بناتي سوو لي مصيبه اليوم الصبح..:(

[وجدان الكويت]

واااي الله يعين قلبج انا اقرا سالفتج ومت من الخوف عليهم

اهما يهال الشرهة مو عليهم الشرهة على خدامتج الدثوية انا ماااحب طق الخدم بس يمكن لو انا بمكانج جان كافختها

تلاقينها بتنحاش والا بتسوي فيهم شي

حبيبتي الف الحمدلله على سلامة بناتج وصلي صلاة شكر ان الله سلمهم لج

خو دوارات عبدالله المبارك كلها مطافيق ويقحصون

 

[شـو shoo]

رد : بناتي سوو لي مصيبه اليوم الصبح..

حمدالله على سلاامتكم
وخطااكم السوء

 

[^غلاي أنت^]

ههههههههههـ ياحلووووهم ضحكوني والله شايلين الملابس وطالعين

المسافه وااااااايد بعيده واهم طالعين صوب السادس عاد السادس حدث ولا حرج السيارات تقول سباق!

زين الله ستر عليهم

وزين سويتي فيهم عشان يحرمون

لو خاطفهم احد عاد صوب الممشى فيه مثل المزرعه تخوف

والجلابه السايبه بغرب الجليب حدث ولاحرج!

اهم شي طلعي صدقة وتحمدي الله واظن الطق كافي

وترا مافيها شي لو قلتي حق الجيران يطلعون السيارة

ذوقيا مفروض يستحون على ويوهم ومايصكرون على احد

اي والله الله ستر ..عاد انا كل مااشوف تكرمون الجلابه اوريهم واخرعهم منهم بس مادري شاللي جرأهم؟؟؟ مادري مادري؟؟

 

[^غلاي أنت^]

رد: رد : بناتي سوو لي مصيبه اليوم الصبح..

والله اني قاعده اقرى موضوعج وبجيت وتخيلت عيالي بسمالله عليهم والمشكله اني قاطتهم اليوم في بيت امي علشان باجر الصبح امسافره وخليتيني احاتي

يا بعد عمري انتي .. ان شاء الله ما عليهم شر وصدقيني امج راح تحط بالها عليهم اكثر منج انتي لانهم امانه عندها ..تروحين وتردين بالسلامه...

 

[ســتارز]

حمدلله على سلامتهم وخدامتج مو تكانة لا تتكلين عليها

 

[dalo3a-q8]

رد : بناتي سوو لي مصيبه اليوم الصبح..

الحمدالله علي سلامتج وسلامتهم والله ستر يا معوده حطي بالج

 

[ام _خلودي]

امبيييه الحمدالله الله حفظلج بناتج

انا اعيالى بعمر بناتج يخافون ينزلون بالاصنصير

عند يدهم ويدتهم شلوون هذيل طااقين طالعين بالشارع

انا اقولج تحرصي من خدامتج

 

[د.شريفة]

رد : بناتي سوو لي مصيبه اليوم الصبح..

حرام عليكم ذبحتوووهم طق
انا اقفل الباب واشيل المفتاح حاطتلي علاقة فوق الباب سبحان الله يهال
لهم غفله
الحمدلله على سلامتكم وخطاكم السووووو

 

[حنوووونهـ]

الله ستر عليهم الله يحفظهم لج وايد متولعين بالروضه

 

[^غلاي أنت^]

رد: رد : بناتي سوو لي مصيبه اليوم الصبح..

حبيبتي انتي الحمد الله رجعولج بالسلامه انا ادري انه الصدمه قويه ومن قوتها طقيتوهم حرام الحين يخافون من الروضه قعدي معاهم فهميهم انه مايصير ماما نطلع بره البيت من غير بابا او انا او احد تعرفونه جدتكم او جدكم وجذي ولازم تسالوني مره ثانيه انا ابلتكم اتصلت قالت اليوم في اجازه ولعب حقنا وباجر نروح الروضه ,, الظاهر شفقانين شوفي الابله شنو واعدتهم فيه واقولج طريقه شفتي باب الشقه حطي فيه الحديده الي نفس شقق المصريين الي تقفلين الباب بعدين تحطين هالحديده علشان حتى لو فتحوا الباب من تحت هذي الحديده فوق ماتبطل لهم الباب وعلميهم هالشئ واااي لو انا منج جان طحت من الخرعه مليون فكره تودي واتجيب وعادي لاتلومين نفسج تصير واجد انه تكونين تعبانه وماتحسين على نفسج والخدامه لااطقينها وايد حرام بعدين اخاف تسوي فيهم شئ لاسمح الله اطلع حرتها بس فهميها انه مايصير توديهم عاد العارضيه كلها شباب وتشفيط وحطوا طبات وبعد ماسلموا منهم

