بنات اشلون طريقه كفاله اليتيم شوفوا القصه وحكموا

[النويره]

السلام عليكم
بنات انا اعرف وحده نذرت نذر وهي باوائل العشرين انا وصلت الثلاثين لتتكفل في طفل يتيم تربيه في بيتها وعندها ويكبر جدامها وطاف العمر وقامت كفلت يتيم عن طريق اللجان الخيريه ومع ذلك حياتها متعومسه من سنه لسنه سبحان الله وحلم ما يفارقها بطفل تغسله بيدها واحد يقولها شيلي ولدج تقول هالحلم ما يفارق منامي حتي لو ايام اكون مشغوله ولاهيه فجاه تلقين هالحلم جاءني في المنام
اشلون لو في طريقه كفاله يتيم وتربيه ياليت احد يفيدني لانه البنت طلبت مساعدتي

 

[بنوته كيكه]

حبيبتي كفالة اليتيم اهي التبرع في مبلغ مستقطع او تتدفعين مبلغ كامل
بس ماعرف جم المبلغ

 

[أحلى البشر]

انتي قصدج تتبنين يتيم وتربينه عندج؟ هذا لازم تراجعين الشئون اظن ولازم شرووط مو اي وحده تربي طفل انتي سألي وشوفي شيقولون لج

 

[أم نواف غير]

كفاله اليتيم في بيت الزكاه انتي تشوفين صورت الياهل الي تبينه وكل مااكبر دزولج صورته علي البيت

 

[غرور الريم]

اعرف انج تدفعين 30او20 اما تربينه في بيتج ما اعرف

 

[النويره]

والله كلكم ما فهموتي الا احلي بشر
انا كبت لكم ان البنت اللي اعرفها كفلت يتيم عن طريق اللجان الخيريه من زمان ويطرشون لها صوره عبر الاستقطاع الشهري
البنت تقول تبي يتيم اهي تتبناه اقصد تربيه بالبيت وفاء لنذرها انها تتكفل في يتيم وتربيه جدامها لما يكبر
ومثل ما قالت لي تقول علي طول تحلم بالشي هذا
مثلا تكون مشغوله ومو علي بالها هالشي كلش فجاه تحلم بنفس الحلم
وراحت للشئون يا احلي بشر بس بالكويت اجراءتهم معقده
هي سالني انا قلت اسالكم لاني والله ما اعرف بالسوالف هذي
هل يصير تتكفل بطفل من خارج الكويت تجيبه وتربيه عندها يصير يكون يتيم الابوين

 

[روج وردي]

تقريبا بكل الخليج في نفس التعقيدات والامور

لازم تكونين كبيره ومتزوجه وماعندج عيال
ولازم تنتظرين الدور لان قدامج مئات الطلبات
واذا انتي سمره تاخذين اسمر واذا بيضه تاخدين ابيض


هاي هي الامور تقريبا

 

[أحلى البشر]

والله انا اعرف حرمه عوده ومتنبنية لها بنت من الشئون وربتها لين الحرمه توفت والبنت عمرها تقريبا 10 سنوات ردوا الشئون خذوها وسمعت انهم يجيكون عالايتام كل فتره يتطمنون عليهم ومن بره ما اعتقد يصير وحبيبتي اذا عرفتي شنو شروطهم حطيها لنا هني عشان نعرف وموفقه حبيبتي

 

[Tom ♥ Jerry]

,


و الله مآدري بس خل تسأل اللجآن الخيريه

 

[Queenleo]

اذا تبي خل تشوف عايله فقيره
تتكفل فيهم
وعندهم ياهل
ووتطلب من الاهل انها تباريه بين فتره وفتره
ووتتكفل فيه

 

[noorq8]

سهله ياقلبي , شوفي لج عايله من البدون أو السوريين أو الهنود المسلمين اللي بالكويت وتكون عندهم طفله يتيمه تابعيها متابعه قريبه يعني تاخذينها تتسوقين معاها تتابعين دروسها وصحتها بدون ماتكون مقيمه أقامه دائمه لكن تواصل شبه دائم , ولو استعسر الامو فياقلبي عليها بالاستغفار والنذر لو ماكان سهل تنفيذه فيكفي التوبه والاستغفار

 

[النويره]

والله خوش حلول بس يا ليت نعرف واين يعني اشلون مثلا تتواصل مع عائله وتكون عندهم يتيمه ياليت نستفيد من بعض
انا راح اتواصل بالموضوع هذا واذا عرفت منها الشروط حاضر راح اكتبها
شوفي نورانا اعرف هالانسانه يعني امنيه حياتها تربي يتيم تخيلي من عمرها بالعشرينات وهي ناذره تتكفل يتيم يعني هالبنت مصليه مسميه خلوقه وانا حسيت من كلامها تبي باجي عمرها تكفل ايتام عرفتي انا حسيت جذي وعسي ربي يحقق لها مرادها

 

[النويره]

عفيه رفعوا الموضوع لكم اجر باذن الله بس انا استفدت من كلام نور الكويت وان شاء الله بقترح عليها

 

[ربي محتاجتك]

سوي نفس ما قالو البنات دوري على ياهل يتيم من العوائل المحتاجة
اب

 

[meen_ana]

خل تتبرع تشتغل بدار الايتام اعتقد في تطوع فترة العصر