بنات اتمنى تدخلون وتقرون قصتي كامله على بعضها وتفيدوني بردودكم ؟؟؟!!!!

[عروسه 99]

بنات انا صارلي 9 اشهر ونص تقريبا من اول ما تزوجت اناا مفكره انا كل شهر اني ممكن اكون حامل واقعد انطر الدوره تتاخر على امل اني اكون حامل حالي من حال اي وحده تحمل من اول اشهر زواج المهم نطرت وكل شهر اقول خيره والحمدلله لما حسيت فجأه حرقه بالبول شي مو طبيعي وعوار رحت مستشفى الهادي ودخلت عند دكتوره اسمها رشمي وقالت لازم تحاليل زراعه وبول عزكم الله وسوت لي سونار وقالت كل شي عندي سليم واوكي المهم شافت تحاليلي وقالت انتي عندج التهابات كتير وعطتني حبوب وكليتهم وطحت طيحه جايده منهم ما تحملتهم كانوا قويين حيل علي بس عالجت التهاباتي والحمدلله المهم بنا ت عقبها امي بدت تسالها تقول حق الدكتوره اهيا ليش للحين ما حملت مادام كل شي اوكي قالت احنا في عندنا ابره تفجير تاخذها ثاني يوم دوره خل تاخذها ويمكن يصير حمل المهم انا ارتحت من كلامها وقلت حق زوجي كل شي بالتفصيل عقبها قالي اخذي الابره واخذتها اول شهر وانا كلي تفائل اني احمل منها هذا طبعا الكلام بعد مرور على زواجي 7 اشهر وكان زوجي مو محلل يعني ابتدى العلاج مني انا وهذا اكبر غلط ادري بس شسوي راح اكمل معاكم بس اريح شوي

 

[كويتيه مذهله 87]

الله يرزقج هالششهر يااارب

بس شيلي فكره الحمال عن بالج وراح تحملين صدقيني

 

[chanel N22]

الله يرزقج يارب
بس شلون نشيل فكره الحمل

 

[عروسه 99]

ادري انه غلط اني اعالج وانه لازم اهوه يحلل المهم نزلت الدوره علي وما حملت عقب ما قزيتها وحاشتني حالت اكتئاب واحباط وحتى دوام ما داومت المهم بنات نفسيتي حيل اتعبت وانا اسمع كلام هذا وكلام هذا عني وانا ما فيني شي وقلت ماني معالجه ولاني متعبه عمري بخليها على الله بس البنات نصحوني وقالوا لي لازم اتكملين علاجج بس خلي ريلج يحلل وانا اهني انتبهت وقلت بكمل علاج من بعد حنت امي علي وخساير فوق خساير المهم قلت كله يهون وقلت حق الدكتوره ريلي ما يحتاج تحلياليل قالت لا مو الحين انت غزي الابره لمدة ثلاث مرات واذا ما حملتي خلال هال3 اشهر خليه يفحص انا كلامه مادش عقلي لانه مو معقوله انا اعالج ومتعبه عمري ويمكن ريلي فيه شي المهم عقب مارديت منها قلت له الدكتوره تقول لازم انت تحلل لانها بتشوف تحاليلك (طبعا هالكلام من عندي) بس عشان يحلل وفعلا يا بنات رفض وما رضى المهم بعد جم يوم يالي يقولي يا فلانه ترى انا اليوم شلت شي ثقيل وظهري حايشه عوار خل انريح على الاقل لمدة 3 ايام انا قلت له مو مشكله حبيبي بس اهم شي انك تكون جاهز يوم الابره طبعا هذي ثاني ابره يعني ثاني محاوله المهم قالي اوكي وما قربت صوبه 3 ايام ولا اهوه واحس انه كانت نفسيتي تعبانه وماله خلق شي المهم قزيت انا الابره وشفت الامور كلها عاديه وطبيعيه ولا اسمع كلام هالاهل وصلني انه ليش ما حملت ومن هالسوالف انا تضايقت وقعدت ابجي واقوله امانه حلل خلني ارتاح واتطمن من ناحيتك المهم قالي شفتي ذيك الايام لما اقولج ظهري يعورني قلت له انا اكلمك بموضوع وانت تدخل معاي بموضوع ثاني بعصبيه كنت اكلمه جان يقولي اهوه انتي سمعيني بكل هدوء يكلمني عكسي تماما لانه الحبوب لعبت فيني لعب والله مو مخليه شي فيني صاحي والكل يقولي متنانه ومتنانه وتعبني هالكلام الصراحه المهم جان يقولي شفتي ال3 ايام اللي ما قربت فيها صوبج قلت ايه قالي انا كنت محلل يومتها وقالوا لي حيواناتك المنويه قليله يعني عقيم هذا اول تحليل سواه طبعا من وراي وعقبها قالوا له انت لازم ما تسوي شي مع زوجتك لمدة 3 ايام ( بكمل )

