بنات الثانوية × بنات الجامعه

[سونياريتا]

أهليــن قوة بنات :dddds:



أكيـــد في وايد بنات محتارين وين ادشون بعد التخرج من الثانوية
عشان جذي نبي من بنات الجامعه مساعدة عنونة

:ggdw:

أولا :من بنات الثانوية:
شنو اهيا رغباتج بالترتيب؟
وشنو الكلية الي تبين تسألين عنها ؟

*******************
ثانيا: نبي من بنات الجامعة يشجعونا:
شنو اهيا كليتج ؟؟؟
أين تقع ؟ <<اهم شي
المواد ؟
الدكاترة ؟
التخصصات ؟
التخصصات النادرة؟
وين تتوظفين ؟؟
الإيجابيات ؟
إذا كان في سلبيات ؟ وهل تحسفتي لانج دشيتي هالكليه؟؟
ونسبه القبول؟
و شنو امتحانات القدرات الي لازم تمتحنينها؟؟


بالنسبة لي

رغباتي:
1)هندسة _03BA:
2)طب أسنان
3)صيدلة

أبي اسال بنات الهندسة شلون المواد.. شنو التخصصات الموجودة وكل الأسئلة الي كاتبتهم فوق ؟ وأين تقع ؟؟<<لوول :ggdw:


تحياتي
سونياريتا:wqedqw:
_03BA:

 

[منبر الثقة ~]

الله يعطيـــــش العاااااافيــه على هالموضوووع الرووووووووووووعـة
بصراااااحة والله محتاااارة ما أدري ويـن أروووح
أنا 11أدبي وأبي تخصصااااتت بناااات الأدبي وينصحوووني أي جااامعة وشنو المواااااد عرفتو أبي وحدة فاااهمتني أنا أبي آخذ القرااار الحين عشاان على الأقل أشد حيلي السنة الجاااية وأتشجع
ومشـــكـــــــــــــــــووووورة حبيبتي على المووووووضوووووووع الأكثر من الراااااااااائع
وموفقة يااااارب

 

[aaaa1]

حبيبتي تسلميييييييييييييين عالموضوع

وانا بكليه بوكسهل اللي في ابوحليفه ...واي وحده من خواتنا اللي بالثنويه حابه تستفسر عن الكليه انشاءالله ماراح انقصر وياها

 

[willa]

انا بكلية البنات اللي بالعديلية واي سؤال احنا حاضرين

 

[أميرة الحزن:)]

انا طالبه
ودي اروح صيدله بس يقولون صعب

 

[gazl~q8]

شنو اهيا كليتج ؟؟؟

علوم اجتماعية..
أين تقع ؟
بالشويخ..
<<اهم شي
المواد ؟
زينة حلوة وخفيفة..
الدكاترة ؟
كل تخصص فيه الزين والشين بس الاغلب زينين..

التخصصات ؟

تخصصاتها (علم نفس \ خدمة اجتماعية \ علوم سياسية \ جغرافيا\ علوم معلومات\ علم اجتماع..
التخصصات النادرة؟
الجغرافيا تخصص نادر خلوه على مااظن..
وين تتوظفين ؟؟

اغلب الوزارات يقبلون..
الإيجابيات ؟
شكثر ايجابياتها..
إذا كان في سلبيات ؟ وهل تحسفتي لانج دشيتي هالكليه؟؟
لا ماكو سلبيات والحمدالله ماتحسفت ومرتاحة عالكلية..
ونسبه القبول؟
اقل شي 82.2
و شنو امتحانات القدرات الي لازم تمتحنينها؟؟
ماكو عادي تقدمين اوراقج عادي ويقبلونج..



ويعطيج العافية عالموضوع بالتوفيق انشاءالله..

 

[saron el.noteya]

أنا طالبه

وكل يوم لي تخصص ومن هالموحد مو عارفه كوعي من بوعي خخخخ

الله كريم

يسلمووووش ع الموضووع

 

[نعب قلبي]

انا بالتربيه واذا اي شيء تبينه بخصوص هالكليه
انا حاضره لكم والحمدالله كليتي من اروع الكليات ...........تمدح كليتها ههههههه
وتخصصاتها ولا اروع..

