بنات الاحمدي نبي تجمع

[مس كادي]

فديتكم بأهل العاشره
عندي حفله وأبي احسن صالون
اروح لاكاسيا ولا فام فاتال
وأبي أصبغ
وين تنصحوني
واسعاهم اشلون غالين ولا لا

 

[الكوويت]

فديتكم بأهل العاشره
عندي حفله وأبي احسن صالون
اروح لاكاسيا ولا فام فاتال
وأبي أصبغ
وين تنصحوني
واسعاهم اشلون غالين ولا لا

هلا مس كادي ... اكاسيا تسريحاتهم عجيبه ولا تخرب وهم المكياج حلو اذا كان عند اكاسيا نفسها بس لازم تحجزين قبلها بوقت ..انا جيتهم قبل العرس بيوم ابي احجز واشوف اذا كان فيه زحمه اولا قالت لي لا مانقدر انحط لج لان عندنا زحمه بكره المفروض قبلها تحجزين
اما الصبغ عندج صالون سحر تركيا صبغهم عجييييييييييييييييييب واسعارهم ممتازه انا سويت عندهم ب 20 بس وللامانه صبغها حيل حلو وعندها زحمه ع الصبغ

 

[الكوويت]

المنطقه العاشره الحمدلله كل شي متوفر فيها ....... انا امس خذيت لي فره على اسواق المعلم بالعقيله مشاءلله حيل حيل حلو وهم الاسواق الشعبيه اللي عند البيرق عنهم دراريع نفس طقة العربيد حلوه حيل والعبي هم حلوه

 

[هواجيس الفجر]

السلام عليكم و رحمة الله و بركاته ...

صباااح الخييير ...

شلووونكم ... اشتقت للتجمع ...

بناااات انا عندي عرس و خالاتي حاجزين صالونه تجي البيت تحط مكياج يمدحونها بسس ما تضبط التساريح ... تكفوووون ابي صالون يضبط التساريح ... انا شعري نااااعم حيييل و خفيف و شنو احلى و انسب تسريحه و اذا في صور لا تبخلوون <<< ادري مو مكانه بسس اللي تعرف تقترح علي ...

و شكرااا ...

 

[مس كادي]

يسلموووو الكوويت
فديت هالاسم والله
هاااا في احد تعامل مع هالصالونات
تكفون حدي متوهقه وين اروح

 

[البخت ضايع]

مس كادي .. عندج لمسة فن شحلاته مكياجهم عندج( ايلي ونديكا ) مكياجهم رااح يعجبج

هواجيس الفجر في وحده اسمها عزه كانت بلمسة فن وطلعت.. عجيبه بالتساريح وتعرف تتفاهم مع الشعر اذا كان خفيف

فنانه بمعني الكلمه تجي للبيت بس للاسف رقمها موعندي لان غيرت جهازي بس ابحثي عنه بالمنتدي بتحصلين رقمها

 

[ma3boocha]

بناااااتنا



مادحين لي مواعين و استكانات و مطاطير قصر السلطان بالفروانيه



تهقون قصر السلطان بالفحيحيل نفس المواعين ؟؟؟



مالي خلق اطق درب لي الفروانيه

 

[احساسي غريب]

ma3boocha مواعين قصر السلطان اللي بالفحيحيل عجيييييييييييبه اعرف ناس يتعنون له من الديره وهو من احسن الاماكن اللي تبيع مواعين بالكويت كلها

بنات بقولكم عن عيادة الدانه للاسنان انا اعالج اسناني عندهم من جم شهر خوش عياده والأطبا اللي فيها خوش دكاتره نفوسهم حلوه ومحترمين جدا مو مثل بعض الاطبا اللي يطيح الميانه ويطقها سوالف مع المريضه بالعكس خلوقين وويفهمونج حالتج ويشرحونها لج بالتفصيل وشغلهم مضبوط واسعارهم مناسبه انا سويت ثلاث ضروس عصب ودفعت 220 ومن كم يوم رحت كملت الجلسه الثانيه جان يقولون لي حسابج كامل يعني شغل العصب اللي بثلاث او اربع جلسات مع فتح الملف والأشعه بــ 220 بس تخيلو يابنات وربي ما صدقت الدكتور اللي اعالج عنده لبناني اسمه ماهر خوش دكتور متخصص بالعصب وايده ماشاءالله خفيفه ويسمي قبل يبلش سويت عنده جلستين وباقي جلسه ان شاءالله وفيه دكتور ثاني اسمه هشام كويتي اعتقد اصله فلسطيني او اردني خوش دكتور لما اخلص العصب بكمل عنده لأنه متخصص بالزراعه والتركيبات وفيه عنده دكتور متخصص بالتقويم ماجربته بس العياده كل اللي جربوها يمدحونها لأني لما رحت لقيت وحده تقول انا من فتحت العياده وانا عندهم على طول وبعد اخوي كان قاعد مع رجاجيل وكم واحد قالو نفس الكلام

