بنات اذا واحد حاط عينه على بنت واهيا ماتبيه ما تتزوج؟

[Q8.apple]

السلام عليكم

بنات بغيت اسالكم اذا فيه ولد حاب بنت ويبيها وميت فيها ومايبي غيرها بس اهيا ماتبيه هل ماتتزوج البنت لان الولد يكون خاطره فيها؟

ادري سؤال غبي بس لان وحده قالت اذا كان واحد حاط عينه على وحده وحاول كذا مره واهيا ترفضه ماتتزوج فحبيت اتاكد من هالمعلومة لان في مواقف خلتني اشك في كلامها ومرات اصدقها ومرات اجذبها :eh_s(10):

 

[خجولة بدنيتي]

والله مدري وكله قسمة ونصيب ياقلبي

 

[ابدا يالغالي مانساك]

ماحد يدرري وين نصيبه كل شي قسمه ونصيب
انتي تردين وانا اريد ويفعل الله مايريد

 

[طموح لايتوقف]

الله أعلم
كلامك مو أأول مره أسمعه ، لا وسمعت بعد أن تجيها مشاكل في الحمل يعني يتأخر أو تسقط صراحه أنا مثلك أصدق وأكذب ونسيت السالفه إلا توا ذكرتيه وقلت لنفسي مو بس أنا لوحدي اااللي سمعت فيها

 

[فجرر]

يممممممممممممممه ..!


شهالمعلومه الغبيه ..


خزعبلات وخرافات ...

\

 

[وقتي تحداني]

لاا تصدقين هالشياااء
وثقي بربج ان بيعجل بنصيبج
ولا تحطيين هالافكار براسج لانها بتتبرمج بمخج وتصير صج >نصايح امي
​

 

[vova]

أي صح هالمعلومه سامعتها من قبل وصراحه بعد ما سمعت من الي نعرفهم يقلون في بعضهم صار معاهم جذي تأخر بالانجاب أو ما يتزوجون أو يتزوجزن ويحملون بس تسقط أو... بديت أصدقهاا هالمعلومه

 

[انوثتي غير وياك]

لا تتزوج عااادي !!

من وين سامعتها

 

[شوق العتبان]

اممممممممممممممم

قصدج النفس صح!

ان احد يبي شخص ويصير نفسه فيه تاخر الزواج او يوقف النصيب

بنت جيرانا وحده اخطبتها وما صار نصيب وكل ماتلقى بنت جيرنا تقولها للحين انتي بنفسي كانت خاطبتها لاخوها..
لاتستهينون باكلام لاني سمعته من كذا وحده .. والله يبعد عننا النفس محد يدري

بس لها دعا

يابنت نصيحتي اسألي شيخ وهو عنده الحل .. الله يحميج ويبعد عنج الضر

 

[سفييره الكويت]

الزواج قناعه ولازم الطرفين مقتنعين ببعض واذا ماتبيه مو غصب اللي خلقها خلق غيرها ..!

 

[سفييره الكويت]

لوووول توني انتبه لسؤالج الاخير عبالي موضوع عن اخوج او شي انا اقول خرابيط ولو كان صج عيل جان زين عشان مايتزوج للي

ببالي لووووووووووووول

 

[فلنتينو]

يمكن قصدج منفوسه

يعني يكوون نفسه فيها

 

[قمر بيت أبوها]

ايه يصير نفسه فيها وتصيبها العين وهذا شي وارد ولا ننكره
اعرف لك وحده يحبها واحد من كثر مانفسه فيها لا انخطبت تتفركش الخطبه وهو لازال يخطبها بس هي مو مقتنعه فيه والان ياقلبي عليها متوظفه تقول مليت منه متي يتزوج ويخلني اتزوج مثل الخلق
الله يرزقها يارب ويحفظها لاهلها ولي يارب ويكفيها شر هالرجال وكل شر بالدنيا

 

[عادت ذكرياتي]

الله العالم ...

 

[! Miss.Q8 !]

ماله شغل كل شي قسمه ونصيب

 

[manoooram]

لا يا قلبي عادي تتزوج
لأن الزواج بكتبت رب العالمين
قسمة ونصيب

 

[اميره1980]

طبعا لا كلام خرابيط
اللي ربي كاتبه بيصير و كل شي قسمة و نصيب و اذا صادفت هالشغلة مع ناس من باب الصدفة و بس

 

[بنت الأجوااد]

النفس والعين تأخر الزواج ايه حبيبتى يأثر على البنت لانه يفكر فيها دائم ويحسدها ويقول لو ولو تفتح باب للشيطان لو تتزوج ياحظ زوجها ومن هالامور والعين تدخل القبر وتقدم الاجل مابالج زواج


صحيح هالكلام واللى تقول تسقط ايه تسقط اختى سقطت لان زوجها كان خاطب وحده وتركها وبعدها تزوج اختى واختى حملت وسقط الجنين وظلت ثلاث سنوات ماتحمل وسوت كل شي طب وطب شعبي لما تزوجت البنت وصار لها من عرسها ثلاث شهور اختى حملت عسي ربي يتمم عليها

النفس الله لايجربها حسبي الله ونعم الوكيل على كل ظالم

 

[قلب ذهب]

كل شي نصيب واللي الله كاتبه يصير احس ماله شغل

 

[جنة المأوى]

اييه سمعت عن كذا حااله و مرة سمعت من بنت خالتي انه كان في وااحد يحب بنت جيرانهم و من كثر ما هو يحبها اصابها بعين و اتعذبت واايد ليين جابوا الرجال هذا و غصبووه يتوضأ و بعديين اتسبحت البنت بالماي اللي اتوضأ فيه ... سبحان الله كأن ما صابها شي و تزوجت على طوول...
​