 

[~q8ia~]

شنو اهيا كليتج ؟؟؟
علوم ادارية cba
أين تقع ؟ <<اهم شي
بالشويخ جارة الاجتماعية و الحقوق
المواد ؟
انجلش 106و علم نفس
الدكاترة ؟
امثال الحويلة
التخصصات ؟
محاسبة,ادارة اعمال,اقتصاد,تسويق,تمويل
التخصصات النادرة؟
تمويل
وين تتوظفين ؟؟
اي مكان ( بنوك و كذا)
الإيجابيات ؟
كلية تدش القلب و دكاترة زينة و ديوكوراتها حلوة و تخصصاتها حلوة و مطلوبة
إذا كان في سلبيات ؟ وهل تحسفتي لانج دشيتي هالكليه؟؟
ما ادري يمكن المظاهر
ونسبه القبول؟
85%
و شنو امتحانات القدرات الي لازم تمتحنينها؟؟
كلها ما عدا الكيميا

 

[noo7a]

ثانيا: نبي من بنات الجامعة يشجعونا:
شنو اهيا كليتج ؟؟؟
كليه العلوم
أين تقع ؟ <<اهم شي
بالخالديه
المواد ؟
تختلف من تخصص لي ثاني
الدكاترة ؟
لا باس فيهم و كل مكان فيه الزين و فيه الشين
التخصصات ؟
علوم طبيعيه و رياضيه : علوم حاسب الى , رياضيات ماليه , رياضيات , كيميا , فيزيا , احصاء , جيولوجيا
علوم بيولوجيه : ماعرفهم عدل
التخصصات النادرة؟
جيولوجيا , علم النبات , رياضيات , و في بعد جم تخصص
وين تتوظفين ؟؟
على حسب كل تخصص يعتمد بس الاكثريه من طلبتنا يتوظفون في ( الوزارات بشكل عام , القطاع الخاص , البنوك , البترول و غيرهم وايد طبعا )
الإيجابيات ؟
اذا حبيتي التخصص الي انتي فيه و كان رغبتج و مقتنعه فيه يعني ما طحتي بالتخصص لانج مجبوره او لان معدلج ما ساعدج بتشوفين كل شي ايجابي
إذا كان في سلبيات ؟ وهل تحسفتي لانج دشيتي هالكليه؟؟
السمعه السيئه الي على الكليه الكل يقول انها صعبه حيل , بس ارد و اقول مافي شي ايي بسهاله احنا داشين الجامعه عشان ندرسمو عشان نلعب ,, لا والله كلش ما تحسفت مع انها ماكانت رغبتي الاولى بس سبحان الله خيره و الحين حيل حيل مستانسه من تخصصي ( علوم حاسب الي ) حيل قوي و مطلوب بكل مكان
ونسبه القبول؟
شي ة سبعينات بدون المعدل المكافئ
و شنو امتحانات القدرات الي لازم تمتحنينها؟؟
للعلوم الرياضيه و الطبيعيه : انجليزي و رياضيات
للعلوم البيولوجيه : رياضيات و انجليزي و كيميا
( ملاحظه : اذا ما عديتي الامتحان تاخذين تمهيدي لان الكليه مو مطلوب لها معدل مكافيء)

 

[$$ صعبة الوصوف $$]

شنو اهيا كليتج ؟؟؟
التربيه
أين تقع ؟ <<اهم شي
كيفــآن
المواد ؟
في منها السهل والصعب على حسب دكتور الماده
الدكاترة ؟
في منهم زين ومنهم لا والله ماودج تاخذين عنده
التخصصات ؟
علم اجتماع / علم نفس / تاريخ / جغرافيا / اسلاميه / عربي /انجليزي < هذا بالنسبه للادبي
علوم / رياضيات وغيره ماعندي خلفيه فيهم < للعلمي .
التخصصات النادرة؟
انجليزي تخصص نادر
وين تتوظفين ؟؟
مــدرسه
الإيجابيات ؟
انه تخصصاتها وااسعه والدكاتره اغلبهم زينين وضروري تختارين التخصص بقناعه
إذا كان في سلبيات ؟ وهل تحسفتي لانج دشيتي هالكليه؟؟
لا انا محوله لها اكيد مابتحسف ان شاء الله . يمكن لها سلبية المباني لو كان مبنى واحد ومبطل على بعض احسن من 3 مباني وكل واحد بصوب .
ونسبه القبول؟
85%
و شنو امتحانات القدرات الي لازم تمتحنينها؟؟
للادبي > انجليزي
للعلمي > علوم ورياضيات وانجليزي

والله يوفقكم

 

[كويتيه كيوت000]