مكانهم مجمع المنشر اول ماتجون من عند فيلا مودا تروحون يسار صوب الاصنصير وتطلعون الدور الأول على ايدكم اليمين على طول قلت بفيد البنات يمكن فيكم وحده محتاجه لأني صج ابتلشت على ما حصلت عياده زينه واسعارها معقوله لأني يامام قطيت فلوس الدنيا على عيادات تجاريه جدا ولا استفدت شي

 

[ma3boocha]

مشكوره حبيبتي على ردج .... عيل بروح قصر السلطان بفحيحيل



و مشكوره على عيادة الدانه




وعلى طاري الاسنان ،... انا اروح عند د. صلاح الكندري ... عيادته بالمهبوله مقابل الفنطاس الزراعيه عند مطعم فرح و مطعم المملكه .... بعد ايييده خفيف و خريج امريكا مو مصر .. حتى ولدي لما كان عمره ٥ سنين يقولي هذا الدكتور ابرته ماتعور هههههههههه




و سلامتكم

 

[هواجيس الفجر]

بناااات اكاسيا وين مكااانه !!!!

ياليت توصفوونه لي

 

[ma3boocha]

ما ادله والله ولا اعرفه


ان شاء الله وحده ثانيه تفيدج

 

[الكرملين]

اكاسيا بشارع المسوصف القديم

 

[واحشنى موت]

ماشاءالله كفيتوا ووفيتوا ً

 

[M1M2M3-N]

السلام الله عليكم فديتكم بنات العاشره سمعت من وحده عن صالون صراحه شفت تسريحاتها بس اهي قالت لي عن مكانه وهو رخيص لكن نسيت اسمه وستحيت اسألها اهوا في الفحيحيل ق ٩ لكن يوم رحت لقيت ٢ او ٣ يم بعض ابي مساعده تكفوووووون عندي مناسبه ابي اطلع بحلا صوره ساعدوني

 

[ألـماسـه]

السلام عليكم و رحمة الله و بركاته ...

صباااح الخييير ...

شلووونكم ... اشتقت للتجمع ...

بناااات انا عندي عرس و خالاتي حاجزين صالونه تجي البيت تحط مكياج يمدحونها بسس ما تضبط التساريح ... تكفوووون ابي صالون يضبط التساريح ... انا شعري نااااعم حيييل و خفيف و شنو احلى و انسب تسريحه و اذا في صور لا تبخلوون <<< ادري مو مكانه بسس اللي تعرف تقترح علي ...

و شكرااا ...

عندج روضه بس لا زم حجز قبلهاعجييييبه انا اتعامل معاها 66602514
وهاذي منيره 66482579 يقولون نفس مستوا روضه بس انا لي لحين ماتعاملت معاها حاطتها احتياط

 

[اشلون يعني &]

حبيت انضم معاكم
فطاير الرحي لذيذه تصلح للدوام يم يم
فطاير القمة يبعون برد باسكن روبز
صالون لمسة مونيا حلو البديكير مالهم
ستاديل منزل حلويات حلوة تنافس ارقى المحلات طلبت للدوام منه حلو الككاو بالجوز الكل سالني عنه على بالهم من مره

 

[اشلون يعني &]

خبر سوق المعلم بشيلونه من فحيحيل لانه مافي ربح (كساد)

 

[هواجيس الفجر]

عندج روضه بس لا زم حجز قبلهاعجييييبه انا اتعامل معاها 66602514
وهاذي منيره 66482579 يقولون نفس مستوا روضه بس انا لي لحين ماتعاملت معاها حاطتها احتياط

مشكووورة بس مابي تجي البيت ابي اروح صالون اضمن

 

[ma3boocha]

بنوووتااات حلوااات


منو تفيدني بمحل ورد راقي عندنا بالمنطقه العاشره


قربت ولادتي و مالي خلق اروح لي الديره احجز ورد




و بالمره



منو اسمعت عن ولادة مستشفى عاليه الدولي ،؟؟؟؟


قلت فرصه مستشفى يمنا والدكتوره يمدحونها عاليه الفضلي



فياريييت جاراتي العزيزات تفيدوني

 

[ألـماسـه]

لالا تفكرين بمستشفا عاليه اخيييس مستشفا بلكويت اصلا من شاف مكانه انتي روحي وشوفيه مستشفا مافيه موراجعين ولا حتا رسبشن