بنات ابي مساعدة منكم ........

[نوف&&]

السلام عليكم ورحمة اللة وبركاتة

بنات اللة يعافيكم عندنا في البيت مشكلة الصراصير الصغيرة بصراحة تأذينا منها معن كل يوم نغسل المطبخ بكلوركس وديتول وماكو فايدةوجبنا الشركة مالت المبيدات وهم ما نفع فأرجوا اللي عنده حل ترد علي وجزاكم اللة خير.............​

 

[أم جوري]

مشاركة: بنات ابي مساعدة منكم ........

حطوا قاز في البواليع وشوفوا الجيوش اللي راح تطلع والجثث والقتلى بس طلعوا من البيت احسن وارجعوا بعد 4 ساعات ...

 

[lolo77]

مشاركة: بنات ابي مساعدة منكم ........

هلا والله
مشكله الصراصير الصغيرة مشكله عويصة
انا كنت اعاني منها وشريت من الجمعية مبيد مدور لونه اسود
وكمتوب عليه يقتل الصراصير وهم في اماكنهم وصج يت فترة مالقيت ولا نص زهيوي
بس عقب جم شهر ردت المشكله وذاك اليوم كنت داشة في احد االمنتديات بنيه كاتبة طريقه
2ملعقة طحين
2ملعقة حليب بودر
2ملعقة سكر
تخلطينهم مع بعض وتضيفين ماي ليما تصير مثل العجين
ها شنو السر بالعجين ؟؟؟
انج تضيفين شي اسمه "حمض البوريك"(اهو مادة سامه) اذا مو ناسية اسمه تقول تلقينه بالصيدلية ما يزيد سعرة عن نص دينار
وتخلطينه معاهم وتحطين العجين بكل فتحه تلقينها بالمطبخ وفي كبتات المطبخ وكل مكان
وبصراحه اهي تمدحه وتحلف انه عقب جم يوم من حطت هالعجينة ما شافت اي زهيوي
وتقول مو تستعجلين يبيلهم 3ايام اربع على ما راح تشوفين النتيجه ؟؟ والعهدة عالراوي
اما بالنسبة ليي انا فاستخدمت العجينة اللي يبيعونها بالجمعية مثل اللي يحطوهم بالجرايد
والله انا بعد صارلي الحين 3ايام شفت الصغار حيل حيل مبين توهم طالعين من البيض
وانشالله اكون افدج وتدعيلي
هاهاها
وسلالالالالام

 

[bnt q8 in usa]

مشاركة: بنات ابي مساعدة منكم ........

اختي انتي شقه ومطبخج خشب والا شنو

شوفي يبي يرشون لج كل اسبوع مره اول بالشهر مرتين حتي داخل المكينه مالت الثلاجه وبتشوفين بلاوي

الله يعينج عليهم قطيعه تلوع جبدي منهم

 

[جارة القمر]

مشاركة: بنات ابي مساعدة منكم ........

حبيبتي

أنتي عندج مشكلة بالخشب

والله يكون بعونج

 

[نوف&&]

مشاركة: بنات ابي مساعدة منكم ........

مشكورة حبيبتي ام جوري حطينا قاز مانفع..............

 

[نوف&&]

مشاركة: بنات ابي مساعدة منكم ........

مشكورين أخواتي على التفاعل ........lolo77ان شاء اللةراح أجربها بس العجينة اللي تقولين عنها هي اللي بالعلبة الصفراء لاني اشوفها بالجرايد بس قلت يمكن بس جذي دعاية بس بعد كلامج راح أجربها .........وان شاء اللة راح ادعيلج بالخير.......


bnt q8مشكورة غاليتي على المرور لا انا مو بشقة وبعدين المطبخ اللي عندي مو خشب ............


مشكورة جارة القمر على المرور.........

بفك وعصير مشكورة على الرد وان شاء اللة راح اتصل على المندوب وجزاك اللة خير............

 

[OM 3ABOOD]

مشاركة: بنات ابي مساعدة منكم ........