 

[هيونه الكويت]

لا تقولين عقيم

مافي شي بعيد عن الله

والله يرزقكم بالذريه

ومتابعين معاج

 

[القطانيه]

حبيبتي حرام علج توج موزين انتي ماتدين شنو اثاار الابره التفجيريه هذيي تو النااس خلي ريلج يحلل بعد يمكن في التهابات ولا شي

 

[madam_cake]

وييي ياحياتي من صجج ترا الطب تطور ولا تقولين كلمة عقيم وماكو شي الا وله علاج انشالله ولاتستعليين بالعلاج وخلي الامور تمشي وسهالات من رب العالميين وبعدها انشالله الله بيرزقج الذرية الصالحة وراح يشيب شعرج من الصرااااااااااااااااااااااخ عليهم

حبووبة ترا رحلة العلاج طويلة ويبيلها صبر وانشالله تحملين بدون علاج ولا ابر تفجيرية

 

[eng.q8]

انشالله الله بيرزقج الذرية الصالحة

 

[الجوهره70]

توكلي على ربش أنا للحين ما حملت صارلي سنتين بس أحاول اشيل فكرة الحمال علشان احمل أن شاء الله ونجيب توم بأذن الله

 

[عروسه 99]

هلا حبايبي راح اكمل معاكم قصتي طبعا اهوه ظل 3 ايام من غير لا يسوي شي مطلع عذره بعوار الظهر على قولته بس للاسف ما بلغني انه عشان التحليل بس من بعد ما حلل المره الثانيه طلع عنده عدد الحيوانات المنويه 70 الف والطبيعي 20 مليون يعني حتى مليون واحد ما عنده تخيلوا انا اهني طقتني البوهه جنه واحد كافخني سطار والله كانت ردت فعلي الضحك الهستيري يقولي شفيج اقوله ولا شي بس ارتحت انك حللت يقولي انا طلع فيني دوالي انا اهني اختبصت ويقول ممكن عمليه عشان من بعدها ممكن انه الحيوانات المنويه تكثر وتكون اموره طبيعي والله انه يومتها ما نمت وظليت مختبصه ودموعي على خدي من غير علمه طبعا وقلت له الله كريم واللي الله كاتبه بيصير والحمدلله على كل حال وانشالله لاحقين على هالامور المهم انا اللي ضيق خلقي انه كان عنده علم بالنتيجه وانا قبل لا اقز الابره يعني المفروض انه كان مبلغني بس انا قلت ما عليه والله كريم وانشالله هذي خيره والله انه دورتي هالمره عوار ومختبصه وياني قبل جم يوم بلغني انه بيسوي العمليه وسواها من غير علم اي احد من اهله بس ربعه اللي عندهم علم المهم انا بعد ما كنت ابي احد يدري لانه اهله من النوع اللي يتشمتون وعادي عندهم يعني قلبهم ما يحترق عليه والله اني قلت احسن مع انه اي وحده بتقول غلطانه وخلهم يدرون عشان ايعرفون انه التاخير من ولدهم لكن لا والله انا مو من هالنوع واحب استر على الانسان عشان الله يوفقني ومهما يكون اهوه ريلي وربي فوقي وانا ابي الاجر المهم بنات سكت علموضوع ورحت زرته بالمستشفى وقدمتله الورد ولا من شاف ولا من درا سواها بدار الشفى 1200 دينار بس الحمدلله على كل حال وانا يتني الدوره للمره الثانيه طبعا لانه كانت الحيوانات عند زوجي قليله فعشان جذي ما اضبطت معاي الابره لا اول ولا ثاني مره وبقول الحمدلله بس انشالله يتعدل كل شي من بعد العمليه وعنده تحاليل بعد 3 اشهر وبيشوفون عددهم اذا اوكي او لا والحين اهوه مريح بالبيت وناطره النتيجه وصابره انه الله مع الصابرين وهذي قصتي والله انه قلبي متروس ومالقيت اللي افضفض له غيركم لانه فعلا احس انكم مثل خواتي والله يرزقني باقرب وقت انشالله ويرزقكم ولا يحرم انسانه من الذريه يا رحمن يا رحيم ادري طولت عليكم والسموحه منكم حبايبي

