بنات ابي رايكم ضروري ضروري ضروري ضروري وهم ضروري

[مرحبا بقدوم خلي]

:ch12:مرحباااااااا كويتيات
صباح الحب ومسا الحب
سمعوا عندي اختي الصغيرة عمرها 23 سنة وماتزوجت لحد اللحين وفي وحدة من اهلنا جاية اتخطبها حق ولدها واهما ناس يعني طيبين وزينين بس الريال عمره 21 سنة الا جم شهر بينهم فرق سنتين ونص مو جنه فشله اهيا موظفة واهوا يبي يتوظف على شهر 2 وماكو عرس الا بعد سنة ونص يمكن يعني مو بسرعة
فاااااا اشرايكم كل وحدة تقول رايها لان الموضوع مخربطنا بلبيت شوية محتاااااارين حيل


لكم الماااااااااااااااااااااااااااااااااااااااااااااااااااايك

 

[blue diamond]

خل تستخير آرائنا ماراح تنفع بشي خصوصا ان ليلحين ما يوكم البيت واخطبوها يمكن ما يعجبها اصلا من دون استخاره واذا عجبها خل تستخير

 

[al3ta]

رد : بنات ابي رايكم ضروري ضروري ضروري ضروري وهم ضروري

ياقلبي خل تستخيير

 

[!الجادل الصعب!]

رد : بنات ابي رايكم ضروري ضروري ضروري ضروري وهم ضروري

لآ مو حلو الفرق .. بس خل تستخير

 

[ريماس21]

رد : بنات ابي رايكم ضروري ضروري ضروري ضروري وهم ضروري

هم انا رااي انا موحلووو البنت اكبر من الشااب حتى لو بشهررر


بس خل تستخير وماتدري شنو يصير

 

[*sublime1423*]

رد : بنات ابي رايكم ضروري ضروري ضروري ضروري وهم ضروري

اهم شي ريال زين ينشد فيه الظهر ويكون ولد ناس ويخاف الله قبل كل شي
اسالو عنه زين زييييييييين ....فاذا كان طيب ومتدين وداخل ضمن حديث من اتاكم من ترتضون دينه وخلقه فزوجوه .

العمر فرق سنتين ما تاثر كللللش
متى ياثر العمر ...لو كان فوق الاربع او الخمس سنين ... وهذا من وجهة نظري الخاصة .... اما فرق سنتين لاتشيل همها لان لو هو مو مقتنع بعمرها وفرق العمر ماكان بالاساس تقدم عندكم . وهالفرق بالعمر كثير يصادفني وما اشوف غير حياتهم حلوة مستقرة وزينة ماشاء الله .... وابوي يقول افضل لان المرة تكون اعقل بكل تصرفاتها من الريال ومو متسرعة ومتهورة باتخاذ القرارات وتلاقينها مع العشرة تصير مستشارته الخاصة واقرب انسان يحب شورة ويثق برايه .

 

[الغاليه نونو]

العمر مو مقياس ياقلبي ياما رياييل اعمارهم بالاربعينات وعقولهم يالله الجدوه جنهم يهال بالروضه والعكس

انتوا اذا شايفين الريال كفو يأسس بيت وقادر يتحمل المسؤوليه واهم من هذا كله مصلي مسمي خايف ربه خل تتوكل علي الله وتروح بنصيبها واذا شايفينه ريال علي الموضه بوسبايكي وشورتات وسلاسل لا والله خلو ابنيتكم عندكم واييها اللي يستاهلها


اختج حتي لو اكبر منه بخمس سنوات تقدر بدلعها وانوثتها وسنعها تصير بنت ام 14 بعينه

 

[عيني عليه]

اهم شي الولد دااري بهالفرق وراااضي ؟؟

اذا راااضي وماعنده مشااكل عاااادي مافيها شي .. خاصة لو كاان رجااال فااهم وعقله كبيير واخلااق ومو ناقصه شي ...

بس لو ماكاان يدري علموووه مو تاالي يقعد يعايرهاااا ...

