بنات الاداريه ابييييكم شوي ^^

[.حــنــان.]

قـــــــــــــــــــــــــــــــــــــــــــوه

بنات الاداريه بغيت منكم كذا معلومه عن الكليه
لان ان شالله بدخلها
المهم بغيت اعرف دراستها سهله و لا صعبه ولانص ونص
وبذات تخصص محاسبه

الي اعرفه ان كل موادها بالانجليزي
اوك ماعليش بس شلون حتى لما يشرح الدكتور بالانجليزي @.@ بالله شفهم انا @.@ طول الوقت بتنح << مو معناته اني ميح بالانجليزي بس امشي الحال خخخخ
ولا يشرح بالعربي و الامتحان انجليزي ؟؟؟ << شلون صارت هذي بالله مممم مادري مادري بس قولولي لا يفتر مخي هههه
فكرت ادخل معهد انجليزي وجذي بس مادري
ممممممممممم ((الــزبــده)) ابيكم تتكلمون عنها بشكل عام

:eh_s(7):

 

[الحورية الصغيرة]

أنا طالبة بالإدارية و ناويه على المحاسبه إن شاء الله

اول شي أهم راح يعطونج كورسين أو كورس إنجليزي

إذا ناجحة بالقدرات بأقل من 80 راح تاخذين إنجليزي 106 عليه 4 وحدات

و اذا ساقطه راح تاخذين إنجليزي 096 ما عليه وحدات

و طبعا اذا ناجحة تبدين بمواد الكلية سيده

انا توني أول كورس فالمواد ما أعرف اذا الشرح بالإنجليزي ولا لأ

على العموم كلية ممتــــــــــازه من كل النواحي

شهادتها ما تضبع أبد إلي يقص عليج و يقول أنه لازم تتخرجين بإمتياز عشان تحصلين وظيفه سنعه لا تصدقينه بذات لو تخصصج محاسبه تخصص مرغوووووووووووووووب عليه

و الإدارية وحده من أحسن كليات العالم

أنصح فيها بشده

 

[.حــنــان.]

مشكوره الحوريه الصغيره وايد شجعتيني

18 وحده شافت الموضوع وبس وحده ردت

عفيااااااااااا ابي معلوماااااااات اكثر

 

[ياقلب وشفيك !]

حلوه الكليه
ورفيجتي الحين بسنه اولى مع انها مو حيل شاطره بالانجلش
بس حابه الكليه وماشيه فيها ولله الحمد

اذا حابه تخصص محاسبه دشي بدون تردد للاداريه :")

موفقه ياحلوه

 

[.حــنــان.]

ثينكس ^^


اب اب نبي بعد<< طماعه هع

 

[مسك حياتي]

انا اول سنه فيها بس مو حيل اعرف عنها ...

الكليه حلوه و مستقبلها حلو و زين عرفتي اللي تبينه من الحين ...

اغلب شي بالانجليزي بس سهالات ان شاء الله ...

تخصصاتها محاسبه ادارة اعمل تسويق ...

اي و اهي تنفع حق اللي يحبون الاحصاء و الانجليزي ...

اتمنى اكون فدتج و الله يوفقج ان شاء الله ...

 

[.حــنــان.]

مشكوره حبيبتي

 

[Miss McDonald]

• كلية قوية وممتآزة ومعترف فيهآ
• تخصصاتها مرغوبة ,
• اذا ع اللغة سهآلآت شدعوه كل طلبتها فلته ! ترى مو بالشكل اللي انتي متصورته , كلامهم ينفهم ..
• يبيلها مجابل ودرآسه
• موفقه حبيبتي :*

 

[Mysterious_Girl]

اي كتبنا كله بالانجليزي مو بالعربي
والدكتور شرحه بالانجليزي بس يقط قطات عربيه بس تفهمين عليه !!
انا كنت كله نفس كلامج اقول وخايفه حدي !! بس امشيه اموري
بس ترى مو سهله !! يبيلها مجابل !! تشدين حيلج وتدرسين تييبين ماتشدين حيلج ماتييبين
ولاتحاتين من ناحية الانجلش لان انا كنت نفس محاتاتج والحين مشالله ركضت السنين وبصير سنة رابعه (يحليلي كبرت ) لول ..
موفقه حبيبتي :*

 

[Mo7aSbChia]

men aqwa koleyat kuniv

emwafega 7abooba

 

[.حــنــان.]

• كلية قوية وممتآزة ومعترف فيهآ
• تخصصاتها مرغوبة ,
• اذا ع اللغة سهآلآت شدعوه كل طلبتها فلته ! ترى مو بالشكل اللي انتي متصورته , كلامهم ينفهم ..
• يبيلها مجابل ودرآسه
• موفقه حبيبتي :*

يوفق الحميييع يارب

مشكوره حبيبتي

 

[.حــنــان.]

اي كتبنا كله بالانجليزي مو بالعربي
والدكتور شرحه بالانجليزي بس يقط قطات عربيه بس تفهمين عليه !!
انا كنت كله نفس كلامج اقول وخايفه حدي !! بس امشيه اموري
بس ترى مو سهله !! يبيلها مجابل !! تشدين حيلج وتدرسين تييبين ماتشدين حيلج ماتييبين
ولاتحاتين من ناحية الانجلش لان انا كنت نفس محاتاتج والحين مشالله ركضت السنين وبصير سنة رابعه (يحليلي كبرت ) لول ..
موفقه حبيبتي :*

لوووووووووووووووووووووول

حبيبتي يوفق الجميع يا رب
وان شالله مثل ما قلتي عن الانجليزي هذا الي خايفه منه
وبالنسبه لي نشد حيلي اشده ماعليش خخخ

وثينكس ^^