بنات التربية/جامعة الكويت ..بسألكم عن مكافأة التخصص النادر؟

[أم حمد =)]

قووووة بنات .. شلونكم شخباركم ؟ ..



بغيت اسالكم .. صج الانجليزي تخصص نادر بالتربية ؟ ويعطون عليه مكافاه ؟ وشنو شروطها ؟


وسؤال ثاني .. شنو شروط التفوق ؟ يعني جم وحده لازم اخلص وجذي ..



مشكورين







=)

 

[[..كـــــرك..]]

هلا ابوي

مممممممممممم


ماعرف اجاوب ولاشي خخخخخخخخخخخخخخ

ولاكأني من الكليه بالمره

بس اللي اعرفه النادر فيزيا

والتفوق مااادري بعد

نطري غيري احسن

انا بس شفت محد رد كسر خاطري موضوعج خخخخخخ

 

[cherry kisses]

اي الانقليزي تخصص نادر

والمافاه 1200 بس مادري على الكورس كامل ولا شنو ماعرف الطريقه عدل

وهذا الي عرفت اجاوبه لوووول

 

[*candygirl*]

السلام عليكم ايه حبيبتي الانجليزي تخصص نادر ولازم تجتازين 60 وحده بعد التخصص ولازم بعد مايكون عندج انذار معدل وتخصص الانجليزي لما تدخلينه لهم شروط معينه وانا مو عارفه هالشروط بالضبط بس تجتازين جنه ثلاث مواد غير امتحان القدرات الي لازم تجيبين فيه درجه عاليه
وبس هذا الي اعرفه جنه يعطون المكافأه 950

 

[miss cute]

أهلييين

YES الإنجليزي تخصص نادر ..

المكافأة 900 كل نهاية كورس تنزلج بحسابج (الكورس الأول+الثاني من غير الصيفي طبعاً)

الشروط: إجتياز 60 وحدة (يعني تقريباً من بعد السنة الثانية)

بعد إجتياز 60 وحدة تراجعين قسم المتفوقين و التخصصات النادرة "لهم تاريخ محدد" و تعطينهم الأوراق المطلوبة (أللي أتذكره يطلبون كشف حساب و صورة البطاقة المدنية)

عاد بعدين تنزلج دايركتلي كل كورس لمدة سنتين يعني بعد سنة رابعة ماكو مكافأة لأنه المفروض تكونين تخرجتي ..


أما شروط التفوق بكليتنا المعدل العام لا يقل عن 3.25 للعلمي 3.50 للأدبي << تأكدي لأن مرات يغيرون المعدل

و تكونين ماخذة 15 وحدة في الكورس <<< يعني حتى لو معدلج فوق 3.50 و ماخذة أقل من 15 وحدة ما يكرمونج بس بالسايت مال التسجيل تكونين على قائمة الشرف و يسمحونلج تسجلين 21 وحدة بدال 18 في الكورس الياي لأنج متفوقة و إذا كان الكورس الياي صيفي يعني كنتي متفوقة بالكورس الثاني يسمحونلج تاخذين 12 وحدة بالصيفي بدال 9 وحدات ..

و مو مهم جم وحدة مخلصة المهم تكونين ماخذة 15 وحدة أو أكثر+معدلج يكون 3.25/3.50 بآخر كورس :tek:

I hope I made it clear for you

 

[أم حمد =)]

مشكووورين بنات ما قصرتوا ..

الله يعطيكم العافية ..

بس بسإلج مس كيوت .. شنو قصدج بمعدل التفوق حق علمي وادبي ؟ يعني اذا كان تخصصي بالكلية ادبي مثل انجلش وعربي غير عن علمي ؟

 

[miss cute]

مشكووورين بنات ما قصرتوا ..

الله يعطيكم العافية ..

بس بسإلج مس كيوت .. شنو قصدج بمعدل التفوق حق علمي وادبي ؟ يعني اذا كان تخصصي بالكلية ادبي مثل انجلش وعربي غير عن علمي ؟

لااا يا قلبي على تخصصج بالثانوية علمي/أدبي .. يعني أول ما انقبلتي بالكلية قبل لا تتخصصين إنجلش شنو كانوا حاطينلج تخصصات علمية و لا تخصصات أدبية عليه يكون المعدل ..

? got it

 

[أم حمد =)]

لااا يا قلبي على تخصصج بالثانوية علمي/أدبي .. يعني أول ما انقبلتي بالكلية قبل لا تتخصصين إنجلش شنو كانوا حاطينلج تخصصات علمية و لا تخصصات أدبية عليه يكون المعدل ..

? got it

Thank u very much


=)

 

[أصدق شعور]

اول مره اسمع ان الانجليزي ت.نادر

والله زييييييييين صراحه .... كان ودي بتخصص نادر


بس عندي سؤال عادي ابتدائي؟؟

 

[أم حمد =)]

والله مادري يالمهندسة .. ياريت البنات يجاوبونا ..


=)

 

[*(فطوم الحلوة)*]

الانجليزي - تربية تخصص نادر ؟
أوكي ... و الآداب
قصدي آداب انجليزي مو تخصص نادر ؟

 

[*candygirl*]

انجليزي اداب مو تخصص نادر بس التربيه ابتدائي ومتوسط ثنويه نادر

 

[أصدق شعور]

والله خوش خبر

 

[sorry l love u]

بنات ما تنزل مكافأة التخصص النادر للانجليزي للي يدرسونه بجامعه خاصه؟؟
انا ادرس ادب انجليزي اهوا تخصص نادر ؟؟
بجامعه خاصه
يعني لي الحق بالمكافأه ولا لا؟؟