بنات اكواعي مسوده وحاولت وايد وماراح السواد شسوي :(

[شهرزاد الحكاية]

قوة بنوتات عسولات
بغيت استفسر منكم بنات اذا عندكم حل لموضوع اكواعي ..
انا الحمدلله اعتني حيل بمنطقة الركب والاكواع ووايد اتدهن واستخدم كريمات وشغلات من هالنوع بس صارلي فترة الاحظ في واحد من اكواعي صاير اسود وخشن ويعورني مادري من شنو متعب نفسيتتي قمت اكره نص جم والله ...
حطيت ريتن ايه و فازلين ومبيضات ولا اكو فايده فكرت اجرب الليزر بس بغيت اتاكد اذا ينفع او لأ ؟
قبل لا اروح واذا ينفع منو احسن دكتور بهالمجال ...
ومشكورين مقدما للردود​

 

[بحر الرمال]

معناها انتي تتسندين على الكوع هذا, لا تتسندين بكوعج على الزولية او شي خشن ,حطي مخدة تحتج
انا كنت احط اللاب تب على الزولية و انسدح و اكواعي تصير خشنه بس الحين قمت احطه عالمكتب و ردو اكواعي زينين

 

[بدويـــة مودرن]

راايي من رآي رمآل
والبسي كم طويل احسن عشان مآ تسوود

 

[شهرزاد الحكاية]

مشكورين بنات .....
ماقصرتوا .....بس الحين شنو الحل شلون ممكن السواد يروح ؟

 

[أمنيات الطفوله]

اعرف كريم استخدمته قبل بس شاريته من صيدليه بس مو بالكويت

اذا لقيت اسمه قلته لج وربي فضيع هالكريم بس ماراح تلقينه الا بصيدليات السعوديه

وبذات صيدلية الدواء وحده بوحده هالكريم ابيض والغطا ماله كحلي.......

 

[قمر 777]

امنيات يعني يبسض قولي اسمه اذا يبيض بسرعهههههههه بشتريه من الدواء اللي بالدمام جنه صح؟؟؟؟؟

 

[حبوبة الجميع]

انا والله العظيم
كنت قبل لاانام اغسلها وادعكها على خفيف بالليفه واحط فازلين الاصلي ابو غطا ازرق وانام
واقوم لاحظت تفتيح بسييط ونعوومه خلال اسبوعين بس للاسف ماستمرييت عليها
وهم بعد لاتتسندين واايد على كوعج وان شاءالله ينفع معاج طريقتي ياارب

 

[شهرزاد الحكاية]

اعرف كريم استخدمته قبل بس شاريته من صيدليه بس مو بالكويت

اذا لقيت اسمه قلته لج وربي فضيع هالكريم بس ماراح تلقينه الا بصيدليات السعوديه

وبذات صيدلية الدواء وحده بوحده هالكريم ابيض والغطا ماله كحلي.......

مشكورة حبيبتي ....ماقصرتي
ياريت تعطيني اسمه لاني ان شاء الله بروح الحج ويمكن احصله هناك وحتى ولو انا عندي اهل بالسعودية ممكن اوصيهم ايبون لي اياه .... ياريت ومشكورة واااايد :balo:​

 

[خ ر ف ا ت السهر]

رد : بنات اكواعي مسوده وحاولت وايد وماراح السواد شسوي

الملح والزيت والليموون فكري كووعج فيهم وبعدين رطبي كوعج وخلال شهر يتفتح

 

[الماسة مفقودة]

رد : بنات اكواعي مسوده وحاولت وايد وماراح السواد شسوي

اب اب

 

[Dark SouL]

رد : بنات اكواعي مسوده وحاولت وايد وماراح السواد شسوي

جيكي ع الخاص

 

[بحر الرمال]

اذا ما تسندتي على الكوع راح يروح السواد من نفسة ترا

 

[ام حمودي@]

حبيبتي اكيد من الملابس يعني يكون فيها نسبة اصباغ وتصبغ المكان عرفتي
انا مره لبت بدي اسود وسمر جسمي

واذ تبين شي لترطيب وخري عن الفازلين واستعملي شي طبي

 

[&موناليزا&]

رد : بنات اكواعي مسوده وحاولت وايد وماراح السواد شسوي

هلاوالله حبيبتي

حبوبه شوفي هذا الموضوع وان شالله راح يفيدج

http://www.q8yat.net/showthread.php?t=712726

وحياج الله عزيزتي باي وقت:tek:

 

[أمنيات الطفوله]

قمر وشهرزاد

وربي ناسيه اسمه بس انتم بتلقينوه من صوب الكريمات اللي بالصيدليه

احفظي الوصف اللي ذكرته لج فوق وسعره يمكن 20 او 24 ريال


وإن شاء الله تلقونه....وتدعوا لي...

 

[shlon ansa]

اب
اب
اب
قبل قالو البنات عن دهن السمن النباتي تحطينه عالركبه والكوع
تاخذين ٤ دلاغات تقصين الصوب اللي مسكر يسير مفتوح من الصوبين
المهم بغد ماتدهنين فيه تحطين الدلاغ علي ايدينج يسير مثل اكمام كارينا عرفتي
وريولج نفس الشي

 

[عـزايـز]

سوي حمامات بخار عند منى الجميع الكل يمدحها