بناات حياكم تفضلوا على ديوانية البطاله..

[$الـــحـــلاوه$]

هلا فيج ياقلبي
انا بخير الحمدلله
زين سويتي انج ما وافقتي الدرجه تفرق واحسن ما سمعتي كلام اهلج يعني حتى لو تستقرين وعقب تغيرين يبيلج وووقت على النقل

 

[kuwaitya-frawla]

هههههههههههههههههههههههههههههههه بعد عمري شقرديه هههههههههههههههههههههههههههههههههههههههه


تهبلين والله حبيتج اسم الله عليج خخخ خلاص دوانيه البطاليه ولا تزعلين خخخخخخخخخخخخخخخخخ

 

[صاحبـ السمو ـة]

لا لا لا لا لا لا :lkmnkl:

حالتنا كسيفه والله :eh_s(2):

اكل ومرعى وقله صنعا :tomato2:


ياااااااااااااااااارب نتوظف يااااااااااااااااااااااااارب

 

[شقردية ذهبية]

الحال من بعضوا..

بنات بسألكم ألحين المؤهل الدراسي يفرق إذا نسخه عادية أو نسخة طبق الاصل؟؟ وشنو الفرق؟؟
يعني لازم أروح التطبيقي عشان يختمونها لي إنها نسخة طبق الأصل؟؟
إذا ماني غلطانه نسخه طبق الأصل تكون فيها طابع أو ختم شي جذي صح؟؟؟

بحاول باجر بقدم بالمجلس وبنااااااااااات عفيه ادعولي والله محتاجه دعائكم قولو يا رب مايفنقروني والله خااااايفه مع انه عندي وااسطه بس التخصص الله كرييم بحاول وكل طراق بتعلوووم. والله كرييييم..

بناات ديرتي لا تخلوني عفيه ولكم بالمثل إن شاءالله في ميزان حسناتكم...




وسمشكووووووره حبيبتي كويتيه فراوله وتسلميين يا عمري وحبتج العافيه ..

وهلا والله الحلاوه وصاحبة السموة شلونكم سامحوني قاعده أحاتي باجر شنو بيصير معااي وتوني افكر بالمؤهل شلووون ..

 

[$الـــحـــلاوه$]

المؤهل الدراسي شنو يعني مافهمت؟؟؟

بس اتوقع كل شي لازم بختم

انا شهادتي صدقتها
وصورتها وحطيت عليهم طوابع
الاصليه والصوره

مادري ااذا تقصدين شهاده او لا

وان شاء الله يارب يحطونج بالمكان اللي تبينه وبنفس الدرجه وترتاحين بدوامج

 

[شقردية ذهبية]

هلا والله الحلاوه إيي اقصد الشهاده النسخه مش الأصلية يعني غذا جذي لازم أروح باجر الصبح أول التطبيقي أوكي ماتدرين أي مبنى وأي قسم أروح؟؟

وإن شاءاللهز من بؤك لباب السما يا رب ولكم بالمثل يا رب تتوظفيين بالمكان اللي تبينه وإن شاءالله ماتطولييين..

يا رب يا كريييييييييييييييييييييم يا مجيييب الدعاء..

 

[صاحبـ السمو ـة]

اهلين شقرديه وان شاء الله ياارب توفقين بمراجعتج بااجر وطمنينا عنج يالغلا

اي من ناحيه الشهاده تروحين العديليه تقدمين طلب عند علي المسعود(المبنى الاول الدور الاول) وتعطينهم صورتين شخصيه اذا كنتي بتاخذين نسختين (طبق الاصل)
انا قدمت الخميس وقالوا تطلع الاحد ...
ومووووفقه

 

[kuwaitya-frawla]

بشري صاحبه السمو خذيتي الشهاده؟فهمتي شسالفه التقدير؟ضيعونا مع الديوان؟وقدمتي عل مجلس؟شصار معاج طمنيني لاني مثل حالتج لووووووووووووول بالضبط

 

[صاحبـ السمو ـة]

أه ياااافراوله خليهاا ع الله

بروح باجر استلم شهادتي والله يستررررررر

 

[Om_Ksha]

ياااااااااارب والللللللله نكسسسر الخااااااطر هههههه واللللله قمت اكسر خااااااطر نفسيييييي لووووووووووووووول احس ينييييييييت بسسسسس واايد افكر ماقمت انام ممن النفكيييييييير اوووف موزين احاتي عاد انا الللللله يفرجهاا و نشتغل كلناا ياااااااااارب والله تأزمت حدي وصلت مرحححححله بببببببببس خلالالالالاص زهقت اللي نفس حالتي تواسيني ههههههه :\

 

[صاحبـ السمو ـة]

^
^
^

فلها وربك يحلها <<تقص ع نفسهاا لوووووول

والله حتى انا مليت معني مااصارلي شهرين متخرجه بس يأست والله خلاااااااااااااااااص

يالله مالنا الا الصبررررررررررر

 

[شقردية ذهبية]

صاحبة السموة وييييييييييي شدعوه يوميين وحاله والدور الأول وحوسه ولويه تدريين آنا عندي نسختيين عن شهادتي رحت قتله أبيها تصديق طبق الاصل قال روحي مبنى 7 ورحت قالي السكيورتي اشتري طابعيين بنص دينار مال وزارة المالية وحطي حق كل شهادة من ظهرها طابعين يعني ىنا شهادتي ورقتيين على كل ورقه من الظهر حطيت طابع وآنا عندي نسختيين يعني أربع طوابع وقالي روحي فوق الطابق الأول غرفة 26 يختمونها حتى ما طولت دقيقتيين بس ختم جك جك جك جك وكان الله غفور رحيييم..

