بنات ابي نصيحتكم وشوركم الله يوفقكم

[قلبي له]

السـلام عليـكم ..​

بنات انا في البدايه اعجبت بشخص اعجبت فيه لشخصيـته واسلوبه واخلاقه انسان خلوق وشهم بمعنى الكلمه وصارت لي مواقف كثيره معاه زادت من اعجابي فيه لحد ما صرت احس انه هذا الانسان هو فارس احلامي ومع الوقت حسيت اني احبـه ... واكتشفت بعدين انه هو يبادلني بنفس الاعجاب وبنفس المشاعر وطلب يتقدم لي للزواج ... اوكي بتقولون شنو المشكله عيل ؟​

بنات هو نفسنا نفس عاداتنا وتقاليدنا ونفس مذهبي ونفس المستوى المادي لكن المشكله هي " المواخيذ " اكتشفت انه حنا وهم ما نواخذ بعض بنات شسوي والله حاشتني ضيقه وغلقه من عرفت ودريت بهالموضوع شسوي بمجتمع يحكمنا باعراف متخلفه ويقيدنا فيها انا حبيته واعجبت فيه ولا كنت عارفه انه حنا وهم ما نتواخذ بنات شسوي شوروا علي شنو الحل هو صج ناوي يخطبني وقالي فكري بنات شقوله .. اقوله فكرت وخلاص طلع مافي نصيب اخاف احرجه واحرج اهله واهلي معاه بنات ابي رايكم تكفون .. ​

 

[Tom ♥ Jerry]

,



احنا بعايتنا ماعندنا مو من مواخيذنا أو مو من جماعتنا !
المهم ريال سنع و اهله سنعين و يعرفون ربهم وبس

المشكله ببعض اعتقاداتكم الي مالها حل :/
خلي يتقدملج رسمي و شوفي راي اهلج بالاول

 

[جنون العاطفه]

مو مشكله كبيره عاديه يقدر يتقدم والنصيب عند الله

 

[تواضع انثى]

وعليكم السلام....

بقولك الي يريح بالك ترا اذا الله كاتبه من نصيبك بيصيبك انا الي فهمته من رد الي فوقي تقصدي بالمواخيذ انه مو من جماعتكم

اتوقع ان هذا مو سبب لو صار مو من نصيبك فالسبب الحقيقي ان الله ماراده لك وببس والله يكتب لك الي فيه الخير...

 

[ملكة الكلمه]

اذا كان كؤوس ماعليه كلام توكلي ع الله
اهم شي الدين والاخلاق غير كذاا لاتوفقي
الله يوفقك اختي

 

[لمى الهاجري]

المواخيذ قصدج الاصل خليه يخطبج وشوفي شنو بيصير لا تحكمين على شي للحين ما صار يمكن اهلج يوافقون دامه مستواه نفس مستواكم

 

[قلبي له]

مشكوريـن بنات عالردود .. وصح كلام لمى اللي اقصده الاصل والفصل وشلون تقولون المساله هينه تدرون عن هذا العرف بمجتمعنا الاصيله ماتاخذ الا اصيل والاصيل ماياخذ الا اصيله لو ذبح عمره شي لاهو من الدين ولا القران اعراف تقيدنا فيها بدون عقل وتفكير انا كل هذا مايهمني بس لو كنت ادري انه جذي كان مافكرت فيه بهالناحيه جان ماخليت مشاعري تنجر معاه واخر شي يصير فيني جذي واللي مزعلني انه هو حيل جاد معاي بالموضوع وشاريني بس شسوي هذا جذي الكل تفكيره جذي انا يا بنات خايفه يتقدم وينحرج هو واهله ومابي اشوف حلمي يتحطم جدامي والاهل يهمهم هذا الشي بالزواج يهتمون بالاصل والفصل هالموضوع حيل شاغلني وتاعبني ماعندي الا هالموضوع افكر فيه مابي الشخص اللي حلمت فيه يروح مني بهالطريقه ​

 

[شانيل 5]

يمكن يعجب أهلج خليه يتقدم

 

[Shinexo]

