بناات زوجي سوالي مووقف خلاني اتاكد انه يكرهني

[فوفو22]

انا اسمي هالنوع والتقييم للمشاكل بالتفااااهه

اجل بطل ماااي ما تقدرين تتصرفين في هالموضوع

خلي المشاكل والاختلاف مع الزوج لشي يسوى

لموقف قوي

(((مو انا عطشانه ومافي ماااي

وما يقدر يوفره لي الا بعد فتره))))

يا ماما وراكي طريج طويل في الحياة الزوجيه

وعيال ومشاكلهم ودراستهم وصحتهم

كوني اكثر جديه وعقلانية

فوفو

 

[ريمي اميري]

حبوووووووبه
لا تزعلين ولوووووووووووووووووووووو
انتي معاك حق بالحالك جالسه طوووول اليوم وتحسين انك وحيده وهو مو حاااس فيك الوضع هذاااا
مايتحمله مين ماااكان ,,
بس بقووولك شي كل شي باوله صعب ماعليش هذي ضروف زوجك وانتي معاه على الحلوه والمره
هو مقدر هالشي صدقيني بس مايتكلم مثله مثل باااقي الرجال

عن موقف ابد هو يحبك بس تفكيره بشغله وبالضغط الي هو فيه ومتحمله عشانكم الاثنين
يعني فكري فيهاااا لو ماكنتم متزوجين كان راح يتعب حاااله بالشغل ؟ لا طبعا بيروح يسكن عند اهله ويصير
عاله عليهم مايشيل هم غير حااله لكن وانتي معه اكيد بيضغط على نفسه عشان يامن لك حياة مستقره
على الاقل ماتحتاجون احد

حبووووبه نصيحه الي صااااااااااار من الضغط الي هووو فيه :: ويبيلك تصير عووووون باهضروف
يعني خليك معه مو هم جديد عليه ,, موفقه الله يهدي قلبك وسخر لك زوجك ,,​

 

[دلوعه عيود]

حبيبتي لا تكبرين الموضوع نهااائياا


اهو تعبان و هلكان من الدوام و متاخر على رفيجه ماا يبي مشاكل بالدوام

انتي لا تكبرين الموضوع و ترا الرياييل عموما يقدسون شغلهم

واهو ما يكرهج لو يكرهج صج ماجان خلاج على ذمته
حطيها ابالج الريال ماهو مجبوووور يقعد مره على ذمته اهو يبيج
وشاريج لا تفكرين بهالشي نهااائياا


عادي ظرف و يمر على كل وحده
انتي نطريه ليمن يرد من الدوام خليه ياكل له شي و ينام و يرتاح

واذا قعد و شفتي مزاجه تمام عاتبيه و تدلعي بس مو تعصبين و صج تخلينه يكرهج

وترا الريال ما يتزوج الا يبي الرااحه و دوري له الراحه بيته لان اذا لقااهاا بيعشقج


فانتي لا تكبرين الموضوع كسبيه لج و لا تبعدينه

واسفه ثقلت عليج بس لو ما اعزج ما اعاتبج

 

[جولينار]

شنو مافهمت ماعندج ماي
الموهم اشتريلج ثلاجه صغيره وكراتين ماي

لاتسوين مشكله على هالموقف الصغير مااقول انه مو غلطان لا غلطان بس مو لدرجه انج تقولين انه يكرهج

هذا المقطع عجبني


بالنسبه للموضوع انتي مكبرته مرره شدعوه يكرهك عاد


كل السالفة هو عنده شغله من الأولوياات في حياته


وسالفة موية وما موية يحسها عادية يرجع يجيب لك

بس اهم شي االشغل

 

[Miss Cherry]

انا فاهمه شعورج مرات يمر موقف بسيط او سخيف بس انتي تحسينه من داخل اثر عليج حيل


مرات انا اقول لزوجي الشغله الفلانيه ناقصه ولا خلصت من عندنا لو بعتمد عليه يجيبها يمكن بنطر اسبوع او اثنين .. شتسوين اغلب الرياجيل جذي مشاغل عندهم وانا زوجي نوعه ينسى لما اذكره بعدين يقول لا ماطلبتي مني هالشغله وانا حانه على راسه اكثر من مره بس ينسون اللي يبون على كيفهم

لو بتدققين على كل شغله بتتعبين .. والاحسن تجيكين على شغل البيت قبل ما يخلص تقولين له يجيب لج انا جذي اسوي

 

[زوجة عزيز]

حسبنا الله ونعم الوكيل نفس ريلي

 

[برجس]

من واقع تجربة
وااااااااااااااايد تصير
لا مو موضوع كره والا حب
لا تطلبين من الريال شي وقت انشغاله
لانه ما يقدر يستوعب ويسوي اكثر من شغله بوقت واحد
مو بس ما ييب ماي لا حتى تقعدين يوعانه ما درى عنج

 

[غلاي 89]

لا حبيبتي انتي مكبرة الموضوع
بس سامحيني ع السوال .... ليش قافل عليج الباب !!!!!؟؟
لو يصير شي طاريء شتسوين ؟!!!

