بنات اعيالكم متى علمتوهم على دخله تكرمون الحمام؟؟

[بيتي بوب بس كويتيه]

السلام عليكم بنات شلونكم وشخباركم

بنات انا ولدي كمل سنتين بس حبيبي ما يفهم على الحمام
بيت حمولتي يحنون يقولون لازم سنه معلمته
والله اني ادخله بس ما يعرف وتعرفون الولد غير عن البنت تتعلم بسرعه

صديقاتي في منهم 3 سنين ياله تعلمو عيالهم على الحمام
عطوني خبراتكم وشنو الطرق الي خليتي الياهل يتعلم على الحمام

وشكرا

 

[meen_ana]

والله كان ودي استفيد وياكم بصراحه انا بنتى الحين عمرها 9 شهور مفكرة اشوي اشوي اعلمها

 

[cute-pink]

انا بنتي علمتها وعمرها سنتين و5 شهور بالصيف هذا واللحين لنا شهرين تعودت تروح الحمام بروحها وتغسل ايدها وتضغط السيفون وتنشف عمرها

طريقتي هي:

1-الدعاء ان ربي يسهل الامر
2- شريت ملابس داخليه بلاستيك البسها علشان ماتسرب اول الايام
3- ادخلها الحمام كل ربع ساعه حتى لو ماتبي الحمام اعلمها الطريقه شلون تقط ملابسها وشلون تقعد وشلون تنشف عمرها ومع التكرار راح تتعود

اول الايام كانت تبجي وبعدين خلاص تعودت وانتي شجعيها قوليلها بامبرز بس حق البيبي انتي كبيرة تلبسين مثل ماما وجذي

هذي طريقتي وان شاء الله تعجبج

 

[بيتي بوب بس كويتيه]

مشكوره حبي
انا عندي ولد ويا رب الله يرزقني ببنت اموره
انا بحاول اعلمه والله كريم ما قصرتي

 

[جوزائيه مغروره]

سنه صغير

انا ولدي باذن الله بعد اسبوع يكمل سنه

لما يبدي يفهم عدل اعلمه يعني لما يصير سنتين

 

[Coffee-Girl]

حبيبتي الله يسهل عليج ان شالله

انا اشوف انج شوي شوي على الولد

يعني يوم علميه دخلي معاه الحمام وعلميه ويوم لا خليه يرتاح

سوي جذيه كذا مره لما اتحسين انه تقبل

وان شالله مايكمل عمره سنتين ونص الا وانتي بتلاحظين انه صار يستعوب الروحه للحمام

 

[MsKeNa]

انا ولدي عمره سنتين وشهر
اول ماكمل السنتين بديت اعلمه على الحمام واسم الله عليه فاهم حق شنو الحمام
بس يعاند مايبي يبجي اذا قتله نروح الحمام ويصرخ سكت عنه جم يوم
ورديت اعلمه نفس الشي مايبي قمت اوديه كل ربع ساعه اروح الحمام اقعد ساعه داخل واهوا بس يحوس ويالعب بالماي صار يومي كله بالحمام .. حتى قمت اشتريله هدايا اثوبه الي يروح الحمام اعطيه هديه .. واقوله انته كبير شاطر ماتلبس حفاظه تلبس صروال
ماكو فايده لمن لاعت جبدي ومليت مادري شسوي

 

[مي الحلوة]

رد : بنات اعيالكم متى علمتوهم على دخله تكرمون الحمام؟؟

التعليم يبدأ بالتدريج يعنى شوى شوى..
انا بديت مع ولدي من اول ما كمل سنتين و3 شهور بديت اوديه الحمام واخليه يسويهاااا
بالحمام واغسله والبسه حفاضته..يعنى شوي لين يتعود على جو الحمام وبديت معاه التعليم الصجي
من كمل سنتين و7 شهور..وان شاء الله الموضوع سهالات بس اهم شيء تطولين بالج عليه..والله يعينج..

 

[سفيره الهم]

تو الناس خليه يكمل سنتين ونص وبعدين شنو سنه لازم تعلمينه عالحمام من صجهم حمولتج لا صار عمره سنه خل يمشي عدل عشان يروح الحمام انا عن نفسي بناتي علمتهم عالحمام سنتين وعشر شهور وما تعبت وياهم بس اهم شي ما تحطينه عالعربي او الفرنجي اول ما تعلمينه لانه راح يخاف اول شي خليه على هذا اللي ينباع بالجمعيات البلاستك حق الصغار اللي يتعلمون عالحمام وبعد شهر علميه عالفرنجي ولا كمل ثلاث سنين خليه يدش بروحه الحمام

 

[رايقة1980]

لاتستعجلين


عن تجربة ...........لي كمل سنتين ونص .. اهو بروحه راح يسابقج عالحمام

.

