بنات ابي رايكم بشغلة بليــــــــــــــــز ......

[نونة االحلوة]

انا بموت واربي حيوان بس ابي حيوان اليف مررررررررة وسهل التربية بس ماادري شنو فقلت خليني اخذ رايكم ؟؟؟؟؟؟

 

[daloo3ah]

هاااااااااامستر اكيييييييييييييييييييييد

 

[تلفوني رن]

عصفور

 

[تولاي 2009]

انا اقترح عليج القطوه تونس وتلعب عندج وتسلي احسن من الحيوانات اللي بالقفص وشكرا

 

[سمسمه Q8]

القطوه اتينن

نظيفه حدها كيوت ما توصخ تكرمين بأي مكان لازم بالمكان اللي انتي حاطته لها
تلعب وتسوي جو مو طبيعي

 

[Artist Q8]

وانا بعد وياهم

القطوه

 

[كدووشه]

ااناا قول هاامستررر او طيور

 

[نونة االحلوة]

انا اخاف من القطوة والطيور مااحبها الهامستر ماادري ..

 

[ღ Prettyღ♥ღWoman ღ]

ليش تخافين من القطاوه لوول

ترى والله ما يخرعون ونظااف وحلويين

قطاوة الشوارع يخرعون ممكن بس الشيرازيه وقطاوة البيت هاديين ما يخرعون ونظااف حييييل


الهامستر << حاله حال الفار مادري شلون تربونهم !!

الهامسترات احس مايفهمون بس ينحاشوون واذا انحاشوو واندعسو بمكان قعدي دوريهم << لووووول

اذا كلش ماتحبين جذي اشتري سمج او سلاحف مائيه

انا ما احب السمج او سلاحف لانه مافي تفاعل بينج وبينهم احسهم بس حق الزينه


ع الاقل القطوه تلعبينها تنادينها اتييلج وتحن عليج تحاجينهااا تحاجيييج لوول

خاااصه اذا شريتي قطوه صغييييييره تحسين جنه عندج بيبي بالبييت وتسوي لج جو فضيع بالبيت

 

[lojeeen]

والله وايد حيوانات ممكن تربينها و تفرحج

الهامستر : - انا ما ربيته من قبل بس اشوف كل من رباه تعلق فيه حيل الوانه حلوه و شكله كيوت و أكله و العنايه فيه مو مكلفه حيل

القطوه : - دلوعه و تتعلق بصاحبتها حيل و إذا عرفتي تنقين القطوه اللي شخصيتها اجتماعيه بتشوفينها مثل البيبي تلاحقج من مكان لمكان تبيج تمسحين عليها و تمشطينها و تلاعبينها و تنام بحضنج يعني قمه الدلع ^^

الطيور : - مثل الكناري و البلبل صوتهم يرد الروح و يسويلج جو بالبيت

سمج الزينه : - الوانهم حلوه و حركتهم داخل الماي تهدي الأعصاب بس يكلف التجهيز للحوض اشوي بس لو اهتميتي فيه حيل بيصير ركن حلو بالبيت يكمل الديكور ^^

 

[l.o.l.e.t.a]

ماانصحج بالهامستر او الارانب كلش

لانها توصخ في كل مكان وفي كل حزه

وبس تنحاش لما تقربين منها مادري شنو المتعه في تربيتها ؟!

احلى شي القطاوه يهبلووووون ويسوون جو في البيت ونظاف ومؤدبين

بالتوفيق ان شاءالله

 

[نونة االحلوة]

ماادري والله حيرتوني

 

[sweet cake]

اذا انتي تبين شي تلعبين معاه ويونسج الاختيار الاول القطوه والثاني الهامستر
الارنب ممكن بعد
بس بالنسبه لي القطوه احلا شي

 

[daloo3ah]

القطوه تحتاج عنايه كبيــــــــــــره و اهتمام وسباحه وأكل وتنظيف ومكان كبير ومصرف !!
يوووووه يعني لوووويه ..


يا زين الهامستر .. بقفص رخيص على قده ويكون ثابت حتى لو سعره شوي غالي .. واكله رخيص .. ونشارته بكل مكان مقططه !!
وفوق هذا يونسج و حركاته حركات ميانين .. وهم تقدرين تطلعينه وتلعبين معاه ..

و ما ياخذ من وقتج وايد أبـــــــــــــدا بس خصصي له ساعه في الاسبوع تنظفين له القفص فيها حتى اقل من ساعه ..
وما يحتاج مكان كبير .. ولا جهد ولا مصرف زايد ..

بس اول ما بتشترينه مع اغراضه شوي يكلفج .. بس عادي سعره رخيص وااااااااايد بالنسبه حق قطو واهتمامها وبلاويها ..

وفوق هذا :

الامراض ..

مع القطو : تعيشين بشك ما بين تسبب أو لا تسبب > وطبعا كلكم تختلفون بالراي بهالموضوع فا بليز لا تفتحونه لوول لان كل واحد ورايه ..

مع الهامستر : تعيشين بأمان وما تخافين انه يسبب لج مرض أبـــــــــــدا لان مناعته حيل ضعيفه ولو تحوشه انفلونزا حاده يموت !!

والارنب شيــــــــــــــــليه من بالج ومن اللسته كلها لووول .. لانه مليق .. اول شهر تستانسين معاه ويهبببل ويلحقج ويعرفج وكل شي .. بس لما يكبر :
قبيح \ كبير وايد \ وصخ \ ريحته خايسه \ يحتاج لحديقه كبيره يحفر فيها ..
الذكر : يحتاج يتزاوج مع نثيه .. ( عن تجربه ) ومااااابي اقول السالفه ولا ابي اشرح لاني يـــــــــالله نسيتها ..
النثيه : اعتقد انه تييها الدوره لووووووول .. ( عن تجربه ) وهم مابي اشرح لان راح تلوع جبودكم مثل ما لاااااعت جبدي

وبالاخير يرجع القرار لج
والراي رايج

 

[كويتيـة]

القطوووه طبعا تونسج وتسوي جو بالبيت بس الهامستر شنو الوناسه فيه ؟؟ وحاله حال الفيران وع مادري شلون تربونهم