بنات الجامعة الامريكية حياكم .. !!

[*toot]

السلام عليكم
انا ادرس بجامعة لكويت بثالث سنه ومفكرة احول للجامعة الامريكية وللعلم الانقلش عندي يعني نص ونص يمشي الحال مو ذاك الزود بغيت اسأل الي يدرسون بالجامعة الامريكية يقولولي شلون طبيعة الدراسه عندهم؟ وشلون ع اللغه قبلها سمعت انه اخذ دورة انقلش بالجامعة شلون الدوره يعني قويه ما اطلع منها الا انا قادره اتعامل مع الدكاتره والمناهج؟ يعني بتقويني بالانقلش ؟.. لان اللغه اهي الي قاعده احاتيها اكثر شي ..بغيت تقوليلي من تجربتكم ..

 

[ذهبه]

ليش بتحولين حبوبه ؟
انا الصراحه مانصحج تحولين كوز اغلب اللي اعرفهم مو ماشيين بالجامعات الخاصه للأسف
استخيري قبل هالخطوة الكبيره
وموفقه

 

[Q8-93]

اول شي الجامعه الامريكيه auk دراستهم ١٠٠٪ انقليزي


الي يدرسون بالجامعة الامريكية يقولولي شلون طبيعة الدراسه عندهم؟
يختلف التدريس من دكتووور لي دكتوور بالجامعه كل دكتور وله طريقته الخاصه في التدريس

وشلون ع اللغه قبلها سمعت انه اخذ دورة انقلش بالجامعة شلون الدوره يعني قويه ما اطلع منها الا انا قادره اتعامل مع الدكاتره والمناهج؟ يعني بتقويني بالانقلش ؟


اذا قدمتي عل جامعه راح يمتحنونج امتحان هالامتحان يححد مستواج بالانقليزي ويحطونج بالمستوى اللي انتي فيه في بالجامعه ثلاث مستويات كل مستوى كورس و كل كورس يحتوي على مادتين مكثفتين بس دراسه انقليزي بس مو شرط تخلصين من التمهيدي تكونين بيرفكت بالانقليزي هالشي يعتمد عليج وعلى قدراتج اذا طورتي نفسج راح تكون الانقليزي سهالات بالنسبه لج

واي سؤال انا حاظره

 

[*toot]

ذهبه .. حبيبتي انا بحول لان جامعة لكويت الصراحه ممله وتعليمهم كلش مايتقارن مع الامريكية ولا حتا الشهاده وثاني شي انا ابي اقوي الانقلش عندي ..

Q8-93 .. مشكوره حبيبتي ماقصرتي

 

[™reema]

Q8-93

بسألچ آنا كنت مقبولة بجامعة الكويت طب مساعد وسحبت أوراقي عساس بروح الادارية الكورس الثاني ..
بس ألحين قاعدة أفكر بالجامعات الخاصة
تنصحيني ولا لا ؟
وشنو تخصصاتهم ؟


بعد اذن صاحبة الموضوع

 

[*toot]

البنات الي يدرسون بالامريكية فيدونا عن طبيعة الدراسه والنظام عندكم .. لان الصراحه حدي متوتره وخايفه وابي خخبرة ناس مجربة

 

[Q8-93]

جامعتنا نظامها يختلف من دكتور لي دكتور لكن بشكل عام تعتمد على الحضووور و الالتزام بالواجبات و البرزنتيشنات
والتمهيدي يتكون من ثلاث كورسات على حسب مستواج يحطونج التمهيدي يكون بس انقليزي بدون مواد ثانيه لان الدراسه كلها و كل شي بالجامعه يعتمد على الانقليزي في ناس دشو الجامعه يطقطقون بالنقليزي واطلعو واهما بيرفكت بس هالشي مايعتمد على التمهيدي بس لازم انتي تحاولين اطورين من روحج.

ريما من ناحية النصيحه ما اقدر الا اقولج استخيري ربج

و انا حييييل حيييل مرتاحه حق الجامعه اول شي ملمومه كل شي تبينه يمج يعني مايحتاج تطقين درب لي مكان ثاني و غير تعامل الناس معاااج حيل راقي وحلو والجامعه اسبوعيا اكو ايفنتات يعني يكسرون روتين الدراسه وهالشي واايد حلو .

 

[Q8-93]

الجامعة الأمريكية في الكويت هي مؤسسة للتعليم العالي, مستقلة، خاصة، تعمل بمبدأ تكافؤ الفرص والتعليم المشترك.

تستمد بنية وأساليب ومعايير AUK التعليمية والثقافية والإدارية على النموذج الأمريكي للتعليم العالي. لغة التدريس هي الإنجليزية.

نشأت بمرسوم أميري رقم 139 عام 2003. وتم إعتماد الجامعة من قبل مجلس الجامعات الخاصة, وزارة التعليم العالي عام 2006.

المصدر: موقع الجامعة الإلكتروني


للجامعة الأمريكية في الكويت العديد من الشراكات التعليمية والاتفاقيات مع الجامعات والمؤسسات. ولعل أهمها تلك التي تربطها مع Dartmouth College

American Academy for Liberal Education - AALE

Association of Collegiate Business Schools and Programs - ACBSP

Accreditation Board for Engineering & Technology - ABET

المصدر: موقع الجامعة الإلكتروني

***

تحوي الجامعة اربع اقسام:

Humanities and Arts - العلوم الإنسانية و الفنون

التخصصات:

الإعلام والإتصال
اللغة الإنجليزية
تصميم جرافيكي

التخصصات المساندة:

لغة عربية
إعلان
إتصال
لغة إنجليزية
تصميم جرافيكي
صحافة
علاقات عامة
فنون مسرحية بصرية

***

Social Sciences - العلوم الإجتماعية

التخصصات:

دراسات دولية
علوم إجتماعية و سلوكية

التخصصات المساندة:

تاريخ
موارد بشرية
دراسات دولية
علم نفس
علوم إجتماعية و سلوكية

***

Sciences and Engineering - العلوم و الهندسة

التخصصات:

هندسة كمبيوتر
علوم كمبيوتر
انظمة معلومات

التخصصات المساندة:

علوم كمبيوتر
دراسات بيئية
انظمة معلومات
رياضيات
علوم طبيعية

***

Business and Economics - إدارة الأعمال و الإقتصاد

التخصصات:

محاسبة
إقتصاد
تمويل
إدارة
تسويق

التخصصات المساندة:

محاسبة
إقتصاد
تمويل
إدارة
تسويق

***

عنوان المؤسسة: السالمية - شارع سالم المبارك - مقابل مسجد الشيخة بدرية الصباح

رقم الهاتف: 1802040

رقم الفاكس: 5749302

الموقع الإلكتروني: www.auk.edu.kw