بنات اشتري new born ولا 0-3 ؟؟؟

[sHa6o0ra]

بنات ولي يعافيكم انا قاعده اجهز اغراض البيبي وتوهقت بالقياس .. اذا خذيت نيو بورن شكثر يلبسه ؟ لي اي شهر ؟

واذا 0-3 مايطلع شكله مهتمل ؟ لاني بصوره بالمستشفى ان شاء الله مابي يطلع شكله خايس !


وسؤال ثاني شريتو دلاقات وجواتي حق الي توه مولود ؟

والصدريات شسالفتهم ؟ الياهل ماراح ياكل عشان يوصخ هدومه بس بيرضع .. اشتري ؟ اذا اي جم وحده ؟

ومتى يبين بالسونار ان البيبي بيطلع ظخم ولا مصعوي ؟

 

[أوشال]

مشاركة: بنات اشتري new born ولا 0-3 ؟؟؟

هلا شطووره
شوفي النيو بورن لأطفال اللي ينولدون ناقص وزن
يعني مو الوزن الطبيعي اللي الا وهوو ثلاثة وجم غرام
او اللي ينولد بشهر السابع والثامن
فا لازم تجهزين من 0 لي 3 وبيطلع مضبوط
إن شاء الله أنا قاعد أجهز من 0لي3
كل صديقاتي وبنات المنتدى اللي مجربين
اشترو هالمقاس
بس النيوبورن تقدرين تقزرينه بالاربعين إن شاء الله

اما الصدريات كلامج الياهل ما راح ياكل
بس راح يشرب حليب ويمكن يستفرغ
يعني لازم الصدرية

أنا شريت سته من مذركير لونهم ابيض سادة
للبيت وشريت 4 ملنين وعليهم شغلالات حلووة
ورد وفراشة وهالسوالف اذا عندي ضيوف
او بطلع مكان

وبخصوص الطفل متى يبان ظخم ولامصعووي خخخخخخخ
من السادس الدكتورة اذا شافت ان الوزن أكل من الطبيعي
بتقولج وتنصحج تعدلين أكلج وتاخذين الفيتامينات والكالسيوم
يعني مو من الطبيعي يطلع الطفل ضعيف بالسونار

 

[دكتوراة بالذوق]

مشاركة: بنات اشتري new born ولا 0-3 ؟؟؟

شوفي بالاول لازم تعرفين وزن الجنين ؟؟

اذا تحت 3 كيلو اشتري نيو بورن وشوية 0 -3 ....

واذا الجنين وزنة اكثر من 3 كيلو اشتري من صفر الى 3


والدلاقات اشتري اذا الجو بارد ...
وتشترين الجوتي الخام الصغير من باب الكشخة ..بس..((( واذا الناس اللي عندج عيونهم حارة خلي سالفة الجواتي اليما يصير عمرة فوق 3 شهور ))) لان الجاهل راح يكون دايم بالمهاد


الصدريات شوفي اذا عندج خدامة علميها ماترضع الجاهل لازم يلبس الجهل الصدرية قبل لا يشرب الحليب
لان الحليب يسيل احيانا من فمة وموزين تتبل ملابسة من فوق يحوشة بعدين برد...


والصدريات اشتري 6 تقريبااا .. لان احيانا الجاهل يشرب الحليب وتظل الصدرية نظيفة


واممممم اما السونار يبين تقريبا من اول اسبوع بالتاسع واذا ولدتي اخر التاسع راح تشوفين الزيادة تتغير بالغرام مو الكيلوو




اتمنى اكون افدتج وبالتوفيق

 

[سارا ديور]

مشاركة: بنات اشتري new born ولا 0-3 ؟؟؟

السلام عليكم إختي العزيزه

والله يهون عليج ويقومج بالسلامه

حبيبتي ...

أنا كنت للمستشفى أشتري للبيبي xs ( إكس سمول ) أشتري 3 _ 4 بدلات ..

