بنات البنت تبي نصيحه منكم تعالو نصحوها لوجه الله

[لهفة المشتاقه]

السلام عليكم كرووووووووشــــات​

شلـــونـــــــكـم شخــبـــاركـــــم؟؟؟؟؟
الله يسلمكم رفيجتي تبي نصيحه وانا نصحتها وقلت لها عاد سمعو سالفتها
هي حامل وهذا شهرها حلو ودها تولد بمستشفى خاص وريلها ريال على قده مايقدر على المصاريف المستشفى الخاص
يكفى شقتها اجارها يكسر الظهر وعليه ديون واقساط قلت لها ليش ماتولدين بمستشفى الصباح يقولون بالبجر يعاملون معامله خاصه تقول وكلام الناس انا مو ناقصني شي اللي ولدو بستشفى خاص مو احسن مني تقول عادي ابيه يتسلف هو وعليه عليه وهي للحين طالبه كله متسلف مقطع معاشه :cxxxp: :cxxxp:
بنات هي حلفتني اكتب سالفتها بمنتدى كويتيات وتبي رايكم بالموضوع انتو شرايكم شنو تنصحونها؟؟؟ :friends:
امانه بنات ابي ردوركم علشان تشوفوها وترتاح وهي هالجم يوم يمكن تولد الله يسهل عليها
اتمنى رايكم بدون تجريح وربي انا حاسه فيها حيل :denya:

 

[أحلى^حياه]

تولد بالصباح ياحلو معاملتهم بالبجر
واذا كانت خايفة تدورلها واسطه هناك يعاملونها احسن من الخاص
وبعدين يعني من صجها بتخلي الريال يتسلف ! ما عندها سالفه
الريال على قده حرام تسوي جذي

 

[آهات الليل]

الله يككون بعونها يارب ويسهل عليها ويرزقهم بالرزق الحلال ان شالله
خل تولد بمستفى الصباح احسن من العدان بوايد واذا في مجال خل تولد بمستشفى لندن حيل رخيصه وتهبل انا مجربتها ولاتي طلعت ب313بس وفي غيري ب250
واذا مافي مجال خل تفوض امرها لله وتولد بالصباح ربج معاها

 

[miss-winter]

صح كلامج كل المستشفيات راعيه خاصه للبجر انا سامعه جذي وحرام عليها هذا ريلها يعني الي يحوشها يحوشه لازم يفرح بالي تيبه مو يفكر بالفلوس والله يسهل عليها يارب

 

[جيكره(و)تتغلى25]

والله اذا شااايفه صج متقطع حرام انا عن نفسي مااشتغل وزوجي معاشه تقريبا راهي لما يبي حق نفسه وسفره يدبر فعشان جذي لزمت بخاص وكل عيالي بخاص وانا مو مهايطه او عشان الناس لاوالله غرفتي عاااديه والحلو بعد بس اشتري راحتي مابعد الولاده لان الولاده سهاله من الله مو من خاص ولا الدكتور


بس حرام اذا يتسلف وهي شكو بكلام الناس ماراح تخلص وبيقولون وي بعد ال40 ليش ماتسافر هم يتسلف عشان السفره كلام الناس لا بيقدم ولابياخر اهم شي تولد بسلامه وبعافيه

 

[i'am THE ONE]

بالدات الولادة كافيها مهايط اهم شيء الصحه و العافيه

و بصراحه هي و زوجها اولي بالفلوس و ترى شيوخ يولدون هناك عادي

و رح تتعب من الناس و تدور رضاهم

 

[غير كل الناس]

المفروض من اول ماحملت مسويه حساب لهاليوم

مالها الا الصباح الله يهون عليها

 

[آهات الليل]

تونس استوعب عن سالفة السلف
حرام شلون يزيد على نفسه دين عشان تبيه يولدها بخاص وتلي شراح يصير مايبون لبس للبيبي وحفاضات وحليب كله بياثر عليه لاتسلف زياده عن اللي متسلفهم لحياته الزوجيه ربي يفرج همهم ان شالله

 

[bdora]

السلام عليكم
والله اعرف بنات عندهم فلوووووس ورث من اهلهم وموظفات والله لو تبي تروح تولد بامريكا وترد تقدر ومتزوجين ناس على قد حالهم يعني طرق معاشه يولدون بالحكومه ولا همهم كلام الناس ولاخلو هالسالفه تخرب بيوتهم