الله يسلمج يا قلبي ..والله من حرة قلبي عليهم طقيتهم .. والخدامه آآآآآآآآآآآآآآآآآخ احس مابردت جبدي وما بقى احد ما زفها لما طقيتها قلت لها انتي ماتقعدين تروحين المكتب تروحين قامت تبجي تقول اهم قالوا لي وانا مادري ..
وانا اختج ادري فيها لانها توها يديده صارلها بس شهرين بس ماتوقعتها ثوله لي هالدرجه..
وبنتي الكبيره وديتها حق ابلتها قامت بس تبجي عندها وتقولها تخاف تزعل منها اذا غابت ..
الحمدالله رب العالمين

 

[قلبي معاك]

خطاكم السووو حبيبتي وااااي صج كااابوس
الياهل مايكبر الا شيب رمش العين
حمدالله علي سلامتكم

 

[Mona Lisa]

الحمدلله على سلامتهم وديرى بالج عليهم لا يسونها مره ثانيه وفهمى خدامتج بالعدال عشان لا تكرهجج وتسوى شى الله لا يقوله باليهال

ما اخرعج بس تحرصى

 

[♥ąϻᴑŁ♥]

وآآآي الله سخرلج المرة .~

ديري بــآآلج حبيبتي .~ والله يحفظ لج بنــآآتح

 

[lyale]

لاااااااااااااااااا حراااااام علييج طقيتي البنات هذووووووول يهال ما يفهمون حتي لو الخدامه فعلها ما راح يتكلمون صار فلم الرعب لهم ليش جذي لو مكلمتهم بس وايد احسن
يمكن هذي السالفه تدبير الخدامه تحرصي منها

 

[ديمورها]

رد : بناتي سوو لي مصيبه اليوم الصبح..

الحمد لله ع السلامه ربي حفظهم 0000 ودايم استودعي اطفالك

وخدامتك والله مادري شقول بس ع الطق الي جاها اخاف تشيل بقلبها عليكم حاولي تكسبينها بعدين بهدية بفلوس شي
انت تشوفينه مناسب00

 

[نبض السعاده]

رد : بناتي سوو لي مصيبه اليوم الصبح..

امبيه

قلبي عورني من الخرعه

الله يستر على بناتج

المفتاح خليه عندج بالغرفه


الخدمه خبله استغفرالله


الله ستر على بناتج

 

[العجميه سبشل]

امبيييييييييييييييه وقف قلبي عليهم


حياتي انتي ديري بالج على بناتج هالزمن يخوف
وصلي لج ركعتين شكر

 

[حصووونه]

تصدقي بنية الله يحفظهم لج يارب
وربي اقرا الموقف لاختي متنا ضحك وبنفس الوقت خفنا حيل صج جهال ياربي تهديهم وتصلحهم شياطين والله يجزا هالمره خير وين ماتلقي وجها ربي ارسلها لبناتج الف حمدالله على سلامتهم ادفعي بلاء

 

[تنآهيد ..~]

ألف آلحمد لله ع سسسلآمة بنآتج
أمبييه أنآ بس قريت آلموقف ومت خرعه , آلحمد لله إن آلله سخر لج هآلمره وجآبت لج بنآتج
ومآ ألومج وآلله يوم طقيتيهم من حرة قليبج عليهم , وخدآمتج هذي خبله مآل تسسفير مآ يعتمد عليهآ كلش :/

 

[Confused Girl]

الحمدلله الحمدلله السالفه عدت على خير

وبناااتج ردوولج سااااااالمين