بنتي كان وزنها 2.800 كج وكان الإكس سمول كبير عليها

وولدي كان وزنه 3.5 كج وهم كان يلبس إكس سمول ... بس عاد لا تكثرين بس للمستشفى

إشتري هالمقاس

لأن البيبي عقب يكبر بسرعه ماشالله

 

[Dancing^Queen]

مشاركة: بنات اشتري new born ولا 0-3 ؟؟؟

برايي
اخذي نيو بورن
و2 -3 بدل من 0-3
لان الياهل اول ماينولد عنونووووووووووو ومصعويي نالدر ماتلقين ياهل مستصح الا اذا معرلاوف ان بطن الام يربي
وعلي السونار ياني انجلت منه نجلللللللللللللللللللللللللللله
قالولي يوم حامل ان وزن بناتي وحده 3.750 والثانيه 3.250
وطلعو وحجه وزنها 1.085 و الثانيه 1.025
يخرعووووووووووووووووون يخرعون

 

[زيـنـه]

مشاركة: بنات اشتري new born ولا 0-3 ؟؟؟

شوفي ..
نيو بورن يكفي بس فترة الاربعين .. بس 0-3 اول الايام يصير كبير شوي بس مو مبهذل وايد ..يعني اخذي شوي نيو بورن و كثري 0-3 لان راح يلبسهم البيبي لي عمر 3 شهور .. بس الفنايل اخذيهم 0-3 احسن

و الدلاغات اذا عندج بدل لهم اخذي منهم ..و البدلات لا تكثرينها لان اغلب الوقت البيبي بيكون في مهاد و لابس البجامات ام الريول .

و الصدريات ينفعون لما يشرب البيبي الحليب ساعات يستفرغ و ساعات يطلع من حلجه شوي .. و ساعات تشربينه ينسون حق بطنه فاحسن الصدريه تحمي ..

ووزن البيبي وقت الولاده شي و تالي يفش شوي من عقب تفاخ البطن .

 

[brownness]

مشاركة: بنات اشتري new born ولا 0-3 ؟؟؟

اخذي من 0 لي 3 احسن تكدينهم امة نيو بورن بس اول الايام

 

[sHa6o0ra]

مشاركة: بنات اشتري new born ولا 0-3 ؟؟؟

يعطيكم العافيه بنات قريت ردودكم ورحت المحل عشان اشتري ولا مخلصين البدله الي ابيها كل المقاسات لي 6 شهور

التجهيز العادي خذيت منوع


بنات احد شرا السليبر الي قطعه وحده مفتوح .. يعني جنه نفنوف او دشداشه ؟

 

[Fouz]

مشاركة: بنات اشتري new born ولا 0-3 ؟؟؟

نصيحة شطورة لاااااااااااااااااااااااااااااااااااااااا تكودين هدوم، اشتري 3-6 قطع new born بالكثير و اذا احتجتي اكثر طرشي خواتج انا والله حتى نيوبورن كان كبير فبنتي لبست tiny baby هذا انتف من النتفة لمدة شهر يالله لبست نيوبورن و بهالوقت تغير الجو فاللي شريته حق شهر اكتوبر اللي هو موعد ولادتي كان نسبيا خفيف صاروا كبرها على شهر 12 و انتي شايفة البرد و كاهمه يسمعون حسج لا لبستهم ولا شي، ادري الوحدة تشتط و تبي كل شي بس والله حرام يقعدون و فوق كل هذا ما راح يبينون كله مخشوشين تحت المهاد، مثل ما قلت لج اشتري 3-6 قطع من عمر نيوبورن و 0-3 و اذا بغيتي زود ذيك الساع اشتري و ماشاالله مذركير حتى بالجمعيات موجود و الله يسهل عليج

 

[sHa6o0ra]

مشاركة: بنات اشتري new born ولا 0-3 ؟؟؟

فوز : جم كيلو يبتي بنتج ؟ انا والله ماودي اكثر بس غلطتي رحت شريت كل شي من مذر كير .. وبعدين لما شفت باجي المحلات تحسفت وايد
احلى فا صرت كل ما اروح مكان اشتري ..