السلام عليكم ورحمة الله وبركاته

اختي انا عانيت سنين من الصراصير هذي ورشيت اكثر من 15 مره وشريت العجينه من كل مندوب يعرض عنها


اخر حل لقيته ولله الحمد ريك روك وتلاقينه بالجمعيات


بقولج لج شنو سويت بالضبط غسلت المطبخ بماي حار وقاز ونظفت داخل الكبتات بقاز والبيت كله نظفته بماي حار وقاز لازم بعد القاز تمسحين مره ثانيه بماي حار عشان يشيل الماده الدهنيه اللي تبقى من القاز بعدها وزعي العجينه في كل الزوايا وفي الكبتات وعلى الحواف للطوفه يعني سوي لاينات من العجينه في كل الزوايا والفكره مو بالكم بالكيف يعني خليها طبقات متساويه واتركيه ينشف يوم كامل او يومين لا تغسلين بماي وشوفي الضحايا والجثث


وودعيهم للابد وادعي لي

 

[نوف&&]

مشاركة: بنات ابي مساعدة منكم ........

مشكورةom3 Aboodواللة جربت القاز والماي الحار وطلعت المواعين كلها وجت الشركة ورشت داخل الكبت وخليناة يمكن اكثر من عشر ساعات وبعدين غسلنا المطبخ عدل لكن اليوم الثاني رد نفس الشي ........بس ان شاء اللة راح استخدم عجينة الريك روك وراح ادعيلج بالخير .........

 

[lolo77]

مشاركة: بنات ابي مساعدة منكم ........

انا الحين استخدمت عجينه الرووك
وطبعا اول شي غسلت المطبخ
وحطيت العجينه بكل مكان يعني بين الكبت والطوفه
وبين الفتحات
والمكان اللي كنت اشوف فيه
تصدقين مثل ما قتلج قبل
الحين اذا شفت اشوفهم ميتين
لا ومقلوبين على ظهرهم واستغرب من هالشي
والحين صارلي اكثر من اسبوع ما شفت
الحمدلله
واذا جربيتيه قوليلنا

 

[ام مدعج]

مشاركة: بنات ابي مساعدة منكم ........

نوف

انا أأيد البنااات و اقولج استخدمي العجين لان مره صارت فبيتنا نفس الحاله و استخدمنه العجين و راحت

العجين اقصد فيها اللي تنباع بالجمعيات مادري من وين بالضبط لون القوطي اصفر و عليه صوره زهيويه

و اتمنى ان البنات يفيدونج

 

[أوركيد]

مشاركة: بنات ابي مساعدة منكم ........

جربي الشركات ..بس لازم بعد مايرشون البيت كله كله ..حتى داخل كبتات المطبخ والحمامات والغرف ...يحطون العجينة

ورجعي رشي مرة ثانية بعد شهر ...وان شاالله ترووح

قطيعة منهم ...يلوعوون الجبد تلاقينهم بكل مكان ...آنا يوم كانو ببيت حمولتي قمت أوسوس بكل شي ..ما اجيس شي الا وغسلت ايدي عقب ...

وااااي عذاااب

 

[norsun]

مشاركة: بنات ابي مساعدة منكم ........

مافى على العجينه فعلا طلعت مواعين ولا عشر مرات ورشيت دواء الصراصير اشتريه من شركة النصف مع البخاخ اقوي من الموجود فى الجمعيه جبت الشركه ورشت ايضا ولا كو نتيجه مع هالزهيويات الصغار ولكن بعدماقريت اعلان العجينه للقضاء على الصراصير قلت اجرب وفعلا الحمدالله اخيرا انتهت المشكله نهائيا والحين انا لى سنتين مرتاحه منهم

 

[نوف&&]

مشاركة: بنات ابي مساعدة منكم ........

مشكورين خواتي على التفاعل وجزاكم اللة خير فعلا شريت العجينة اللي بالعلبة الصفراء وشريت دوا يقولون حتى الصراصير الكبيرة والنمل راح تنقطع والحمداللة شفنا النتيجة المندئية تبشر بالخير ..........

 

[برميته.]

مشاركة: بنات ابي مساعدة منكم ........

الله يعينك صج مشكله