لآ تحآتين آلنآس نظرتهآ بدت تتغير لو يجيج وآحد زين وكل شي فيه برفكت بس مآتنآسبتوآ من عيلته من قبل ولآ يجيج وآحد ولد قبآيل بس صآيع ضآيع يشرب يوم ف البحرين يوم في تآيلند يوم ف آلشآرجهه تهقين آبوج شبيقول آبي ولد آلقبآيل ؟ حبيبتي آبوج هلج يحبونج ويبون لج آلزين مآتوقع سآلفة آلقبيله تآثر وآيد آذآ دعيتي وآصريتي عليه آنشآلله يكون من نصيبج آنتي حآولي آلحين تقولين حق آمج آو آخت كبيره لج حد يفهمج صح عشآن لو آلله لآ يقول في رفض هآلحد يحآول يقنعهم بآلعككس ! , دوم آدعي وآلله قآل آلرسول صلى آلله عليه وسلم ما رأيت للمتحابين مثل النكاح , آلله يوفقج حبوبه :*

 

[منيرة خالد]

خليج صريحه مع امج وقولي لها واخذي رايها


دام قصده الزواج لا تخافين وعقبها بتعرفين راي اهلج عدل اذا عندهم تفرقه والا لا

 

[*ريــان*]

خليه يخطبج وشوفي شنو بيصير

لا تحكمين على شي للحين ما صار يمكن اهلج

وبالتوووفيق ان شاء الله

 

[جذابه بنت ذيابه]

استخيري وخل يخطبج و شوفي رايهم بنفسج

 

[دلوعة أبوهآ]

لمتى بتستمر هالعادات اللي مالهآ داعي !!
مو من مواخذينآ ومو من قبيلتنآ و و و .....!!


المهم انه رجآل وولد ناس ومحترم ومصلي ومسمي ..


خليه يتقدم واستخيري ..

,

 

[اميره1980]

اذا خايفة من الاحراج صارحي امج و قولي لها
و اذا ما تقدرين تصارحينها قولي لها اخو رفيجتي بيخطبني و اصله كذا و كذا و شوفي شتقول
اذا كان لكم خير في بعض ربي يجمعكم بالحلال امين يا رب

 

[خالتي قموش]

خل يخطب ليش خايفه
يمكن لج نصيب فيه
ما تدرين

تدرين قبل اهلي لهم معتقدات بامور الزواج
مع الوقت تغيرت
لان النصي اقوى
ادعي ربج انه يكون لج نصيب فيه

 

[برنسس كاتي]

مدري متى تندفن هل عادات الي ما ادري من وين جاية !
صح كلام وحده من الأخوات ، ألحين الزمن تغير وانا اشوف مثلا بعائلتنا بعد الزمن تغير وكثرة حالات الطلاق وارتفاع نسبة العنووسة
ومدام تقولين انه كل شي نفس الشي بس انه العيلتين ما تاخذون من بعض
عادي يعني ما احس انها مشكلة واايد كبييرة
لو اهلج شافوا انه رياال والنعم فيه وانتي موافقه عليه ان شاء الله انه ما بيوقفون في طريجج
جربي تجسين نبض امج سأليها او قولي وحده أعرفها صارلها جي وجي شوفي شنو تقول

 

[روز بآريس]

آلمهم انه ولد نآسس وخأيفف ربه

 

[(رحيل)]

وعليكم السلام ورحمة الله

والله ياخيتي شوري مثل ما قااالوو البنيااات

شاوري الوالدة ,, واللي ربي كاتبة فية الخير و البركة

 

[روانتي 12]

ماتدرين ربج شنو كاتب لج ( يمكن يكون من نصيبج )
خليه يتقدم لج و اصري الا و توافقين عليه
ماتدرين يمكن اهلج يوافقون على طول ربج اذا قال لشي كن فيكون ..
لا تخافين و خليج قويه و خليه يتقدم

او


قوليله سالفه قولي له انا و انت مو من مواخيذ بعض عادي عندكم او لا ! و اذا قال اي
قولي له عيل اقنع ابوي بكلام ينحط على جرح يبرا

صدقيني الرجال يفهمون بعض و ابوج اذا شافه و شاف كلامه و اسلوبه و اصراره عليج راح يوافق
لاتخافين و عسى الله يكتب لكم الي فيه الخير