بنات ابي شركات اسجل فيها لدعم العمالة بس

[miss89]

قوه بنات شلونكم

بنات ساعدوني ابي شركة اسجل فيها بس لدعم العمالة المشكلة ما اقدر احصلهم بسهوله

الي تعرف خل تفيدني جزااها الله خير

 

[um3bdullah]

وانا بعد عندي نفس الطلب وراح ادعي لها :yaaaaaarb: اللي تساعدنا

 

[خوختي دنيتي]

ان شالله البنات يفيدونا

 

[زوجه مهمومه]

مادري اب ..
بس اذا بتسجلين وتاخذين بدل عماله بدون شغل فا اقولج ترا حرام يعتبر مال حرام
وعسى ربي يباركلج

 

[frawlah_83]

رد : بنات ابي شركات اسجل فيها لدعم العمالة بس

ترى حرام تاخذين هالفلوس بدون شغل مايجووز

واذا طاحو عليييج يدفعونج غرامات وترديين كل الفلووس الي اندفعوا

دعم العماله الدوله تدفع عشان تشجع الكويتين يشتغلون بالخاص مو عشان ياخذونه واهما قاعدين في بيوتهم !

 

[miss89]

بنات الي تعرف خل تقولنا وتفدينا

الكل الثاني ماله داعي !

مشكورين

 

[dalalcollection]

اختي ترى حرام الفلوس ما الله يباركلج فيها

وهذه مجرد نصيحه

 

[q8sparkle]

رفع :n2006107::n2006107:

 

[miss89]

للرررررررفع

 

[cuotta]

رد : بنات ابي شركات اسجل فيها لدعم العمالة بس

اب *

 

[Apple-q8]

يعني البنيه تعرف الحلال والحرام مالي داعي التكرار كل ماشفتو دعم عماله يبتو طاري الحلال والحرام


واب واب

 

[Cavalli Girl]

رد : بنات ابي شركات اسجل فيها لدعم العمالة بس

السلام عليكم بنات

اللي تتكلمون عنه اهو التوظيف الوهمي

اول شي مثل ماقالوا البنات حرااام و اعيدهااااااا .. سوري بس لازم اقولها
شلون بنهاية اليوم تنامين و انتي تاكلين و تشربين بفلوس حرام؟؟

ثاني شي الموضوع مو بس جذي

انا بقطاع خاص وعندنا موظفين توظيف وهمي في وايد موظفين انصادوا بالشركات !

اعادة الهيكلة عندها مفتشين .. يعني يطبون عليج فجأة ما لقوج بالدوام ينادونج و يطلبون اثباتات على شغلج
و يسألونج بالمجال اللي حاطينج فيه واثبات الدوام مثل البصمة ماعرفتي حولوج تحقيق و طالبوج بفلوسهم

اذا انتي جامعية دعم العمالة بروحه 410 دك اذا طاحوا عليج وانتي صارلج سنة وخل نقول ثلاث تشهر راح تدفعين لهم 6,150 دك !!

غير البلاك لست!

واذا تستلمين اعانة الجامعة و دعم عمالة شهادتج لما تتخرجين ماتتصدق الا لما تردين فلوسهم

و هالكلام مليووووووووووووون بالامية متأكدة منه و شفته بعيوني بعد

حده ماتسوى عليج لا بالدنيا و لا الاخرة

ليش تقعدين وتاخذين فلوس حرام و طول الفترة ايدج على قلبج ماتدرين صار تفتيش ولا لأ

و تنحطين بلاك لست ؟؟؟

قزريها لين الله يفرجها
يكفي المال الحلال فيه طعم

بعدين فيه ظلم لغيرج

انا وغيري نكرف لي الليل و انتوا بالبيت تستلمون راتب ؟؟؟؟؟! اكيد مايجوز و لو انتي بمكاني جان عصبي

:rgewrg:

انا نصحت و انتوا كيفكم

 

[law love]

زقووووووم

عبالج اذا خذيتي فلوس دعم العماله بتستانسين فيهم !!

يمهل و لا يهمل

الياهل نقوله اذا جذبت بتدخل النار

لكن انتو بنقولكم جهنم و بئس المصير

راجعو نفسكم

 

[law love]

زقووووووم

عبالج اذا خذيتي فلوس دعم العماله بتستانسين فيهم !!

