بنات أنا خفت وفزعت حيل هل يأثر على حملي ؟؟

[حلوّت أيامي]

السلام عليكم ورحمة الله وبركاته ..

بنات أنا حامل بالشهر الخامس ..

أبوي تعب وفزعت وأخترعت ..

بس رجعت وقعدت وقريت قرآن وأدعيه وأية الكرسي على بطني ..

بس حسيت بضربات قلبي قويه وحركه في بطني ..

والحمد لله هديت وريحت ..

والحمد لله مافي دم ولا ألم أو عوار ..

علماً بأني أحس بحركة البيبي عادي ..​

هل ممكن يكون في تأثير على البيبي .. لأني وايد خايفه عليه ..

وهذا أول حمل لي ..

ردوا طمنوني الله يطمن بالكم ..
​

 

[يا حلاتكمـ]

ان شاء الله مافي الا العافيه

 

[BubbLe87]

حبيبتي ماكو الا العافية ان شاء الله
انا حامل توني ما كملت شهرين و الله يسلمج و يسلم الجميع بيتنا احترق اليمعة اللي طافت
من الخرعة و اللوية ركضت و صعدت و نزلت على الدري ركضت
غير الخوف و الخرعة و النفسية
نزل علي دم عقبها بجم يوم و عطوني مثبتات و ابر
و الحمدلله ماكو شي بس لازم اريح
لا تحاتين حبوبة اذا الله كاتبلج شي بيصير
موفقة يالغالية

 

[auoma]

وأفيد الا العافيه ان شاءالله لاتحاتين دام مافيج عوار. الحمدلله
الله يتمم لج على خير

 

[dlll3]

لاتخافين ولن يصيبنا الا ماكتب الله لنا وان شاء الله مافيج الا العافيه

 

[شذا الياسمين]

ياحياتي ان شاء الله مافي الا العافية يآآآآرب ..

 

[المسكـ]

انا باول شهر من حمالي خالي توفى فجاه وماكان فيه شي وكنت شايفته قبلها بجم يوم وريلي الله يسامحه خرعني ازيد لاني شفته بس يصرخ ويبجي وانا مادري منو بالضبط اللي توفى طبعا خالي يصير عمه وحيل متعلق فيه وبعد فتره نزل علي دم وليلحين مشيمتي نازله ونزيف بين مده ومده والخرعه موزينه عالحامل باول اشهرر بس اذا بالخامس ان شالله ماكو الا العافيه
وحملي الاول سويت حادث سياره وانا بالتاسع وانكسرت ايدي وانعدمت سيارتي والحمدلله البيبي مافيه شي كااهو عمره 4 سنين والحمدلله على كل حال
بس اذا اخترعتي شربي ماي فيه ذهب يعني خاتم او دبله وان شالله ماكو الا العافيه

 

[الأماكن]

أقري على نفسج و ان شاء الله ماكو الا العافية

انا مرة كنت مندمجة اطالع التلفزيون ولا أشوف شي يمشي بحضني ... طلع "زهيوي"

ما ادري شلون لقيت نفسي برا شقتي و اصيييييح انادي خدامتي عشان تذبحه

قعدت طووووول اليوم ما احس بحركة في بطني كان لي خمسة ... بس الحمدلله قالت لي امي اكلي بصل .. طبعا حمسته مع بيض

و تغصبت بالغصب و كليته ... قبل ايام اول كانوا الحريم ياكلون البصل عشان يرفس البيبي ... لووووول والله و صدقت ...

والحمدلله تحرك البيبي لوووووول الظاهر من ريحة البصل

 

[ام الحلوااات]

مـــــا عـــلــــيــــــج شـــــــــــــر ان شـــــــآء اللـــــــــه لا تـــحـــــاااتـــيــــن وااايـــــــــــد​

 

[حلوّت أيامي]

يا حلاتكمـ

إن شاء الله ومشكورة ..

---------------------

BubbLe87

بعد قلبي خطاكم السو ..

وجزاج الله خير ..

الله يتمم علينا إن شاء الله

-----------------------------

auoma

الحمد لله ما حس بعوار ..

مشكورة والله يطمن قلبج ..

--------------------------

dlll3

الله يعافيج .. مشكوورة ..

----------------------

شذا الياسمين

الله يسمع منج يارب مشكورة حبيبتي ..

--------------------

المسكـ

الله يجزاج خير حبيبتي ..

ويرحم أمواتكم وأموات المسلمين يارب ..

ويتمم علينا إن شاء الله ..

مشكورة ..

-----------------

الأماكن

مشكورة عمري ..

والله قريت على نفسي ..

وكلت بيض بصل ..

بس ما تحرك البيبي اليوم ..

أمس حركة مع غازات ..

بس اليوم ماكو شي ..

إن شاء الله ماكو الا العافيه ..

----------------

ام الحلوااات

مشكووورة عمري

 

[أم توته]

لا تحاتين ان شاء الله مافيج شيء. والله يحفط النونو من كل شر ان شاء الله

 

[yasmeen_q8]

حبيبتي انا قبل لا ادري اني حامل طحت عالدري من فوق لي تحت وعقب تهاوشت مع ريلي هوشه كبيره ودزني حييل للحين اذكر قوة الطيحة من الدزة والحمدلله مع المثبتات ماكو الا العافيه اصلا يوم دريت اني حامل قلت ماكو امل من هالحمل بس سبحانه اذا قال كن فيكن

اذا اهو كاتب ان البيبي يعيش صدقيني لو شنو يحفظه لج
ولو كاتبلج انه ما يعيش بيطيح حتن وانتي قاعده ومريحه عالاخر

والله يثبته لج ويتمم عليج

 

[Princess^Mom]

ما فيج الا العافيه انشاءالله والله يبلغ فيه ويقومج بالسلامه