بنات ابي اولد .. تعبت .. شسوي ؟؟

[معلمه متميزه]

قوه بنات شلونكم ..

وقت ولادتي قرب ومافي طلق كلش انا خايفه اوصل لليوم الاخير وما اييني طلق هني راح يولدوني قيصريه لان ولدي الاول قيصري ومايصير يعطوني طلق صناعي وقالتلي الدكتوره لي اذا ما ياج طلق بنسويلج عملية ..

فمحد فيكم مر بمشكلتي او عندها طريقه تحفز على الطلق تفيدني ويزاها الله خير .. :eh_s(16):

صراحه تعبانه حدي ابي اولد يا ربي وارتاح ( ولو انه ماكو راحه ابد من ينولد الياهل ) بس على الاقل اصير خفيفه مو جني بطريييق يمشي لوووووول

وتسلمون

 

[فراشة البيت]

صاجه وانا بعد جني بطريق ههههههههههههههه بس كثري تمر ومره وحده تقولي سكر نبات ذوبي بماي وشربي

يحمي الطلق وامشي وااايد والله يولدنه طبيعي وبالسلامه

 

[معلمه متميزه]

اي والله ما تشوفيني شلون امشي اخواني الصغار يتطنزون علي تخيلي يقولولي يالبطرييييق هههههههههه بس مادري الحل الي قلتيه اذا يا الطلق يحمي الطلق بس اذا ما في طلق شلون اييييبه .. وتسلمين حبي عسى الله يسهل علينا ياااارب ..

 

[_زينه_]

حبيبتي قفشتين خروع من الصيدليه مع عصير برتقال فرش

بس لاتكثرين

والحلبه حييييييييييييل تحمي الطلق

وعن تجربه لهشيين

والله يسهل عليج

 

[معلمه متميزه]

مشكوره زينه حبيبتي ..الخروع اييب الطلق يعني ؟؟ حتى لو ما فيني طلق ؟؟

 

[االفرس]

حبيبتي تبخري بحلبه ومره وحنه وقشور بصل وحبه سودا وانشالله ينفتح الرحم انا جربتهاا بحمالي اللي فات والحمدلله فتح الرحم وكب مااي البيبي وكانت ماشالله ولادتي سهاله ياربي لك الحمد
بس تبخري كذاا مره باليوم عادي مو مره وتوقفين وانشالله يسهل عليكم ياارب وعلي

 

[سمووورة]

هلااا حبيبتي الله يسهل عليج ان شاء الله وعلينااا انا بعد ساامعه انه الخرووع زين

وفي وصفه كمون + ينسون+ نينخه +شمر + حلبه+محلب +حبه سوده (حبه البركه ) طبعا" كل المحتوياات حبووب مو مطحوون

الطريقه :
ملعقه صغيره من كل صنف تغلي في كاستين مااء الي ان يصبح المقدار في حجم كاس تصفيوتحلي بالعسل وتشرب مع صحن صغير رطب

تشرب هذي الوصفه بعد مرور اسبوعين من شهر التاسع كل يووم مره واحده

واتمني اني فدتج واتمني تدعيلي الله يسهل علي الولااده ويحفط اللي بطني

 

[ملكة الغيد]

حبيبتي عن تجربه مافيه بعد الله مثل الجماع و هذا كلام الدكتوره و إن شاء الله تولدين بالسلامه ​

 

[الفنانه79]

الله يسهل ويهون علي وعليكم ياأرحم الراحمين

 

[بتبوتااا]

رفيجتي الحين نفسج ماكو شي ما سوته وما شربته ولي الحين عادي الوضع

خليها على الله ياقلبي والله يسهل عليج وعليناا :> .

 

[بنت شتره]

انتي ادورين الالم والعوار ادواره ؟؟؟؟؟؟؟
احد يبي يحس بالطلوق ؟؟؟

والله تكرهين نفسج من الالم
هذي نعمه من ربج ماجتج عشان تولدين قيصريه

انا كنت اتمني اولد قيصريه بس جتني طلوق مبكره وولدت طبيعي

احسن لج من تكملين اسبوعين بالتاسع روحي اولدي قيصريه

وتقبلي مروري
والله يقومج بالسلامه

 

[ساشا]

انا مرة قريت عن شي البنات يشمونه وينفتح الرحم ... مادري شنو حلتيته او شي جذي

المهم الاخت اللي اكتبت عن الجماع 100%
الله يعينج صج ساعات الوحده مالها خلق بس اول يدتي كانت تقول حق اللي تبي تولد حفروا البير (تقصد الجماع)
وبعدين دكتوري قالي من تدشين الثامن شربي كل يوم دارسين وامشي وااايد

والله يسهل عليج انا جربت الطبيعي والقيصرية
وهالمرة قاعده بس ادعي ان الله يهونها علي وتكون طبيعية مثل ولادتي الاولية

الله يسهل عليج وتولدين طبيعي يارب

 

[أحـلام * ورديـة]

الله يسهل عليج وعلينا ماعندي فكره
داشه اغش منكم لوول

 

[noo7a]

من توقيعج باقيلج ١١ يوم
نطرتي اشهر باقيلج ايام انشالله و ترتاحين
كثري جماع و امشي على تراب البحر و الله يسهل عليج انشالله