بنات الامارات اوخبيرات دبــــــــي تعالوااااااااااااااااااااا

[مجنونه خالد]

بنات تكفووون مساعدتكم

انا بحجز بفندق Dhow Palace Hotel وش رايكم فيه واذا عندكم فنادق حلوه واسعارها تكون معقوله ياليت

ابي اساميها لاني بصراحه ماودي اقط فولسي على فنادق غاليه اا بروح سياحه واكثر شيء تسوووووق

وابي الاماكن الحلوه غير مول دبي والنافوره وابن بطوطه ابغى مطاعم كشخه واماكن حلوه ظبطوني ودي اكشخ عند ابوالشباب وابغى شارع الشانزليزيه دبي وين موقعه وسوق نايف تنصحوني فيه ولامايستاهل واماكن شعبيه مااحب

وعندي سؤال بعد ابي اعرف الاوت لت وين موقعه بالضبط ؟ومتى تصكر المطاعم والمجمعات يعني كل مكان حلووو ولو تسون لي جدول لمدة خمس ايام كثر الله خيركم >>>>فلتها هههههههههههه ماتنعطى وجه

الله يعطيكم العافيه بناااات بكره على خير انشاءالله مسافره وابشروا بالتقرير الي يونس

انتظركم .................................​

 

[سكره مالحه]

رد : بنات الامارات اوخبيرات دبــــــــي تعالوااااااااااااااااااااا

اختى الفندق ما اعرفه
ودام رايحه تسوق انصحك فندق بالاس اولد تاون عجيب
وملاصق لدبى مول
بتاخذين راحتك اكثر بالروحه والدخله
والمجمعات الحلوه :
سيتى سنتر مردف
امارات مول
وافى
فيستيفال

 

[حلوة وجتاله]

رد : بنات الامارات اوخبيرات دبــــــــي تعالوااااااااااااااااااااا

الامارات ماعليها كلام بس انا لمن رحت لها سكنت بـ شقه ف اسمحيلي مادري عن الفنادق

بس دوله صج ماجنج بالخليج بس جوها لج عليه شوي ..

والله يوفقج وييسر أمورج

 

[عواار قلب]

فندق سمايا ديره عجييب رااقي وسعره زين

ااما الاماكن :لامارات مول عجييب

و عندهم المارينا عجيييب كله مطاعم وبحر وتمشي وحاجه فخمه<<< على قولت راعي التاكسي ههههه( يمكن اهوا اللي اسمه شارع الشانزليزي)

حبيبتي والاوت ليت مول شوي بعييد بس ماعليج انتي بس اركبي التاكسي وقوليله اهواا يوديج

وروحي سوق التنين عجيييب والله كل اللي يشتغلون فيه صينيين

وهم بعد عندهم شاطئ الجميرا وسوق الجميرا تقريبا شغل قديم يعني نظام سوق البحارة وهم بعد عندهم سوق البحارة هذا تلقينه عند دبي مول ..

نصييحه : الظهر روحي تمشي بالمول وتغدي ولما يطييح البراد روحي اطلعي اماكن ثانيه وبالليل روحي البحر

على فكره دبي مولل عندهم الاكوااريوم حلوو

والامارات موول عندهم صاله الثلج هم بعد حلوة

وسيتي سنتر بعد حلوو عندهم مدينه الرعب اعتقد

وهم بعد عندهم متروو اذا حابه تركبينه

وعندهم ديزني لاند بس مارحت لها كان الجوو حر .. وماشفتها

وعندهم برج خلييفه وسمعت انه تقدرين تدخلين وتعيشين تجربه الصعود ومشاهدة السحب .. بس انا ماجربت لاني ماكنت ادري

واذا في وقت روحي الشارقه وسوي نقش حنه ..

وانصحج عشان الجدول : سجلي الاماكن بورقه وكل يوم روحي مكاان وموول واستكشفي وهم بعد اسالي راعي التاكسي والله عندهم معلومات عدل ويعرفون كل شيئ ..

والله يهنييج بسفرتج
ان شاءالله اكون افدتج ..