 

[مسوكه^^]

ان شاء الله وبحيل الله يكتب لج الحمالة
وتكحلين عينج بالولد اللي يبرج <<وياذيج وتشكيانا منه ومن اخوانه >>يارب العالمين

بس انتي صبري منتي خسرانه شي والله اعرف ناس قعدو5 و10 سنين

وبعد ها لعمر جابووو عيال والحمدالله

وانتي انشاء الله بعد العملية خلية يسوي تحليل وشوفي
ولا تيأ سين من رحمة ربي

 

[كرزة كويتية]

الله يرزقج يا ربي يا حبيبي وسهل عليج حريم خوالي كلهم نفس قصتج والعيب وراثي بخوالي وكلهم عندهم يهال لا تحاتين واذا حملتي بشرينا

 

[أحلى عيون]

شوفي يا قلبي تروحين عند عسل العويد وتقولين له ابي عسل لزياده الحيوانات المنويه يسويه لج على 150 دينار

والله عندي ولد عمي صفر مافيه حيوانات منويه والمسكينه زوجته تطق بالابر ولا هامه وبعدها قالت له ياانا يا انك تعالج

ووصفله زوجي عسل العويد وراح اقسم بالله ما كملت شهرين مرته الا حامل والحين ماشاء الله عنده 2 بنات و2 صبيان

جربوا العسل بالاول وشوفي

 

[^noonaa^]

يابعد قلبي ميخالف خييره وتفائلي

ان شاءالله نتايج زوجج تطلع سليمه يارب وميخالف نطري شوي لا تستعيلين على رزق خلي ريلج ان شاءالله يتشافى

ويأذن الله راح اتحملين ان شاءالله وتييين اتبشريناا

 

[خشف المطران]

زين ياقلبي 70 ألف .. فيه شيء ..

غيرج صفر ... شيسوونه وشيخبصون فيه لا صارو صفر ؟؟


الحمدالله على كل حال .. حالتج أحسن بلميون مره من غيرج ..

وسمعت إنه بعد هالعمليه تتحسن الحيوانات ..

ووتزيد .. الله يرزقج .. بالذريه الصالحه ياربي ..

 

[ام يوسف القمر]

يابعد قلبي ميخالف خييره وتفائلي

ان شاءالله نتايج زوجج تطلع سليمه يارب وميخالف نطري شوي لا تستعيلين على رزق خلي ريلج ان شاءالله يتشافى

ويأذن الله راح اتحملين ان شاءالله وتييين اتبشرينا

 

[F O O S H I A]

( فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا ).

حبيبتي عروسه الحمدالله على كل حال اهم شي كثري الاستغفار بنيه الحمل وربي يكتب لج الذريه الصالحه يارب

ربي له حكمه على كل شي

 

[كولوراديه]

الله يرزقج بالذريه الصالحه و يوفقكم يارب

 

[الحلوه الأموره]

الله يرزقج الذرية الصالحه بإذنه ... وقولي الحمدلله فعلا انا اعرف وحده زوجها المصنع بكبره مال الحيوانات ماعنده

قولي الحمدلله والشكر واذا ربج كاتب راح يرزقج بإذنه بس خلي ايمانج قوي بالله ووقفي مع ريلج بهالفتره وبالعكس انسوا الموضوع ... واستانسوا ... صدقيني النفسيه تأثر حيييييييييل

الله يرزقج ويرزق كل محرومه ياااااارب العالمين

 

[A7la-SmiLe]

خيـــــــــــــره ياقلبي
اذا مو هالشهر الشهر الياي ان شاءالله حااااامل
مافي شي بعيد عن ربج​

​