بنات اذا تاجلت الدراسه اشلون الرسوم اللي دفعناها حق المدارس الخاصه..راح اقل المبلغ؟؟

[علايه]

انا امسجله ولدي اولى روضه في مدرسة الغانم الخاصه

بس الحين الدراسه راح تتاجل حتى اخر نوفمبر

لازم اخصمون مبلغ علشان هالشهرين اللي ما راح اداومون فيه.........




:eh_s(14):
:eh_s(14):

 

[ليمونة79]

آنا بعد نفس حالتج بروضة عالم الطفل المفروض يقل السعر لأنهم بداومون شهر نوفمبر يعني شهرين مافي دراسة:eh_s(14):

 

[manarah]

انا اللي فهمته ان بس الحكومه التأجيل شهرين والخاص لأ كل مدرسه ونظامها ... مادري والله

 

[أم حمودي**MALL**]

بنات تدرون عن الانقلش بلاي قروب
متى دوامهم؟

 

[Dolpheina]

اي والله راحت علي المفروض يخصمون من السعر .......

امممممممممم بس تدرون ممكن مايخصمون لان يعتبر وباء وهالشي يكون تحت الكوارث والظروف القاهرة يعني ممكن يقولون لج مالهم شغل هذا شي مو مسئولين عنه ......!!! دام فيها فلوس راح يدشون لج من هالبااااااااااااااااااااب

 

[espresso]

آآآآآآآآآآآآه .. آنا داشة بنزل هالموضوع ..!!

الصرااحة صج انه انه وباء بس هم احنا مالنا شغل ليش ندفع ونتحمل و الله حراام

يعني ندفع حق خدمة ما استلمناها ؟؟؟؟

 

[espresso]

شكله ورانا هوووشة ... خل أروح أدور تجمع أولياء أمور المدرسة و أشوفهم وتفق

 

[كنووز]

ماكو شي مخرع المدارس الخاصة من التأجيل اكثر من الفلوووووس
وهالشي مصرح فيه بجريدة الوطن

خايفين من الخساير


انا بالوضع الراهن..وعلى ضوء توقعات العلماء بموجة قويه للمرض في الخريف والشتا ومع العودة للمدارس
مو قاعدة افكر الا بصحة هالاطفال والمراهقين اللي اهم اماااانه عندنا

 

[ليمونة79]

معاج حق كنووز لا راح يخصمون ولا شي ألزم ما عليهم فلوسهم

 

[كـلا كـلا]

اي والله حدهم خايفين من الخساير مصيبة كلش ولا الفلوس