السلام عليكم .. اشلونكم بنات ؟؟
بقولكم سالفة اليوم صارتلي وما اعتقد انها سالفه اهي مصيبه بحد ذاتها ولو مو بنت الحلال جان اليوم واقف قلبي ..
المهم انا عندي بنتين الاولى خمس سنين ((ثانيه روضه))والثانيه اربع سنين ((اولى روضه))
تونا مأجرين في عبدالله مبارك ماصار لنا 4 شهور ..كنا ساكنين فبيت عمي بالعارضيه وبما ان روضتهم يم بيت عمي بالضبط ما نقلتهم يمنا خليتهم هناك لان روضتهم وايد زينه ..
المهم قعدت اليوم الصبح بوديهم دق علي ريلي يقولي ترى مسكرين على سيارتج كملي نومتج فشله نطق الباب على الجيران علشان اليهال .. قلت اوك ..
رديت نمت وعلى الساعه 8 يت لي بنتي الكبيره تقولي لازم اروح الروضه لان ابلتي راح تزعل مني اذا مارحت ..قلت لها لا ماتزعل روحي نامي اشوي على ما اقعد..
اشوي ردتلي تقول يما بروح عند بيت ديده قلت لها طلعي وسكري الباب اخوج نايم ((ولدي عمره سنه ونص))..
غطيت اشوي ولا اسمع صوت مره تصرخ .. يا اهل البيت يااهل البيت قمت قلت لها لحظه اشوي وبغيت اذبح بنتي لانها بطلت الباب وانا اصلا قافلته وحاطه المفتاح فوق كبت البوفيه .. لبست روب البجامه وطلعت لها حتى من غير ما اغسل ..
السلام عليكم .. قلت وعليكم السلام ..
قالت: هذيل بناتج؟؟ قلت اي خير ان شاء الله ؟
قالت :لاقيتهم مع الخدامه عند دوار ممشى عبدالله مبارك ..
قلت :؟؟!!!! نعم؟؟ اي دوار ؟؟ منو ؟؟ بناتي ؟؟ اشلون ؟؟
تقول شفتهم يمشون وبأيدهم جياس وملابس الروضه بعلاليقهم .. وخايفين .. وقفت قلت لهم وين رايحين ؟؟ قالول العارضيه ..
قالت لهم وين امكم ؟؟قالوا امي تعبانه ونايمه .. وين ابوكم ..قالوا بالدوام .. قالت لهم حق منو رايحين له بالعارضيه ؟؟
قالوا بنروح حق ديده بالعارضيه .. قالت لهم تعالوا اول نشوف امكم اخاف صار فيها شي ((تقولي والله مايندرى عن الدنيا قلت يمكن لا سمح الله صار فيج شي..وهذيل اهم يبتهم وحطي بالج يا اختي ..
انا من الصدمه مادري شسوي بس قلت لها مشكوره وماقصرتي ..قالت العفو لا ماسويت شي انا عندي بنات علشان جذي خفت عليهم ..وراحت ..
راحت حتى من غير لا اقولها تفضلي ولا جم رقمج علشان بس استوعب اتشكرها على الي سوته مع بناتي..
بنات .. مستغربه من الي صار اليوم والله احس لي الحين مو مستوعبه جني حلمانه ,, انا بناتي يخافون يطلعون بروحهم حتى بيت عمي 24 ساعه البيبان مبطله ولا يوطوطون حتى الحديقه خوااااافين من كثر مانقولهم عن القصص والحراميه الي يبوقون اليهال.. ماني عارفه اشلون تجرؤا جذي وانا اصلا كنت قافله الباب وشايله المفتاح ..واساسا انا اذا كنت نايمه وبروحي مع اليهال في الشقه لازم كل اشوي اطل عليهم اشوفهم شيسوون اخاف يلعبون بالكهربا او المطبخ بس اليوم مادري اشفيني شبكت النومه جذي حتى ماحسيت فيهم ..
المهم ..
بس سكرت الباب على طول لفيت وطقيتهم طق من غير لا احس قمت اصرخ عليهم من قمت راسي ورحت حق الخدامه الدثويه وهم طقيتها جم طقه على جتفها وطراااق صحاها عدل ومن الحره على طول دقيت على ريلي وقلت له ومن كثر ما عصب رجع البيت على طووول من غير مايستاذن من ضابطه..
رجع وكمل عليهم طق من الحره ودقيت على خالتي قلت لها ..قمت بس ابجي مو مستوعبه صج صج حرووني لو احد خاطفهم ومسوي فيهم شي وذابحهم شسوي ؟؟ ؟؟ مسكينه خالتي ولا مره طقتهم قالت ييبيهم بكلمهم وبشوفهم وقفوا قلبي ..بس من خوفها عليهم طقتهم وقامت تبجي..
وبس قلت اقولكم سالفتي اليوم يمكن اشوي ارتاح من الي صارو احس صار علي ضغط كبير ..مادري مادري شسوي..
وودي اي احد يعرف هالمره يمكن تكون مسولفه عن هالسالفه يتشكرها والله العظيم هالمره بنت حلال لو غيرها جان ما همه شي مشكوره مشكوره والله ماني عارفه اشلون اجازيها ووين اصلا الاقيها ..
والحمدالله رب العالمين ..