يمهل و لا يهمل

الياهل نقوله اذا جذبت بتدخل النار

لكن انتو بنقولكم جهنم و بئس المصير

راجعو نفسكم

 

[miss89]

الي يقول اهي تنكرف بالشغل واحنا قاعدين بالبيوت .. حبيبتي احنا مو محصلين شي هالديوان ذالنا ذل

وبعدين صاحب الشركة الي باخذ منه دعم عمالة يدري اني شغاله عنده على ذمته اهو مو انا

والله يخليكم محد يدش ويفتي ويطلع الي ما يقدر يفيد لا يرد

 

[الأمل لحظه]

:والله اذا على الشركات كل يوم شركه تبي كويتيين وانا ارفض وزوجي يحن علي عشان اسجل فيها وعلى فكره الشركات هذي لربعه وادري مليون بالميه اني لي اشتغلت فيها ماراح احد يصيدني ولا يقولي رجعي الفلوس وراح استلم وانا مرتاحه ........................بس والله الي رادني هو الحرام والحلال وكل واحد يفكر بالبركه مو بكثره فلوسه معقوله صار همكم بس تجميع الفلوس ............... اعوذ بالله من هذا الزمن ............ اقولج عزيزتي فكري عدل قبل لا يلعب الشيطان براسج ........... السؤال الحين الي بيعطيج الفلوس صاحب الشركه ولا الدوله نفسها ؟؟؟؟؟؟؟؟؟؟؟؟؟ اكيد الدوله لانها تدعم الشركات الخاصه .......... بالتالي انتي مالج حق تاخذين فلوس وحتى لو قلتي على ذمته .. مالج حق تاخذين الفلوس لانج عرفتي بالاصل ان الفلوس موجايه من جيب صاحب الشركه الفلوس من الدوله نفسها وانا متاكده انج فاهمه كل هذا ............ اتقي الله في نفسج تصبرين على قلت المال بس ماراح تصبرين على نار جهنم :blueSmCLR:​

 

[frawlah_83]

رد : بنات ابي شركات اسجل فيها لدعم العمالة بس

منو قالج انها بتصير في ذمه صاحب الشركه !! ليش اهو دافع شي من جييبه!! انتي قاعده تاخذين من فلوس الدوله .. وترى احنا موقاعدين نفتي من عندنا سالي فيها شيوخ دين وشوفي شنو اردون عليج ..

وبعديين اذا الديوان موقاعد يرشحج قدمي على بطل البطاله !!

ومعلومه يمكن انتي ماتعرفينها : اذا تسجلتي بدعم العماله اسمج راح يستجيل بالتأمينات وراح ينشال اسمج من الديوان اتوماتيكا

دام الديوان ذالج ذل روحي قدمي بالقطاع الخاص .. ولا تبوون معااش بدون تعب !!!!

 

[law love]

انتي منصجج !!!!!

يبا الدوله الي بتعطيج الفلوس مو صاحب الشركه

يعني صاحب الشركه بيعطيج معاش وانتي بالبيت حلمااان فيج !!!

اذا واجهتي ربج يوم القيامه شبتقولينله الديوان ذلني ما وظفني

لا تلومين الحراميه الي يبوقون ترى هم اهمه محتاجين

وانتي ياهم بنفس الكفه

 

[Om_Ksha]

حيلكم فيها :krkrkr:

 

[um3bdullah]

والله كل مسلم المفروض في هالبلاد الخليجية الطافحة بالنفط والاموال يكون له على الأقل 1000 دينار شهريا وهو قاعد بالبيت

وبعدين هاللي ميتين على دعم العمالة هم لاقين وظايف وقايلين لا ؟؟؟


انا زوجي لما انعرض عليه دعم العمالة اول مرة قال اسجل بشرط اداوم ... مابي اقعد بالبيت واخذ معاش بس هم مو راضين


أحسنو الظن يابنات

بعض الناس من الحاجة والدين والحالة اللي هو فيها يفكر بهالطرق واللي شرعا مافيها شيء مادامت من بيت مال المسلمين

مو من المال الخاص ...