..
خواتي من قبل سن السنتين يعلمون عيالهم عالحمام وتعالي شوفي المعااانااااة


اما عيالي لاااا بس يكمل الواحد سنتين و4 شهور او سنتين و5 شهور اهو من نفسه يقلد الكبار ويروح بروحه ويقدر يتحكم بنفسه

 

[ريميا]

انا بنتى علمتها من عمر سنتين واللى خلاني اشد حيلى فى الموضوع انها تحتس من الحفاظه
ووقمت كل ربع ساعه اوديها الحمام شريت لها الكرسى الصغير حق الحمام ووبعدين استانست على الموضوع على فكره اول بدايه راح يوسنها على نفسهم عادي مره مرتين تبدلينهم لا تهاوشينه بس حطى نفسج تخرعتي ووقولى بسرعه نروح الحمام بس اذا بغيتي تطلعين لبسيه الحفاظه حتى لو عرف لين تاكدين
وووواختى لما علمت ولدها لحظة كل مامسك ماله حست انها يبي يسوي شي تقوله يالله الحمام بطريقه تونس وهو يركض مستانس على الحمام

 

[ام ريونتي]

حبيبتي قعديه وبطلي ماي الحنفيه وراح يبول خلج على هالحال جم يوم وراح تشوفينه بروحه يعرف بس عوديه يقعد مايوقف
ويبول لان مو حلو يتعلم يبول واهوا واقف

 

[ktkota_we9we9]

رد : بنات اعيالكم متى علمتوهم على دخله تكرمون الحمام؟؟

ومنكم نستفيد بعد اربع اشهر بنتي تكمل سنتين من الحين احاتي
مالي خلق نجايس و عناد و بجي :\

 

[FdeT LmoSa]

رد : بنات اعيالكم متى علمتوهم على دخله تكرمون الحمام؟؟

اب اب

 

[MoonDiamond]

رد : بنات اعيالكم متى علمتوهم على دخله تكرمون الحمام؟؟

ويييييي

بنتي اليوم اول محاوله معاها وخيستنا ولبسناها اللي بالكبت كله
وشكيت انها متعمده تسوي جذي لانها استانست على ركضتنا انا والخدامه وهي للحمام


عاد اخذت قرار لكملت السنتين ونص ابدا
اللحين ما ينفع!!

 

[انصاريه قمره]

رد : بنات اعيالكم متى علمتوهم على دخله تكرمون الحمام؟؟

يقولون الياهل من يمشي يقدر يتحكم بعضلات الخرووج والبوول
وانا بنتي كملت سنه ومفكره اعلمهااا

 

[ستروبريه]

انا سنتين ونص ابدي اعلم وبعدها بفتره خلاص اتقنو هالشي :33_1185028183:

 

[.،:"$الـعـوبــــة$":،.]

رد : بنات اعيالكم متى علمتوهم على دخله تكرمون الحمام؟؟

أنا سبحان الله جت صدفة ، على قولتهم ضربت عصفورين بحجر ،،
بنتي كانت توها تامة سنتين وانا من قبل اعلمها مرات على فراغتي يعني مو مستمرة ،،
ولما نقلت بيتي الجديد ماكان عندي خدامة ، فكانت سنتين ونص واخوها سنة وشي ،
وأدخلهم اثنينهم يسوون ولما يخلصون الف كل واحد بفوطته على لون معين وصورة ،
حتى قبل نروح الحمام تكرمون اقول كل واحد يجيب فوطته ، ويستانسون ،
والبسهم مع بعض وعادي ،،
بس ماكنت حاطة ولدي في بالي ، اللي اعلمها بنتي ،، وولدي جت صدفة انه يبي يقلد اخته ،
من بعدها نااااااااادرا يسوي شي بالحفاظة !! الا البولة اذا بالليل او كنا طالعين مايمسك عمره وانا اساسا ماقطيت من البامبرز لأنه توه صغير ،،
وبنتي اسم الله عليها تعلمت على 3 سنين بالضبط خلاص ، لدرجة ان العوبة قبل اذا مرات بالت بسروالها وتدري اني بعصب ! اشوفها تركض غرفتها بدون سروال وتلبس سروال جديد وسروال بيجامة ثانية غير عن البلوزة وتجي تقعد عندي يعني الوضع طبيعي !!
وولدي الحين توه تام سنتين و4 شهور الحمدلله خلاص تعلم ،،
بس لاااااااااااازم يكون بالك طويل ! انا مرات ازهق من قعدة الحمام وانا انطرهم يخلصون ،
ومايصير تعجلينهم وتقولين يالله خلصوا بسرعة !
لأ ! كلش كلش رشي عليهم شوي ماي وبيخلصون من نفسهم ،​

 

[ام زين العابدين]

وناسه بطبق افكاركم على بنتي شكرا يا حلوات الله لا يحرمني منكم

 

[ياوحشة غيابك]

هاذي مشكلتي الأزليه

بنتي عمرها 3 سنوات و3 شهور وللحين ماتعلمــت ..,,