بنات اذا واحد حاط عينه على بنت واهيا ماتبيه ما تتزوج؟

[غراوي]

الله يستر

النفس مانذكرت بالقران بس من فعل الناس

لكن والله جايز تتحول لعين

انا وحده خطبتني من ٦ سنين ورفضت ومع الايام لما تشوفاهلي تقولهم غراوي ماتزوجت
والحين عنست
بس رحت فتره وقريت ومابين علي اي شي الحمدلله
وولد عمي ادري انه كان يبيني بس امه ماكانت موافقه وتزوج من زمان ومن فتره شفته وقالي شرايج اخذج بس انا رفضت

الاقيها من وين ولا من وين

اللي يبينا عيت النفس تبغيه
واللي نبيه عيا البخت لايجيبه

 

[جنة المأوى]

اختي غراوي ..حاولي تاخذيين اثرهم و الله يعوضك بخير ...
​

 

[غراوي]

راجعوا هالرابط في اجابه عالسوال

http://majdah.maktoob.com/vb/majdah40416/

 

[غراوي]

اختي غراوي ..حاولي تاخذيين اثرهم و الله يعوضك بخير ...
​

المره ماقدر اخذ اثرها لان مومن اهلنا قريبه
اما ولد عمي ممكن اخذ اذا جانا الدوانيه

بس مايصير لازم في طريقه للي مانقدر ناخذ من اثرهم

 

[zqertya]

انا سمعت بعد ان البنت ماتتزوج اذا واحد نفسها فيها ولا عينه عليها انا مثلج ههههههه ام رفيجتي صاكتني وحده هم لازم تقرين على نفسج عشان العين وانشالله تتزوجين

 

[حنان الحربيه]

وانا سمعتها وصدقتها
لان كثير تصير
وانا وحده منهم

حسبي الله ونعم الوكيل

 

[Eva-SS]

انا ما اؤمن بهالشي

اول مره سمعت فيها من رفيجتي تقول خاطبها ولد عمها وبنفس الفترة خطبها واحد من اهلهم وقال لها انا نفسي فيج لو ما خذيتج ماراح تتوفقين وهي المسكينة وافقت بس لانها خافت وأنا لمتها حيل لانها كانت مو مقتنعه فيه

يمكن القصد من النفس عين .. العين اكيد حق بس مو بالمعنى اللي فهمته من الموضوع يعني واحد يخطب بنت اذا رفضته واهو يبيها ماراح تتوفق وممكن تعنس مو شرط

والوحده ترقي نفسها وتتوكل على الله ماراح يصيبها شر

 

[بنية ذربة]

يمةةةةةةةةةةةةةةة ياعل نفسة فيه حسبي الله عليه

شهالعااالم .. زين بالله واللي ماتقدر تاخذ اثرهم شتغبر؟؟؟؟؟؟؟؟؟؟؟؟؟؟؟؟؟؟؟

 

[Norah.a]

انت قصدك انه تصير في نفسه.... يعني عينه فيها....
والله اوقات اصدق الكلام لما اسمع امي تقوله... و اوقات اتعوذ من ابليس... بس ممكن يصير .
لاني انا كان و احد من اقاربي يبيني من يوم كنت صغيره و خطبني اكثر من مره , بس انا مو مقتنعه فيه و كل مره ارفضه.
و االحين كل ما يخطبني احد ويصير كل شي تتفركش الخطبة بدون سبب... و قالو الناس لامي خوذو شي منه ,عشان عينه. بس رجال صعب ناخذ منه شي... و بعض المشايخ يقول لازم تقرون بعد... بس الله ييسر امورنا كلنا. و الي تقراء سالفتي تدعيلي.