بس انا البدله الي اقصدها ابيها حق المستشفى حق التصوير .. مشكوره حبيبتي على النصايح وشكلي بوزع الي شريتهم هدايا شكثرهم طاحو بجبدي

 

[Fouz]

مشاركة: بنات اشتري new born ولا 0-3 ؟؟؟

والله شطورة بنتي كانت كيلوين و ربع مع ان اخر سونار كانت كيلوين و 800 جرام مادري وين راحو النص كيلو، و حتى لما كملت الشهر وزنها كان 3 كيلوات حتى بعض نيو بورن كان مبهذل عليها، و مثل ما قلتي لا تستخدمين كل الملابس و لا تشيلين الليبل علشان تقدرين تهدينهم لا تصيرين مثلي من اللقافة غسلتهم كلهم فمصيرهم صار التخزين حق البيبي الياي ان شاالله

 

[sHa6o0ra]

مشاركة: بنات اشتري new born ولا 0-3 ؟؟؟

الظاهر الاغلاط وايد بالسونار !

يعطيج العافيه اختي فوز

 

[كويتية أمورة]

مشاركة: بنات اشتري new born ولا 0-3 ؟؟؟

اختي تقول لاتاخذين من مذركير اخذي من السوريين المحاميد وربعه ولا من مؤيد المير
ولا ترى مذركير لبسه لبستين يتمغط
وتقولج اخذي من 0 لي 3
ولاتاخذين وايد لانه ترى بسرعه يكبر الياهل

تقولج اخذي من المحاميد والمعلم وعيد النصار تحت بس ترى هم في نوعيات لاتاخذين اردى شي
وترى الياهل بسرعه يكبر واصلا وهو صغير كله ملفوف مايبين اخذي جم واحد زينين والباجي رخاص احسن

 

[sHa6o0ra]

مشاركة: بنات اشتري new born ولا 0-3 ؟؟؟

كويتيه اموره .. انا شريت شكثر من مذركير طاحو بجبدي

ان شاء الله بمر المحاميد اشتري زياده وهذوله اعطيهم هدايا حق اي وحده تولد

يعطيج العافيه

 

[زيـنـه]

مشاركة: بنات اشتري new born ولا 0-3 ؟؟؟

بالعكس .. ملوت مذر كير و ماركس سبنسر مرتبين و قياساتهم مضبوطه و غسليهم مثل الارشادات اللي تقولين عنهم و بتشوفين شلون يصيرون .. و على التمقط اكيد مع كثر الاستعمال ينمغطون لان البيبي تنغسل ملابسه يوميا فتخيلي مثاس 0-3 و ينغسل طول 3 اشهر بمعدل يومي ؟
و على ملوت عيد النصار و الاسواق الشعبيه ما عجبوني لان مقاسهم مو مضبوط و ما يصيرون قطن ناعمين مثل مذركير و ماركس سبنسر و ساعات طباقيهم يطيح و الا خياطهم يفتج و الا السحاب حاد للبدلات يعني مافي سنع بشغلهم و عن تجربه ..لا كبر شكلي له من الغالي و الرخيص بس و هو بيبي خلج على الزين احسن.
و اكو بعد ملوت لاند مارك هم حلوين و اطقم بس ساعات مقاساتهم تصير صغيره شوي اذا البيبي اسم الله عليه متروس و الا طويل .

و هذه تجربتي و ان شاء الله تستفيدين

 

[طير الحب]

مشاركة: بنات اشتري new born ولا 0-3 ؟؟؟

من 0 لي 3 احسن

 

[sHa6o0ra]

مشاركة: بنات اشتري new born ولا 0-3 ؟؟؟

يعطيج العافيه اختي زينه واختي بطه ..اشره رفعتي معنوياتي على هدوم مذركير شاريه منهم الفنايل بس جريب 20 ..

يعطيج العافيه