بنات أنا مضايقه علي أختي لانها ولدت قيصريه

[فجوره]

إي صح وتري عندي رفيجتي و٢ من بنات عمتي والدين عند
هالدكتوره طبيعي يعني أهي مو دايما رأيها قيصريه

 

[أأأميرة الورد]

الحمدالله على سلااااامتها

الله كاتب لها القيصريه وخييييره لها ان شالله

 

[كويتيه مذهله 87]

الحين القيصريه سهالات وتقدر تولد طبيعي بس خل تحمل بعد سنتين

 

[انا لحبيبي .]

الحمدلله على سلامتها ومبروك ما اجاكم

والحمدلله انها اجت على هيك

 

[فجوره]

الله يسلمكم بنات وما قصرتوا حبايبي

 

[فجوره]

الحمدالله بنات اهي ألحين وايد أحسن من قبل

 

[Q8_QT]

الحمدالله على سلامتها ومبروك ماياكم
اهم شي سلامتها اهي والبيبي والقيصرية مرات تكون احسن من الطبيعي وكل شي باجره ان شاءالله

 

[hano0oda]

الحمدالله على سلامتها

 

[توتا حمرا]

اول شي الحمد لله على سلامتها وسلامة البيبي
وثاني شي الدكتورة وايد عطت فرصة للطبيعي وهالشي خطير لأن الماي نازل قبل مدة طويلة
ودام راس البيبي فوق مو بالحوض هالشي بدون نقاش اكيد قيصرية وهالشي يتحدد من قبل الولادة

 

[فجوره]

الله يسلمكم بنات وما قصرتوا حبايبي

 

[مكحوله العين]

شوفي اختي انا بقولج ع شغله انا ببنتي الاولي اللي الحين قبالي العوبه بغييت اموت منها المفروض قيصري اقسم بالله طلعت روحي وحرقت قلبي تعرفين شنو حرقت قلبي نااار بقلبي والمفروض قيصري بس السستر قالت لهمً لا خلاص خلصنا حرام ادخلج عمليات وانا بنتي مو نازله الحوض اهم شي يابنات تكون الجاهل نازل الحوض مو بس الراس نازل ديروا بالكم عشان ماتصعب الولاده ولاتاكلون وايد اثناء الحمل عشان مايكون وزن الجاهل كبير تصعب ولادته والقيصري اسهل من الطبيعي بواايد وفتحة صغيره يفتحونها فوق المنطقه ومع المسكنات كل شي سهالات ومشي خفيف وعشر ايام ولا انتي غزال بس ماتكونين سمينه عشان الكرشه ماراح تخلي العمليه تلتأم والخيلط يتهوا وبثثثث

 

[مشتطـه]

موديل لوك
حبيبة قلبي هذي دكتورة فاهمه اكثر مني ومنج!!!


شكو مطفوقة زين منها صبرت!!!

والياهل بدون ماي يخيس ويتسمم

وانتي شلون غامرتي وقعدتي بدون ماي اللي اعرفه 24 ساعه فقط ويخيس ويتسمم بالبطن

هذا كلام وحده كانت معاي بالتجمع نزل عليها الماي وقالها عندج لما باجر نفس هالوقت وبغير جذي بيصير
وضعج انتي وياه بخطر



بالله خاس وتسمم تتحسر وتبجي دم وتحط السبب عالدكتوره

قالت لها الاحسن انها تسوي قيصرية لان عارفه لما ماكو ماي

ممكن يصير البيبي في خطر


عطتها مهله وايد

والبنت كل 10 ساعات تفتح رقم والرحم مافيه ماي


تبين البنت تفقد الياهل عشان تولد طبيعي بس

بصراحه نهاد مولدتني وباين عليها صريحه
وفاهمه


يوم نزل دم كانت تقدر تولدني كنت بالثامن

المرا نصحتني وقالت روحي الصباح هني كل شي غالي لو ولدتي

وما ولدتني ولا شي تهبل


ونقص عندي الماي بالتاسع
و نطرت علي وماولدتني



لا تحاتين ياقلبي عادي القيصرية ماتضر


انا ما احب القيصرية بس لانها تخرب البطن



خليها تسوي رييييجييييييييييم وتلعب رياضه
وتربط حزام بالاشهر

عشان يرد جسمها طبيعي


وايد ناس قيصرية وحياتهم طبيعيه ويحملون بسرعه


لا تحاتين من ناحية الصحه

 

[Withered flower]

الحمدلله على سلامتها
وليش تتضايق
شكثر يولدون طبيعي ويحملون بعد 6 شهور من القيصريه

 

[مشتطـه]

ف غالبا الدكاتره يختارون قيصري عشان مايبون يجازفون بنبض البيبي يكون في احتمال ان يوقف لان يتعب مع الطلق اذا طول

بالضبط كلامج 100%


مايبون يجازفون

وبالنسبة للي تقول هذي تحب تولد قيصري

مو شرط يمكن تتحاشى المشاكل من الاول
وتشوف وضع الام شنوووو ؟

ماتقرر وبس

 

[!الجادل الصعب!]