و عذرا لصاحبة الموضوع ..بس حبيت او ضح بقصتي

 

[VET-Nour]

قصدج حابها واحد من اهل الارضض ؟؟ < جن
ولآ أنسأن صجي!! :d

 

[فطوم السعوديه]

على قولة اللي باليوتيوب ماعرفوه :$


كلن نصيبه على الله

 

[frozntouch]

انا واايد اسمع هالشي

انه اذ كانت نفسه فيها

الا مايصير شي يا ما تتوفق بزواجها او ما تتزوج او تاخر انجاب مثل ما قالوا البنات

وطبعا في بعضهم لا حمدالله عدت امورهم عادي وعلا خير والله حافظهم

 

[جوك احلى جو]

يسمونها نفس احيانا نسمع قصص جذي بس عاد مو معناته هالشي لازم وايد ناس حبو ناس وكاهم تزوجو حبايبيهم وعيلو وعيال عيالهم تزوجو عادي

 

[أم خشم]

مو كل حالة ,, في ناس بقوة ,, تكون نفسهم بالشغلة ,, فبينهم و بين نفسهم يتمنون بشكل لا شعوري او متعمدين ان ما تروح هالشغلة لغيرهم ,, ابا كان الموضوع ,, حب او شغلة عادية ,, دام نفسهم فيها ما تتهنى ,, بشي ,, و انا سامعة هالشغلة حتى لما احد يشتري شي او ياخذ اي شي و كله يخترب عليه او ما يصلح حاله معاه يقوولون له ,, هالشغلة منفوسة ,, او احد حاط عينه عليها ,,
في ناس تنرفز ,, ما تقتنع بالقسمة والنصيب ,, واني اتمنى الخير لغيري ,, بقصد ولا بجون قصد يضرون اللي يبونه
الله يعين ,, بس المعوذات تفع في مثل هالحالات
والله يكافينا و يكافيج شر النفس

 

[RO0O7Y KUWAITYA]

اي تصير ...

 

[LuLiTa]

اي انا سمعت جذي ... بس كل شي قسمة و نصيب ..

 

[MayOumii~]

كل شي قسمة ونصيب
مآله شغل الحب بالموضوع

بس الي ممكن ان يصير انه الصبي يدعي انج مآ تكونين إلا له والله يستجيب دعائه لان ممكن يكون خيره للطرفين !
مآدري والله

بس مو شرط اساسي اذا حبج وآحد ومآحبيتيه مآ تتزوجين !

 

[رشــــة مطــــر]

اي نعم اذا كان حاط عينه عليش وخااطرة تكونين له وماحصل هالشيء له راح يصير لك أشياء مو زينه لانها تعتبر نظره والنظره مثل العين تصيب الانسان وتعطل علية بعض امور حياااااته ,,, وهذي وحده من قريباااتي كان يحبها شخص ويتمناها تكون زوجه له بس ماحصل نصيب وتزوجت رجل ثااااني وبعد كم سنه رأت رؤياااا رأت ان هالرجال اللي كان يتمناها تكون زوجته يطل عليها من فوق الجدار وكلما حاولت هالحرمه تصد عن نظراته لها بالحلم طلع لها من مكان ثااني المهم فسرت الرؤيا عند شيخ قال لها هالشخص كان خاطره فيك وكان يتمناااش ونصحها الشيخ بالرقيــــة ,,, فأنا انصحش بالرقيه عشان ماتصيبش عينه وعسى الله يوفقش ...

 

[reeuf]

اااااااااااااه ايه انااا اشهد على ذا الكلام

ولد عمي نفسه بي بس ماحصل نصيب تزوج هو وانا عنست نادر ماانخطب ولاوظيفه ولا شي
عمري 27 واناا الحمد لله موناقصني شي
اموري متعطلله
حسبي الله ونعمم الوكيل

مره نفسيتي تعبانه اضحك مع الناس ومكسوره من داخل

 

[فلسفة جرح]

مايصير اذا واحد يبي وحده وهي مو راضيه فيه او ماتبيه يكون زوجها اذا مافي نصيب المفروض يتزوج ولا يأخر النصيب