بنات ابي ادش دورة مكياج

[caribou]

سارونات انا عجبتني رسمات العيون اللي حاطتهم حصه وودي اخذ دوره عندها

 

[كويتيه احب الكشخه]

انا رفيجتي خذت عند الجوثن الصراحه ما استفادت قطت فلوسها عالفاضي
وانا خذيت دوره عند وحده تجيني للبيت والله رووعه ما كنت اعرف ولا شي لا كريم ولا حتى للقلم
والحين الحمدلله صرت انحت ويهي نحت وااخط عيوني نفس المجلات
اذا تبين رقمها قولي لي
بس صج ما انصحج بالجوثن

 

[ماس ولولي]

samra_aaa

شلون دوراتالشعر حلوه ؟شنو تعلمتي؟وبجم

 

[الله يرحمك بابا جابر]

في عضوة بالمنتدى اسمها حصه اهيا ميك تب اترتست و تعطي دورات

 

[الشقراء الدلوعه]

بكم دورة حصه

 

[caribou]

حصه دورتها 100 واسبوع واحد بس

 

[samra_aaa]

samra_aaa

شلون دوراتالشعر حلوه ؟شنو تعلمتي؟وبجم

هلا حبيبتي انا توني بادية

وصراحه وااايد استفدت عندي اجهزة الدنيا بالبيت من تكسير وستريتر والفيرات بكل انوواعها والسشوارات ولا اعرف عدل استخدمها

الحين عرفت شلون اسوي السشوار مثل الصالون والزوي والتكسير والويفي اللي على بالي انهم نفس الشي بس طلع الزوي غير التكسير غير الويفي

واعلمت شلون اغسل الشعر حتى غيرت طريقه توزيع الشامبو بالبيت

اليوم ان شاء الله اتعلم الرول

عقبها طبعا حسب الجدول تمليس وبيرم والاصباغ بكل انواعها وبعدها يكون تسريحات لا تشوفين التسريحات شي عجيييب البنات اللي بادين فيه عبها قص وعلا

جات الشعر

:bbbiu: وبعد وبعد

وعقبها راح يصير امتحان باللي خذيتيه كله لانهم راح يعطونج شهادة دبلوم من التطبيقي

واي سؤال انا حاظرة

وانا قلت اني بحط موضوع عن الدورة وصور اللي اسويه كل يوم

​

 

[^^ROSE^^]

وناسه خوش دوره بس انا ابي اتعلم حق عمري ارتب كشتي مابي اسوي حق الاوادم
عندهم دورة لتسنيع الكشه الذاتيه؟ خخخخخخخ

 

[الشقراء الدلوعه]

بنات ليه يطلبون موديل أنا بتعلم اعدل نفسي

 

[HeSsaa]

قووه يا حلوه

انا اسوي دورات ميك اب و حاليا ناوية افتح التسجيل لدورات شهر 5

راح تكون دورة لمدة اسبوع من الاحد الى الخميس من الساعه 6-8 راح تكون فيها شهادة وادوات وكتيبات و تطبيق

اول اسبوع من شهر 5 انحجز

اللي حابة تسجل هذا رقمي 99334900

ومشكوووره كل وحده ذكرتني وعاجبها شغلي هذا من ذووقكم يا حلوات

 

[منار البربرية]

رد : رد: بنات ابي ادش دورة مكياج

هلا حبيبتي انا توني بادية​

وصراحه وااايد استفدت عندي اجهزة الدنيا بالبيت من تكسير وستريتر والفيرات بكل انوواعها والسشوارات ولا اعرف عدل استخدمها​

الحين عرفت شلون اسوي السشوار مثل الصالون والزوي والتكسير والويفي اللي على بالي انهم نفس الشي بس طلع الزوي غير التكسير غير الويفي ​

واعلمت شلون اغسل الشعر حتى غيرت طريقه توزيع الشامبو بالبيت ​

اليوم ان شاء الله اتعلم الرول​

عقبها طبعا حسب الجدول تمليس وبيرم والاصباغ بكل انواعها وبعدها يكون تسريحات لا تشوفين التسريحات شي عجيييب البنات اللي بادين فيه عبها قص وعلا

جات الشعر​

​

:bbbiu: وبعد وبعد​

وعقبها راح يصير امتحان باللي خذيتيه كله لانهم راح يعطونج شهادة دبلوم من التطبيقي ​

واي سؤال انا حاظرة ​

وانا قلت اني بحط موضوع عن الدورة وصور اللي اسويه كل يوم ​

​

يعطيج العافية الله وناسه

وين الدوره عاد انا اميل للشعر

اكثر من الميك اب

اتوقع اتعلم حق الشعر اسرع من الميك اب

لان الميك اب يبيله طولة بال


ومهما تعلمتي يكون افضل احد يحط لج

يبيله خلق يعني ​

 

[الشقراء الدلوعه]

دورتك ياحصه تحتاج موديل وين مكانها

 

[HeSsaa]

مافهمت شنو تحتاج موديل ؟؟

ومكان الدورة فبيتي بالسرة

 

[وفائي سبب احزاني]

كووووويتة واحب الكشخة بليز عطينى رقمهااا

 

[MADMAZIL]

رد : بنات ابي ادش دورة مكياج

اقعدي كل عصر تمكيجي ......والله تصيرين خبيره في المكياج ....اول مره ماتضبط كل يوم بدل خسارة فلوس ....انا اسوي مكياج لامي وخالاتي وحتى لزوجة خالتي هههههههههههه العايله كلهاا عندي وانا شاء الله في المستقبل القريب خبيرة تجميل قوولو آمين

 

[samra_aaa]

بنات ليه يطلبون موديل أنا بتعلم اعدل نفسي

حبيبتي حق نفسج يعني ذاتي بدون موديل ب180

انا اعرف احط حق نفسي حتى حق العروس بس الرموش اخذهم واروح ورده الجابريه ولا ورده الياسمين ولا كل ديور لانهم نفس الصالون يحطونه بدينارين ونص واذا منهم الرموش بخمسه

اذا لج الدورة مو لازم موديل

بس لاني كنت بدش عبالي بتعلم على اوراق نفس ماك ولا لعبه بس اللي ادرب تقول انا ابي على وحده عشان اشوفج شلون تتعاملين لما ادمع عينها ولا لما تحطين الرموش وتخفين العيوب

 

[مهاوي~]

رد : بنات ابي ادش دورة مكياج

بنااات انا بعد ابيي

بس اذا في مكان رخيص احسن

مشكوووووووورييييييين

 

[samra_aaa]

رد: رد : رد: بنات ابي ادش دورة مكياج

يعطيج العافية الله وناسه

وين الدوره عاد انا اميل للشعر

اكثر من الميك اب

اتوقع اتعلم حق الشعر اسرع من الميك اب

لان الميك اب يبيله طولة بال


ومهما تعلمتي يكون افضل احد يحط لج

يبيله خلق يعني ​

حياج الله
والله كلهم صعبين لانج بتتعلمين بروفيشينال مو حق نفسج بس

والله عبالي الزوي نفس التكسير نفس الالاشات طلع كل شي غير

حتى الزوي صعب بس مع المدرب مره ومرتين تتعلمين صح

 

[قلبين وسهم]

بنات وين مكانهم الجوثن

انا ابي دوره شعر عنايه وتسريحات وعلى جم ؟

 

[زهره الجلنار]

اب اب