 

[zo'3a girl]

رد : بنات ابي رايكم ضروري ضروري ضروري ضروري وهم ضروري

مو حلو الريال اصغر من المره بس اذا ريال كفو ليش لا وخل تستخير الله يوفقها يارب

 

[سارووه الاموره]

انا بعد اقول لو اهو راضي خلااص خ توااافق

ترا مرات الاهل يوهقون لعيال يعني تقوله بخطبلك واهو مايدري عن هوا دارها يعني مايعرف عمرها وجذي..

خل تستخير ...

 

[لوولووة]

خل تستخير احسن

 

[مليت من الاسامي]

اذا الولد يدري وهي عادي
خل تستخير
مع انه مو حلووو بصراحه

 

[شقرديـه عالطل]

خل تستخير احسن
وترى الريال بعقله مو بعمره

 

[أميرة الحور]

لو بنطالع مسألة العمر بروحها مافيها أي اشكالية
لكن غصب تنط تساؤلات وأفكار وليش ويمكن ؟؟؟؟

من هالتساؤلات والأفكار اللي طرت علي بقولها بصراحة
1- يمكن هو صغير ومو عاقل وامه تبي وحدة اكبر منه تعقله
2- ممكن فيه مرض او نقص من ناحية معينة علشان جذي راضي هو واهله بوحدة اكبر منه ولا تعايره بعدين او ما تتكبر عليه ومثل ما انا اصغر منج وراضي فيج انتي بعد ارضي فيني
3- ممكن موهامه اللي يبي يتزوجها بس جازت له الفكرة لان امه هي اللي فكرت وقررت

طبعا ممكن يكون كل هذا مو فيه ويكون تكانة وزين بس يا اختي من هالسوالف اللي نسمعها وخصوصا في مسألة الزواج لازم التركيز والتدقيق واختج صغيرة وهو بعد صغير

وبصراحة شي غريب ولد مو موظف ولا جرب المسؤولية وعمره صغير يزوجونه الحين
لو موظف ممكن اقول عادي
لا تصير اختج مجرد تجربة له وتجريب حظ

هذا اللي عندي ولو اختي بمكانها نفس الكلام بقول ونفس النصيحة
وقبل كل هذا اللجوء لعلام الغيوب انه يدلكم على الراي الصح ... وبس

 

[يعني أني]

رد : بنات ابي رايكم ضروري ضروري ضروري ضروري وهم ضروري

توها صغيره

واهو صغير عليها وماتدرين وين الخيره سبحان الله

الله يكتب لها اللي فيه الخير

 

[نـوارة]

الاستخااااااااااارة اولاً,,
* وحدة من قرايبنا اخذت واحد اصغر منها ب3 سنين لهم 15 سنة متزوجين وللان يعايرها انو هو اصغر منها ..
اخرتها راح اتزوج عليها على قولته انا لسا صغير وبعيش شبابي الله يهديه بس ...

 

[مرحبا بقدوم خلي]

رد : بنات ابي رايكم ضروري ضروري ضروري ضروري وهم ضروري

مشكورين بنات ع الردود الطيبة واختي تقول مصلية استخارة يوم الاربعاء وتقول ماحس بش ماكو لاقبووول ولا رفض فامادري وامي قاعدة تحن تحن يالله يالله خووش ناسم وماعليهم قصور وناس طيبة مثلكم كلكم

واختي تقول احس بهدوء واسترخاااء بس ماحس اني ابيه او ماابيه عاااادي مرتاحة؟؟؟؟؟؟؟؟؟؟؟؟ ش لحل ش الدبرة

 

[حبي حبيبي]

رد : بنات ابي رايكم ضروري ضروري ضروري ضروري وهم ضروري

انا مو مع ان المرا تكون اكبر من الريال

لو شهور اوكي تنبلع
بس هم الراي الاول والاخير لها

وخل تستخير
ماتدري نصيبها وين

 

[الأميرة جوري]

رد : بنات ابي رايكم ضروري ضروري ضروري ضروري وهم ضروري

عادي وايد اسمع بفرق السن وان الزوجه اكبر ,,,,,,,,والرسول صلي الله عليه وسلم قال ((من ترضون دينه وخلقه زوجوه)) <<<ماقال عمره ومادامه زين الله يوفقها

 

[*ريما*]

رد : بنات ابي رايكم ضروري ضروري ضروري ضروري وهم ضروري

انا ماايد البنت تكون اكبر من الولد
حتى لو كان بيوم
وهاذار رايي
والله يوفقها