السلام عليكم ورحمة الله وبركاته
بنات أختي أمس ولدت قيصرية عند الدكتوره نهاد حسني
بمستشفي السلام واهي داشه من 4 الفجر وكانت مفتوحه 3 سانتي
وجدار الرحم عندها سميك يوم حطوا لها طلق صناعي البيبي نبضه
صار سريع ووقفوا الطلق بعد ما استقرت حالة البيبي صاروا يحطون
لها عالخفيف يون صارت الساعه 5 المغرب افتتحت سانتي بس يعني 12
ساعه ناطره وأخرتها سانتي قالت الدكتوره احتمال قيصرية اذا تبون
وقعوا رفضنا وقالت خلاص أنطر عليها لي الساعه 9 ويوم فحصت
من 5 لي 6 سانتي واهي أختي الماي نازل عليها من الفجر انطرت الدكتوره
ساعه بعد وزادو الطلق نفس الشي بس يوم فحصت قالت جدار الرحم
صار لين بس الرأس للحين مو بالحوض وانصحتنا بقيصريه
وقالت أختج كل 5 ساعات تفتح سانتي بس وهذا مو زين لا علي
البيبي ولا الرحم وفيها طلق بس خفيف ساعات يزيد وساعات ينقص
وبالاخير اهي تعبت وقالت أبي قيصريه مع إنه كان في أمل للطبيعي
بس مادري أحس من الدكتوره لانه أذكرت القيصريه وايد عند أختي
فزهقت وطلبت واهي فاتحين بطنها من تحت لانه الرأس تحت
ألحين للي صار صح أو لا أدري الكلام ما منه فايده بس لانه
مضايقه عليها وأدري القيصريه آلامها وتعبهاا صعب ولها
مضاعفات وأخطار
وبسال تقدر تولد المره الثانيه طبيعي ولا قيصري
