغيره بس لازم طلب قبلها بس بصراحه شغله بعضه حلووو ومرتب واسعاره حلوه​

واذا تبون محلات قمصان نوم حلوه وتشكيلات جديده تلقونها في مجمع المنار مول بالسرداب جمب (الحفار)​

واي اذا تبون اضاءات حق الغرفه باسعار حلوه تلقونها في (المحاميد) اللي جمب _اوتاد_ نفس الاضاءات يبيعونها بنات المنتديات على 3دنانير وبالمحاميد ب نص او دينار​

هذي رقم وحده يعجبني طعم قيماتها حلوه وصغيررررررررره 99658311​

واذا تبون محلات قهوه وبهارات القهوه والمعمول والتمر بأنوااااااعه تلقونها بالمحاميد فوق الدور الارضي اقصد المحاميد اللي جمب ((أوتاد))​

واحسن حلو قهوه وبقلاوه وفطاير وكيك بدون شك ((__الخباز__))​

فديت الجهرا والله​

اهليـــــــن حبيبتـــــي
ذكرتينـي براعيه اللقيمـــــــات ياحلـو لقيماتهــــــا
طلبــــت منهـــــا جـم مـره قبـل سنتيــــن تقريبــــــا

 

[مرايــــــــم]

مساكم الله بالخير بنات الجهراء مشتهيه اسوي نقش حنا يسوى اللي جرب ولا شاف شغل مضمون ياريت يدلني ولو تجي للبيت يكون افضل سمعت بصالون رشنا خلف سوق الامارات مكان صالون رمادا شرايكم فيه وماتقصرون بنات منطقتي

انــا نقشـت عندهـم شغلهـم حلـو
والاسبـوع اللــي طـاف وديـت بنات اخوي الصغـار انقشوا
عندهـــــم

 

[مرايــــــــم]

يارا حبيبتي مانمنا فترنا شوي

ابي ملابس قرقيعان للبنات وين احصلهم الحين ودي اسوي واصورهم وافتك برمضان زحمه ومانحصل شي حلو اما ملابس العيد شريت وارتحت اخذت لهم من الحفر ومحل سمينا مسوي تنزيلات تهبل شريت مؤونه الصيف لعيالي كلهم منهم كلف علي بس ٢٠٠ ببلاش والله مع الجوده

حتـى انـا ودي اشتـري لبناتـــي لبــس قرقيعــــان
ملابـس للصيـف شريتلهـم من الافنيوز

السنـه الــي طافـت ارقـام ودور علـى التصويــر
انـــــا بحــــوس بالمعـــارض وشــوف