ثانيا: نبي من بنات الجامعة يشجعونا:
شنو اهيا كليتج ؟؟؟
كليه العلوم
أين تقع ؟ <<اهم شي
بالخالديه
المواد ؟
تختلف من تخصص لي ثاني
الدكاترة ؟
لا باس فيهم و كل مكان فيه الزين و فيه الشين
التخصصات ؟
علوم طبيعيه و رياضيه : علوم حاسب الى , رياضيات ماليه , رياضيات , كيميا , فيزيا , احصاء , جيولوجيا
علوم بيولوجيه : ماعرفهم عدل
التخصصات النادرة؟
جيولوجيا , علم النبات , رياضيات , و في بعد جم تخصص
وين تتوظفين ؟؟
على حسب كل تخصص يعتمد بس الاكثريه من طلبتنا يتوظفون في ( الوزارات بشكل عام , القطاع الخاص , البنوك , البترول و غيرهم وايد طبعا )
الإيجابيات ؟
اذا حبيتي التخصص الي انتي فيه و كان رغبتج و مقتنعه فيه يعني ما طحتي بالتخصص لانج مجبوره او لان معدلج ما ساعدج بتشوفين كل شي ايجابي
إذا كان في سلبيات ؟ وهل تحسفتي لانج دشيتي هالكليه؟؟
السمعه السيئه الي على الكليه الكل يقول انها صعبه حيل , بس ارد و اقول مافي شي ايي بسهاله احنا داشين الجامعه عشان ندرسمو عشان نلعب ,, لا والله كلش ما تحسفت مع انها ماكانت رغبتي الاولى بس سبحان الله خيره و الحين حيل حيل مستانسه من تخصصي ( علوم حاسب الي ) حيل قوي و مطلوب بكل مكان
ونسبه القبول؟
شي ة سبعينات بدون المعدل المكافئ
و شنو امتحانات القدرات الي لازم تمتحنينها؟؟
للعلوم الرياضيه و الطبيعيه : انجليزي و رياضيات
للعلوم البيولوجيه : رياضيات و انجليزي و كيميا
( ملاحظه : اذا ما عديتي الامتحان تاخذين تمهيدي لان الكليه مو مطلوب لها معدل مكافيء)

انا كنت بعلوم بيولوجيه
و صراحه كليه كرف و تعب و مختبراتها متعبه
وبالنهايه لا وظيفه سنعه ولا هم يحزنون يعني انا سألت الوظيفه صباحيه قالولي شفتات
قلت انزين كم معاش خريجه علوم بيولوجيه بشكل عام قالولي حول 500 دينار
و الدراسه حول 5 سنين لان المواد متعبه و كلها مختبرات
المهم انا قعدت سنه و الحمدالله كان مستواي زين ما خذيت تمهيدي دشيت بالمواد على طول وعرفت نوعيتها ولحقت على نفسي و حولت تربيه أساسيه و انصدمت اشكثر بنات حولو من العلوم الحمدالله انا الحين سنه 3 المفروض رابعه :0bee2e8d89:
معاي بنات من دفعتي بالجامعه بس طافت عليهم 4 سنين مو شويه لان توهم حولو السنه هذي

فنصيحه فكروالف مره قبل لا تختارون الكليه واسئلو عن الوظيفه لان هي الاساس

أما تخصص حاسوب الي في كليه العلوم هو حلو بس صعب
الصج ينقال كل البنات يشتكون من الدكاتره اللي فيه كنت ناويه احول بس صراحه خفت أجازف

 

[ملكة الحنان]

أولا :من بنات الثانوية:
شنو اهيا رغباتج بالترتيب؟
هندسه-طب-صحافه
وشنو الكلية الي تبين تسألين عنها ؟
الهندسه ودي اعرف شلون المواد وشنو انطباعكم عن التخصص


وقواكم الله

 

[عيونك اخر آمآلي]

شنو اهيا كليتج ؟؟؟
>>> الاداب

أين تقع ؟ <<اهم شي
>>كيفـــــــان

المواد ؟
>>تختلف مواد من تخصص لي تخصص ثاني

الدكاترة ؟
>>فيهم الزين وفيهم الشـــين

التخصصات ؟
>>تاريخ _ اعلام _ عربي _ انقليزي_فلسفه

التخصصات النادرة؟
>>مافي

وين تتوظفين ؟؟
>>حسب كل تخصص

الإيجابيات ؟
>>مااشوف اي ايجابيات


إذا كان في سلبيات ؟ وهل تحسفتي لانج دشيتي هالكليه؟؟
>>اي تحسفت وبحول هالكورس ان شاءالله تخصصاتها مو مع رغباتي بصراحه

ونسبه القبول؟
2.90 يمكن تعادل 78 اذا ماني غلطانه


و شنو امتحانات القدرات الي لازم تمتحنينها؟؟
>>مافيه امتحان قدرات الا الانقيلزي واذا مانجحتي تاخذين تمهيدي






وأي سؤال حاضــــــر :eh_s(1):​