الله يسخره لج يارب ولا تخلين روحج لي اخر شي دايما قبل لا يخلص الماي قولي له يجيب لج

 

[RoWaIsHeDyA]

هونيها وتهون ياقلبي ماتستاهل السالفه يمكن غلطان واكيد بعد خلاج بس متاخر وانتي بغربه مثل ماقلتي اكيد خايف على مكانته واكيد ماتوقع انه ماعندكم شئ ينشرب كنتي صبري عمرج ودوري مكان تشربين منه ماي او يوصلج الماي واكيد احنا مو ضدج بس انتي قلتي مانجاملج وهذا الصج اهوا يمكن من النوع البارد البليد الي مايهتم بسرعه الا اذا صار شئ جايد وانتي لاتعتمدين عليه بهالمواقف وحاولي تكسبينه طرشيله مسج بشكل قصه او سالفه غير مباشره عن الاهتمام وعن نفس موقفج يمكن يحس مثلا كتبي عن ام خلت ولدها عطشان بالبيت ادري بتقولين شكو بس ماادري يمكن من النوع الي يفهم على النغزات وجذي ويحس فيج

 

[last-moon]

يسلموووووووووووووووووووووووووو​

 

[الاسطورة]

الله يهداج
تخيلي نفسج صايمه
طلعتي الريال شيطان رجيم
علشان ما يابلج ماي؟؟؟؟
حطي عقلج براسج
ولا تكبرين الموضوع

 

[ام زينه المطيري]

البنات ماقصرو ردو عليج مافي الكفايه بس اقول صبر مفتاح الفرج طططططططاف عشان الحياه تستمر لا تفكرين باالطلاق توج اول الطريق تحملي اختي العزيزه اقري عدال الردود بنات

 

[ScarletteO'Hara]

الله يهداج بعد انتي ليش ما قلتي له ماكو ماي قبل ما يطلع؟
مو معقولة بعد يهد دوامة عشان اييب لج ماي
انا و انا مرة اذا متأخرة عن دوامي صعبة اخذ لي مشاوير جانبية اييب فيها الماجلة حق البيت
فمبالج بالريال؟
لا تكبرين الموضوع ترى جدا عادي انتي توقيتج غلط

 

[Om_Ksha]

يسلموووووووووووووووووووووووووو​

:bbbiu:

 

[مادري ليه]

مااتوقعوون شلوون ريحتوني بردوودكم ادري بعض الردود قااسيه بس هذا الي ابيه ابي احد يقيم لي المووقف ويفهمني

يالله اكبرر طااف وعسى الله يسخره لي وهديه لي ياااارب

 

[ريوومة 1982]

حبوبة

المطبخ عندج مافيه فلتر ماي للطبخ
شلون تطبخين من وين تجيبين ماي
ونصيحه حبيبتي
الزواج في اول سنه يحتاج صبر
وتحمل
الزوج اللي مايصلي -يرتكب المعاصي (خمر والعياذ بالله- وغيره)
اللي يمد ايده على زوجته
اللي مايراعي شرع المولى فيها
هذا اللي تستحيل العشرة معاه
ياقلبي اجتمعتوا في بيت
وكل واحد له طبع
يمكن انت من بيت كل شي تلقينه جاهز بدون لا تطلبين
وهو من بيت ماعودوه يتحمل المسئوليه
اصبري حبوبه
شوفي محاسنه وتغاضي عن عيوبه
لا تتعلقين بتوافه الامور يكبرها الشيطان براسج وتخلينها سبب لهدم بيتج
الرجال راجع 10 تعبان
ووراه شفت ثاني وقعد متاخر على اللي يناوب معاه
معاه عذره
احسني الظن
ولا تعطين الرجال سبب لمضايقتج
وترى الرجال يفكر بعقله مايفكر بقلبه
وانتي تنطرين العواطف والمحبة

عسى الله يسخره لج ويجمع بينكم ولا يفرقكم​

معاها كلامها عدل 100%

 

[بقــآيآ جـروح]

الله يهديه لـــــــــــج والسالفه وآآيد بسيطه
كبري عقلج الحيآآه فيهآآ مشآآكل آكبر من جذي

 

[شقرديه كيوت]

غريبه ماعندكم فلتر بالمطبخ او براده !!
بعدين ماعليه عدي نفسج صايمه-حنا كبار انتحمل ورمضان عالبيبان شلون اتحملين الصيام! :eh_s(10):
وزوجج حرام اعذريه انا انكسر خاطري من دوامه وحطي نفسج مكانه-------بس اتوقع انتي الحين عليج الدوره او انها ع وشك انا جذي قبل الدوره بيومين واول يومين بالدوره اصير عصبيه واكبر الامور واسوي مشكله من لا مشكله استغفرالله ادور الشر وقتها-----واذا لا اكيد اللي متعبج الغربه وقمتي تكبرين الامور-الله يعينج ويصبرج----------------------ونصيحه حني عليه عشان يحن عليج--------------

 

[LeeMa q8]

ياعمري وربي حاسه فيك ... عسى الله يحنن قلبه عليج يارب

 

[- ريم -]

هههههه الرياجيل كلهم نفس الطبع دفاااااااشه موبس على ماي

هههههه لوزوجي جان قالي اشربي من حنفية المطبخ نظيفه

طوفي طوفي لاتفكرين واجد

كنت حساسه نفسج

بس الله يعين