بنسخه
وترى اغلب البنات ما بيكتبون علشان الاغراض لا تطيررررررررررررررررر وتخلصينها قبلهم
انا بعدني ما ابتديت اشتررررررررررررري اي شي بس بقولج شنو حاطه ببالي ومن وين
طبعا اللي ببالي حاليا بسسسس
وقبل لا ابتدي يعني سوري بنات ميخالف اشتري جناط ماركات وجذي بس شدعوه ب 1000 ليش حرام والله
انا شخصيا بشتري جناط من بازار ومن دبنهامز عندهم جناط على 20 و 25 و 30 يهبلوووووووووووووون والله
خاصه انه انتي بتغيرين وايد وبسرعه تملين المهم الجنطه نوعيتها حلوه وسنعه وجلدها ومن داخل وشكلها مميز
هذا رايي ومالي شغل بالباقين المهم
طبعا بازار جناط وجواتي لا يعلى عليهم شغل مرررررررررررتب وذوق وستايل بالنسبة لي والغالبيه
جواتي روحي افتري حوش السالميه وفي بنت امدحت لي اللي فوق ماكس اللي بالري ما اذكر بس قالت الجواتي
وايد راقيين وذربين وعلى 7 و 10 وبنفس مستوى اللي على 35 وجذي
اخذي 3 كشخه
و 3 نص كعب سطاحي من هالطقه
عطور لا تكودين انا افكر اشتري 4 سيــــــت كامل
واحد من فكتوريا سكرت مجموعه نوار مدحوها البنات وبشوفها بس ما شفتها
واحد من باث اند بودي عجبني جابانيز بصراحه ريحته نظافه على فرش غريبه اعتقد ب 19 او 18 السيت كله
واحد حق اي عطر مميز جيفنشي او ديور اي واحد من هالماركات
عطور حاطه ببالي عطرين قويين حيــــل من طقه توم فورد بسسسسسسسسس مو توم فورد كرهته من كثر ما شميته لكن بمستوى قوته
وثلاث وسط اخف منه مثل بيوتي كلفن كلاين ميكالف وهذول على 45 ميكالف دينار و 35بيوتي
بخور مدحوا لي بالقرشي والرصاصي على 20 و 25
ولوشنات مفرررق اخذي من بودي شوب مع شور الجل بس لا تكثرين علشان تغيرين بعدين
خلــــــــــــــــــــــــــــــــــــــــصنا عطور وجناط وجواتي
نروح وين الحين
مكياج كل وحده حسب اللي ببالها
بس مخططي هو كالآتي
كريمين واحد عادي يومي (اللي تحبينه)--------- ارشح كلارنس 12 او مينارد 11 او ماكس فاكتور 6 اعتقد براحتج
واحد قوووووي (للحفلات) -------------- ارشح استي لودر 13 على ما اعتقد
قاعده اعطي السعر التقريبي لاني ما اذكر حيل اسعارهم
ريش المكياج خليها ماركات ملوت ماك على 7 ونص و8 ونص
تاتو الحواجب مال ماك البني ب 6 ونص العلبه
وب 7 ونص الريشه مالته
اللي تبي حق البيت تاخذ مال الزلزله
هو مع ريشته ب 3 دنانير يمكن واللي شرته تمدح لي فيه بس ما جربته
بودرة البلاشر تهبببببببببببل اموت عليها ب 8 دنانير وكسور المشمشيه على ذهبي مالت نوبا اعتقد رقمها 8 تينننننننن
كحل ازرق ما يروح تركواز ماركه برجواز ب 3 وكسور بس شي خيالي
كحل اسود ما ادري بس شكلي باخذ مال ميك اب فور ايفر بالريشه
ماسكرا انصحج اخذي ثنتين وحده ضعيفه مايله ووحده بروشتها عريضه
وحطيها ورا بعض وحده تطول وحده تكثف جذي احلى
ضعيفه ----- كلارنس حلوه ب 8 وشوي اعتقد
كثيفه ----- نيفيا او برجوا حلوين وما يتعدون 4 او 5 دنانير
اشتري لج علب صغار شادو ماركات الالوان اللي اكثر شي تستخدمينهم
عجينه حواجب يمدحون ميك اب فور ايفر بس ما جربتها
جم حمره ماركه انتي تحبينهم
والباااااااااااااااااااااااااااااااااااااااااااااا اااااااااااااااقي اهجمي على سرداب الشايع وكثري منه
اذا تبين جنطه مكياج اخذي من ماركة مكياجي في جنطه اعتقد سعرها 22 دينار مو غاليه وكملي عليها
اعتقد خلصنا مكياج ---------- بالنسبة لي لاني ما احب وايد معتدله فيه وباقي الاشياء انتي حسب ما تبين مخلينها