وانه وحده منهم انا منصدمه منها تقول لو ابي الله يخليلي لابوي بس شفيه الحكومه يعني تقنع روحه بروحه
واهم شي انه السهاله من الله

 

[جـــواهر]

يعني عباالج اللي يولدون بخاص قاعدين ع بنك ؟؟
ترا اغلب البنات يجمعون عشان الولاده وانا منهم
تبيني انطر زوجي يدفعلي ؟؟ بيقول والله ياحبيبتي عندج الحكومه فاتح بيبانه
اي ماينلام محد يحس بالولاده
والله هذا انا من حللت ودشيت جمعيه والحمدلله ولدت فيهم
..
موسالفة هياط لو الحكومه عندهم رعايه زينه جان ولدنا عندهم بس الخاص
يوفرلي عنايه .. اهم شي راحتي انا تعبانه وحامل 9 شهور
استاااهل الرعايه والمثل يقول حط فلوسك بالشمس واقعد بضلال..

وبعدين شنو يعني الشيوخ يولدون بالصباح؟؟؟
طبيعي يعني هذيل شيوخ والله لو يولدون بالهند بيحصلون احسن رعااايه

 

[لهفة المشتاقه]

الله يعطيكم العافيه وماقصرتو
كـــفــــيتــو وفــيــتــو
ماتدرون شكثر احن عليها
يارب تقتنع بكلامكم

 

[عاشقة^زوجها]

الله يسهل عليها ويسهل ولادتها .. اهم شي تولد بصحه وعافيه ان شاء الله

 

[غنوة ستايل]

الله يكون بعونها بس سالفه انها تتسلف عشان الولاده صعبه
ليش ما سوت جمعيه من اول الحمل . اغلب الحريم تسوي جمعية وبفلوسها يولدون
بس ان ريلج يتسلف عشان الولاده صعبه . الله يكون بعونج

 

[كـّلي ذوٍؤٍوٍق~]

رد : بنات البنت تبي نصيحه منكم تعالو نصحوها لوجه الله

الله يهونها عليها وتولد بالسلامه

ومثل ماقالوا الصباح وإن شاءالله خيرره

 

[اميره كويتيه]

بدال لاتفكر بالسللف جان يمعت من اول مادرت انها حامل لو 50 دينار بالشهر يطلعلها شي اما السلف عشان اشياء تافهه ما انصحها خل تتوكل على الله وتولد بالصباح والسهاله من الله

 

[حرم_طيار]

رد : بنات البنت تبي نصيحه منكم تعالو نصحوها لوجه الله

الصباح ما في شي اكبرها و اسمنها يولدون فيه

الله يهون عليها لا اتحط ديون على ظهرها على شي ما يسوى

اللي يشوف الناس يتعب

تتوكل على الله واتروح الصباح احسن لها

 

[انا والجرح]

عادي الصباح الفروانيه العدان صدقيني اللي يسهل ربج مو الخااااااص ليش يتسلف وتكلف عليه خليها تسهل على زوجها وربي يسهل عليهاا

 

["GloRia"]

والله انا طالبه وريلي علي قد حاله ... وكنت ابي اولد بالخااص والحين الخااص مايصبرون علي البجر علي طوول قالو البيبي قل نبضه ونبي نسوي فتح بطن مافيهم صبر وبعدين يبون الفلوووس .. بس قررت انشاءالله اولد بالصباااح الاني سمعت رعايتهم للبجر رووعه .. والسهاله من رب العالمين

 

[بيرلا ستور]

اهم شي الصحة وانا اعرف وقت يتوهقون المستشفيات الخاصة بولادة عسرة دايركت يحولونها لمستشفى الصباح
وربي يرزقها الصحة هي ومولودها اهم شي

 

[ديانا سبنسر]

اسمعي سالفتي انا كنت خايفة موت من الولادة وخصوصا اني كنت بجر زوجي موراضي يقول ماعندي مع العلم كل مراجعات الحمل بخاص بس الولادة قال بالحكومة عاندته وولدت بخاص بس شنو ولدت بعملية ولما خلص البنج ادور زوجي حبيبي مالقيته زعل علي يعني مع انه خاص جبت عملية وخسرت زوجي وظول الاربعين يدش يشوف البيبي ويطلع ماراضينا الا فبل نهاية ال40بخمسة ايام اللي ابي اقوله لاتغلط غلطتي خلها على كلام ريلها هذا انا خاص وخاص وجبت بعملية ولااللي اكتشف انه حوضي صغير الحكومة موهم