بنات ابي رايكم بالسفر مع البيبي .................................

[العاطفية]

شرايج تغيرين جو بالكويت روحي منتجع مثلا او شي جذي وبهالوضع اذا خليتيها منتي محاتية لانها قريبة واذا خذتيها ماراح تتعب مافي تغيير جو بالنسبة لي جدا استغرب من الي يخلون عيالهم ويسافرون انا ولدي رازته قبلي بكل سفرة لول بس ترى بنيتج صغيرونة نطري شوي

 

[كرز أخضر]

نصيحه لوجه الله وانتي حسبة اختي..اسأليني انا مجربه السفر مع البيبي أذيه

أذيه أذيه كان عمر بنتي 7شهور بالطياره لوعت جبدي شوي تبجي وشوي تغيير حفاظه وشوي مميه...واذا طلعنا نتغدا او

نتمشى الله لايوريج .لازم اسوي اكلها واحطه بعلبه قبل نطلع وغير الشنطه شكبرها حق الغيارات تعرفين البيبي على طول

تغيرين له.غير انج ماتنامين على كيفج ولا ترتاحين.وغسيل ملابسه..وممياته وعوووووووه مية مره....وآخر ثلات ايام

حاشها نزله معويه اسهال الله يكرمج وترجيع ..تحسفت قد شعر راسي اني خذيتها...

اذا انتي حاسه انج اذا خليتيها عند امج بتكونين متطمنه ومرتاحه خليها واستانسي بالسفره ..واذا حاسه انج بتحنين وتقعدين

تبجبجين كل شوي اخذيها وياج وتلعوزي بالسفره والله يعينج..

 

[شواخي]

واي بنات اي وناسه وانا اخلي بنتي عند امي :[ حرام كتكوته وترضع ،، ماقدر اخليها

انا ساعتين عند امي واحن ابيها

 

[جـــواهر]

من صجج ؟ تبين تكرهين عمرج اخذيها

انا توني مسافره واخذت ولدي معاي مع انه كبير سنتين ونص يعني شايل روحه
بس ززززهقني حياتي

وبنتي 3 شهور خليتها عند اختي فديتها

 

[افراحي]

وااااااااي تذكرت مأساتي مع بنتي...انا من ولدت بنتي كله اسافر مع زوجي بروحنا واخليها عند امي او خالتي الله يخليهم لي بس السنه اللي طافت سافرت لندن بعيد الفطر وبنتي كان عمرها اربع سنين عاد قلت حق زوحي خل ناخذ بنتنا معانا الحين هي كبيرة قال لي يابنت الحلال ترا بتجننا قلت لا عادي انا اتحملها وخذيتها وليتني ماخذيتها معاااي،،اول يومين مرضت والله يابنات شوي وابجي كله ترجع ماتبي تاكل شي لان هي اصلا ماتحب اكل المطاعم.. ولا كلت بالطيارة..تخليوا وديتها الصيدلية وشريتلها ادوية وشوي تحسنت..وعقب زهقتني تمل بسررررعة واذا قعدنا بمطعم تقول يالله قوموا ماصارت واذا نمنا بالفندق وقعدنا الصبح لما ابي اقعدها تقعد تبجي وتقول ابي انااام مابي اقوووم حرام عليج..وغير جذيه ماتخلين اتسوق براحتي لانها حييييل عبثية وانا زوجي عصبي بعد...

واااي ادري قرقرت واااجد بس صج انصح كل وحدة لاتسافرين بعيالج خليهم عند امج واااااجد ابرك واستانسي انتي وزوجج بروحكم..

 

[eman84]

انتي اذا حاسه انج بتغيرين وتبين شهر عسل لا تاخذينها وسفرتج مو طويلة ولا بعيده اصلا !! يعني ماتحاتين

تبون تطلعون وتسهرون و تستانسون واهيا ماراح تخليكم ترى بتقيدكم واايد وماراح تفهم شي !

يعني لو كبيره اقولج اخذيها بس ماتدري عن الدنيا وصج تعالي غسلي و لبسي و وكلي وسبحي لووويه

وعادي الريل يكره يسافر معاج عقب و يفضل سفرة ربعه لان بيشووف ان السفره متعبه وماستانس فيها كثر مايحاتي

 

[ماسيتي]

نصيحه حياتي والله عند امج مثل عندج مااعز من الولد الا ولد الولد خلي بنتج عند امج روحي سافر مع ريلج واستانسي اما رحت مع ريلي العمره وقعدنا عند عمته 10 وعيالي الاثنين عند امي بعد عمري شالتهم بعيونها بنتي ونص ولد 8 شهور

 

[انا مو هني]

رد : بنات ابي رايكم بالسفر مع البيبي .................................

اصلا الياهل اب هالسن ما يئذي خصوصا ان ما تمشي ولا تتحجه كله نايمه او تشرب حليبه او تقعد بروحها وبدون صوت
اخذيها

 

[زامليه وافتخر]

خليها عند اممج..لانها توها صغيره وشى اكيد بتمرض..وتاخذ من الجوو..

 

[حبيبي مالكني]

رد : بنات ابي رايكم بالسفر مع البيبي .................................

ياهل عن ياهل يفرق
في يهال يتعبون الام وفي يهال كلش مايتعبون
بس نصيحة لج لا تسافرين إبنتج توها صغيرة ويمكن تلقط الامراض لا سمح الله

 

[دلوووعة أبوهـآآ]

رد : بنات ابي رايكم بالسفر مع البيبي .................................

يووووووه لآ نصيحتي لا تاخذينهاااا !!
اختي مره سافرت ويانا وجان تاخذ بنتهاااا

امبيييييييييه لآلآ مو بس اهي ماعرفت تستانس
حتن احناااا
بجي وصيااااح ومرات ما تخليها تطلع

واااااااااي لآ ماتاخذين راحتج

انا اقووول خليها عند امج؟ اختج؟ لان صج بتتعبين
وبعدين حرام اهي حيييييييييييل صغيرونه يعني لو كبيره شوي
جان قلتلج اخذيها تونسينها معاج!!

بس لآ ياقلبي لا تاخذينهاا ,, وان شاءالله تستانسين بسفرتج :*