بقولكم سالفة اليوم صارتلي وما اعتقد انها سالفه اهي مصيبه بحد ذاتها ولو مو بنت الحلال جان اليوم واقف قلبي ..
المهم انا عندي بنتين الاولى خمس سنين ((ثانيه روضه))والثانيه اربع سنين ((اولى روضه))
تونا مأجرين في عبدالله مبارك ماصار لنا 4 شهور ..كنا ساكنين فبيت عمي بالعارضيه وبما ان روضتهم يم بيت عمي بالضبط ما نقلتهم يمنا خليتهم هناك لان روضتهم وايد زينه ..
المهم قعدت اليوم الصبح بوديهم دق علي ريلي يقولي ترى مسكرين على سيارتج كملي نومتج فشله نطق الباب على الجيران علشان اليهال .. قلت اوك ..
رديت نمت وعلى الساعه 8 يت لي بنتي الكبيره تقولي لازم اروح الروضه لان ابلتي راح تزعل مني اذا مارحت ..قلت لها لا ماتزعل روحي نامي اشوي على ما اقعد..
اشوي ردتلي تقول يما بروح عند بيت ديده قلت لها طلعي وسكري الباب اخوج نايم ((ولدي عمره سنه ونص))..
غطيت اشوي ولا اسمع صوت مره تصرخ .. يا اهل البيت يااهل البيت قمت قلت لها لحظه اشوي وبغيت اذبح بنتي لانها بطلت الباب وانا اصلا قافلته وحاطه المفتاح فوق كبت البوفيه .. لبست روب البجامه وطلعت لها حتى من غير ما اغسل ..
السلام عليكم .. قلت وعليكم السلام ..
قالت: هذيل بناتج؟؟ قلت اي خير ان شاء الله ؟
قالت :لاقيتهم مع الخدامه عند دوار ممشى عبدالله مبارك ..
قلت :؟؟!!!! نعم؟؟ اي دوار ؟؟ منو ؟؟ بناتي ؟؟ اشلون ؟؟
تقول شفتهم يمشون وبأيدهم جياس وملابس الروضه بعلاليقهم .. وخايفين .. وقفت قلت لهم وين رايحين ؟؟ قالول العارضيه ..
قالت لهم وين امكم ؟؟قالوا امي تعبانه ونايمه .. وين ابوكم ..قالوا بالدوام .. قالت لهم حق منو رايحين له بالعارضيه ؟؟
قالوا بنروح حق ديده بالعارضيه .. قالت لهم تعالوا اول نشوف امكم اخاف صار فيها شي ((تقولي والله مايندرى عن الدنيا قلت يمكن لا سمح الله صار فيج شي..وهذيل اهم يبتهم وحطي بالج يا اختي ..
انا من الصدمه مادري شسوي بس قلت لها مشكوره وماقصرتي ..قالت العفو لا ماسويت شي انا عندي بنات علشان جذي خفت عليهم ..وراحت ..
راحت حتى من غير لا اقولها تفضلي ولا جم رقمج علشان بس استوعب اتشكرها على الي سوته مع بناتي..
بنات .. مستغربه من الي صار اليوم والله احس لي الحين مو مستوعبه جني حلمانه ,, انا بناتي يخافون يطلعون بروحهم حتى بيت عمي 24 ساعه البيبان مبطله ولا يوطوطون حتى الحديقه خوااااافين من كثر مانقولهم عن القصص والحراميه الي يبوقون اليهال.. ماني عارفه اشلون تجرؤا جذي وانا اصلا كنت قافله الباب وشايله المفتاح ..واساسا انا اذا كنت نايمه وبروحي مع اليهال في الشقه لازم كل اشوي اطل عليهم اشوفهم شيسوون اخاف يلعبون بالكهربا او المطبخ بس اليوم مادري اشفيني شبكت النومه جذي حتى ماحسيت فيهم ..
المهم ..
بس سكرت الباب على طول لفيت وطقيتهم طق من غير لا احس قمت اصرخ عليهم من قمت راسي ورحت حق الخدامه الدثويه وهم طقيتها جم طقه على جتفها وطراااق صحاها عدل ومن الحره على طول دقيت على ريلي وقلت له ومن كثر ما عصب رجع البيت على طووول من غير مايستاذن من ضابطه..
رجع وكمل عليهم طق من الحره ودقيت على خالتي قلت لها ..قمت بس ابجي مو مستوعبه صج صج حرووني لو احد خاطفهم ومسوي فيهم شي وذابحهم شسوي ؟؟ ؟؟ مسكينه خالتي ولا مره طقتهم قالت ييبيهم بكلمهم وبشوفهم وقفوا قلبي ..بس من خوفها عليهم طقتهم وقامت تبجي..
وبس قلت اقولكم سالفتي اليوم يمكن اشوي ارتاح من الي صارو احس صار علي ضغط كبير ..مادري مادري شسوي..
وودي اي احد يعرف هالمره يمكن تكون مسولفه عن هالسالفه يتشكرها والله العظيم هالمره بنت حلال لو غيرها جان ما همه شي مشكوره مشكوره والله ماني عارفه اشلون اجازيها ووين اصلا الاقيها ..
والحمدالله رب العالمين ..
التعديل الأخير:
