بنات اشرايكم بقرار المليفي بتعميم مدارس المستقبل

[gogona]

القسم الادبي الي راح ياكلهاا عربي ودين وقران ووطنيه وحياتيه امبيييه لاء مو صج بنات لازم انوصل صوتنا عشان ماناكلهااا لاتسكتون

 

[عـــــروب]

التويتر ماعرف شلون احط تعليقي أو مشاركتي؟؟؟

ماعليكم أمر علموني​

 

[شيخة الغيد]

لا تفكرون بنفسكم بس فكروا لعيالكم هل راح يستفادون من هالتجربه و الا لأ؟؟

و اتوقع ما تصلح الا للابتدائي ما تنفع للمتوسط او الثانوي او حتى خامس

 

[المـــــها]

اممممم مادري
رحت زيارتين لمدرسة من مدارس المستقبل حيل حلو نظامهم
مدرستين يمسكون صف واحد بس و مالهم شغل بالصفوفو الثانية
و التحضير جماعي و بيوم واحد يحضرون لأسبوع كامل
بصراحة أحس حيل حلوة الفكرة
لن لو مسكت صف واحد بعرف الحالات الخاصة و يسهل علي كل شي ولا 3 صفوف يبطون الجبد و احتياطات و غيره ..

 

[ورود خذلتها العاصفه]

الله يعينكم

 

[المرام]

يعني نفس نظام الروضه ،،، لنا صف واحد بس وندرس حساب وعربي ودين ورياضه ورسم وعلوم ومطبخ ومكتبه واجتماعيات وحياتيه والخ

تنفع حق اولى وثانيه لانهم صغار ولازم يكون لهم مثل الام الثانيه بالصف تعرفهم عدل

 

[ترف بابا]

مممم ماعندي خبر

 

[TIC TOK]

ابلات المستقبل وينكم ؟؟؟؟؟؟؟؟؟؟؟؟؟؟

عطونا فكره شوي عن هالنظام

 

[gogona]

علي الاقل ادرسين ثلاث صفوف ماده وحده مافي تعب يعني نفس الدرس بيتكرر مو اربع مواد كل وحده يبيلها وسائل وتحضير

 

[jen2n]

انزين بنات انا تخصصي فلسفه ومساندي تاريخ اشلون ادرس عربي ودين!!؟والعاب ورسم؟؟؟؟

 

[معلمة_منكوبة]

طلع الخبر انه مو كل المدارس بس مدارس جنوب السره

 

[ريانا]

http://alwatan.kuwait.tt/articledetails.aspx?Id=157566

تم تعميمه من السنه القادمه على 15 مدرسه بكل محافظه

 

[el-zain]

اييي والله هالنظام انا اشوفه حده فاشل و خاصه العربي مو اي احد يقدر يدرسه حتى لو كان مساندي عربي لان الدراسة شي و التطبيق شي ثاني و حتى لو كان ابتدائي مو اي احد يقدر يأسس اليهال صح و حتى المناهج فيها معلوومات صعبه ما يقدر يدرسها الا الي فاهمها شلون تيي ابله على ويهها و تشرح اي كلام !! ان شاء الله ما يعممونه

 

[بنت جنيف]

فاااااااااااااشل حددددده واصلا احنا ابلات الاجتماعيات ماراح يكون لنا وجود

 

[ريانا]

مو انا خوفي يابنت جنيف يخلونا ندرس عربي على اساس يعطونا دوره 
معقوله بدوره ابله الاجتماعيات تدرس عربي والله حرام
حرام مو علينا عاليهال المساكين

 

[توتاتوتا]

النظام هذا كان مطبق على ايامنا في السعوديه و امي من الابلات الي جربوه في المراحل الاولى موب صعب و لا فاشل نفس نظام الروضه و مناسب للاطفال الي يحتاجون جو ثابت

مافيه اي مشاكل او صعوبه بس يطبق على مراحل كبيره غير مناسب لان التخصصيه مطلوبه الا اذا بتبسط المناهج نفس الامريكان

و الابلات الي يعتقدون موب قادرين عليه في المراحل الاولى عندهم مشكله !! مب قادره اتأسس طفل ؟ هذي ابلة رياض الاطفال تاسس الاطفال طبعا مب في روضات الحكومه

 

[ريانا]

اختي مدرسه الرياض تاسست ودرست هالمجال لكن شلون وحده مثلي مثلا درست تخصص اجتماعيات تدرس عربي؟؟؟؟
انا طبعا قادره اسس طفل ولكن اسسه بتخصصي مو بتخصص غيري وشي مادرسته ؟؟؟؟
لو كانو مدرسينا بالجامعه تخصص ادبي اقولج اوكي لكن شلون يطبقون النظام وماكو مخرجات لتخصص ادبي
المخرجات حاليا كل على تخصصه

 

[أبلة متميزة جدا]

بس في شي اسمه تحضير جماعي ...

يعني انتي تحضرين مرتين بس بالأسبوع لدرس و الباقي عالأبلات الباجيات ..؟؟

 

[ساندريلا]

كثر مااقولكم عن هالنظام انه فاشل مااوفيه حقه
حرام الطالب قعد ينظلم فيه ويتراجع مستواه اذا عمموا هالمدراس مااقول الا الله يستر علي عيالنا

 

[البرق80]

يريت اللي عندها اسماء المدارس اللي راح تتحول لمدارس المستقبل تبلغنا