اول شي حمدلله على سلامتها


والقيصيري كاتبه ربي لها

رفيجتي بجرها قيصيري وحملت بعد سنه و ولدت طبيعي ماشالله

بنت عمي اصرررت طبيعي والبيبي كبير لان فيها سكر و انخلعت ايد البنت وللحين تعابل فيها
علاج طبيعي و علاج بالخارج عسى الله يواجرها ويشفي بنيتها


انا مو مع الي يقولون الدكتور تعمد قيصري مستحيييل

 

[فجوره]

عدل كلامكم يا بنات والله الدكتوره مستحيل تتعمد قيصري الا اذا الحاله تسمح

ويعطيكم العافيه عالردود

والحمدالله ألحين أختي وايد زينه بفضل ربي

 

[أشبـاهـ المطـر]

الحمد الله على سلامتها قدر الله ما شاء فعل
الحمد الله ولدت وطفلها عندها وشده وتزول
لو الدكتوره تقولي قيصيري بوقع ع طول
الواحد الزم ماعليه سلامته وين افكر واعاند بذاك الوقت

 

[rw3t e7sas85]

اولا الحمدلله على سلامة اختج وسلامة البيبي والف مبرووووك

ثانيا:
ذكرتيني بولادتي انا اليوم لي 11 يوم ولاده قيصريه وجبت احلى ولد
الحمدلله سليم متعافي صج تعذبت صج شفت عوار وآلام عمري ماحسيت
فيها بحياتي جذي بس احمد ربي الف حمد وشكر عالنعمه اللي عندي
انا مافيني شي وولدي سليم متعافي اثنينا طلعنا من خطر ياربي لك
الفضل والمنه
انا بداية ولادتي انبط الماي كله لدرجة اني وانا بغرفة الولاده وحاطين لي
الطلق الصناعي ينزل الماي يكثره لين مابقى شي وحاطين لي نبض
البيبي والدكتور كل مره يدش يفحص ليما وصلت لي 6 سانتي وقعدوني
من اثر الكمام قالي الدكتور وضع البيبي صعب صعب انه يطلع بولاده طبيعيه
لازم قيصريه والسبب انه نازل بوجهه مو براسه طيب تكفا دكتور حاول وانا كلي
صدمه لاني بولادتي الاولى طبيعي جبت بنتي اول ولاده وعنده بعد نفس الدكتور
بس قالي مااقدر احاول واخاطر فيكم نبض البيبي قاعد يقل وانتي ممكن الرحم لاسمح
الله ينفجر عندج لو طلع بهالوضعيه وجذي والا جذي صعبه فالافضل لج قيصريه توكلي
على الله وحريم شكثر يطلبون قيصريه من كيفهم قعدت ابجي موعشان شي بس خوف
رهبه شي اول مره بحس فيه وبجربه والحمدلله دخلوني عمليات وولدت وجبت ولدي
سليم متعافي طبعا آلام وعوار موطبيعي ومسكنات يالله لك الحمد تخفيف لي ومع الحركه
وعدم الاستسلام وقول الحمدلله الحمدلله بكل وقت ريحني وخلاني افكر اني بنعمه مهما
كانت الظروف اختج لازم تقوي من عزيمتها وتقول الجاي احسن واحسن وبرجع بعد 6 شهور
انسانه طبيعيه الحمدلله واخذ مناعه سنه او سنتين عن الحمل وفيه امكانية كبيره انها تولد
طبيعي اذا خلت ثقتها بالله ومافكرت بشكل سلبي

سوري اذا طولت بالرد بس انا حاسه فيها لاني مجربه وتجربة بعد ولاده طبيعيه بكريه سبحان الله
وعارفه الفرق بس مهما كان نقول الحمدلله حمدا كثيرا طيبا مباركا فيه خل تتحرك لاتقعد واجد
وتريح ظهرها ماتكون قاعده بشكل مستقيم واذا شال الخياط بتحس براحه اكبر وتستمر عالمسكنات
حبوب بروفين تخفف عليها وماتكون بحالة الامساك لازم تاخذ ملينات تمشي بطنها وحبوب للغازات
تريحها كل هالامور وانا اقولج كوضع حالي الحمدلله الحمدلله احسن وفرق عن اول الايام وبطني خف
من الهوا اللي من العمليه خل تهتم بنفسها وماتشيل ثقيل لي مدة 6 شهور وان شاءالله تطلع من الاربعين
عروس لزوجها ويخلي لها ماعطاها يارب
ويرزق كل محرومه اللهم امين

 

[فرزاشيهـ]

الحمدلله عل سلامتها

و الحمدلله الطب تطوور و العمليات صاارت اسهل من قبل


و عادي تقدر تولد طبيعي عقبها

 

[باتي المزيونه]

الحم الله على سلامتها

انا بنت خالتي بنتها الثانيه كاانت اتالم وهم نزل عليها الماي مبجر وعطوها طلق اصطناعي وماكو فااايده فقالوا لها خلاص عملية

وادخلوها غرفة العملياات وكلشي وقعت وتقول بنت خالتي لما جت السستر تحضرها للعمليه تقول اطلعت اتصاااارخ راس بيبي يطلع

هههههههه واهي بغرفة العملياات ولدت طبيعي سبحااانه


يعني هذا شي مكتوووب وان شاء الله خيره يارب