بس أنتي غير لأن يمكن توج متخرجه أو شهادتج تستلمينها منهم عشان جذي بعد يومييين.. والله يوفقج ويرزقج بالوظيفه الصالحه..



أم كشا أنتي شنو تخصصج وشكثر صارلج ناطره؟؟
الله كرييم شنسوي بعد مالنا إلا الصبر والله بيفرجها لنا عن قريييب..
حاولي تلهيين نفسج بدورات أحسن شي عشان تفيدج حق الوظيفه كل ماصار ملفج متروس من البيانات دورات وغيرها كل ماصار فرض الوظيفه أحسن وأولى لج من غيرج (آنا ماخذه دورة أنجليزي ودورة icdl وألحيين مفكرة آخذ بعد دورة إنجليزي عشان استفيد أو كمبيوتر بس شي ثاني والله يوفقنا ويرزقنا باللي نبية والوظيفه اللي تستر علينا يا رب يا رب يا كريييييييييييييم..

 

[صاحبـ السمو ـة]

اي شقرديه لاني يمكن من حديثي التخررج !!
وصج شسويتي اليوم بمرااجعتج طمننا عنج يالغلا ؟؟

 

[Om_Ksha]

والله عندي بكالوريوس محاسبه و متخرجه من 10 اشهر اللله كريييم انشالله بشغل نفسي بالدورات شنسوي بعد :\ ابي اخذ دورات بس ماكو احد يشجع و انا مشالله نوم و بلعه :\ بس انشالله اسوي شي مفيييد لاني مليييييت زهقه والله حيييييييييييل مايحسووون فينا هذوول زرعوناا واالله بس ياالللله انشالله تهوووون :eh_s(11):

 

[$الـــحـــلاوه$]

شقرررديه قوليلنا شصار معاج؟؟

 

[Om_Ksha]

:lkmnkl:

 

[الـــدفـــشـــة]

ام كشه حاااااااااااااااااااااااااااااااااااااااااااسه فيج

لانه انتي مثل معاناتي بالضبببببببط

مرات من الزهق اقعد ابجي

 

[شقردية ذهبية]

هلا والله الحلاوه شلونج شخبارج..

ايي كتبت شصار بموضوع المهمومه مال مجلس الأمه بس مايمنعني أقول لخواتي مره ثانية..

الله يسلمج ويخلييج لحبيبينج رحت أمس اول شي التطبيقي رحت ختمت النسخ الأصلية وبعدين رحت التأمينات خذيت ورقة لمن يهمه الأمر والله المكاان روعه التأمينات بس للأسف مايبون تخصصي <-- هو في احد يبي تخصصج!!

المهم وبعدينرحت مجلس الأمه وكل هذا مع أخوي طبعا والمكاان هنااك روعه وهدووء يونس معنا آنا ماحب كثرة الهدوء بسرعه أمل بس هذا غير تحسيين مكانه محترم والله.. المهم رحنا نسأل عن قسم التعيين والأختيار ولا شوي مدعوس ولمن كنا بنروح ولا ثنتيين بنات يقولولي وين تبون قسم التوظيف؟ قلنالها إي ودلتنا ورحنا هناك ماكان في أحد بعدين حصلنا واحد يشتغل بالقسم بس كان بره أول ما سأل وقبل لا ندخل القسم وقبل لا ياخذ الأوراق شنو سألني ؟؟


قال شنو تخصصج ؟؟؟ هنيييي قلبي قام يطق حييييل و طاح بريلي قتله دبلوم جان يقولي دبلوم شنو قتله دبلوم سياحة ومناسباات (حق تنظييم مؤتمرات وغيره عشان لا ينصدم من أول كلمه سياحه)
قالي أوكي هنيي قال اوكي ارتحت وبعدين قالي وين اوراقج وقعد يجيك اتوقع يجيك عالتخصص والمعدل وغيره وقالي بتقدمين على اي مسمى وظيفي بدال ما أنا أسئله هو سألني قتله مادري بس عساس سمعت أنكم تبون حق مؤتمرات وغيره قال يعني حق مفتش خدمات عامه ومادري شنو هذا قتله غي صح.. قال أستريحي وسأل وحده وياه بالقسم مادري شنو سألها وبعدين قالي تفضلي عبي البيانات والبيانات 3 صفحات بيانات عني وفي آخر الأوراق شنو خذيتي من دوراة وجذي ووين و بس وقعت و قالي أي سنة متخرجة قتله 2007 قالي أوكي ..
وعطاني وصل الطلب مال التوظيف وقال إن شاءالله راح نتصل عليكم حق المقابله والأمتحان وبس <-- قالت قصة حياتها..

بس لله الحمد الحمد الله الحمد الله الحمد الله آنه ما قال مانبي تخصصج ولا طلع أي عذر لك الحمد والشكر يا رب حمد لله عدة على خير وإن شاءالله هذا آنا ناطره يدقون حق المقابله مادري متى الله كرييييم.

 

[$الـــحـــلاوه$]

زين شقرديه الحمدلله رضوا بتخصصج
يااارب يدقون عليج عشان المقابله ويعدي كل شي على خير واتوظفين
وتحسييين انج عااايشه مع الناس <<<لانه هذا احساسي الحيييين احس اني مو مع الناس كلللللش ملل حده
رفيجاتي تخيلي كل وحده تدق علي تقول تعالي عندي بالكليه !!
بس صايره مالي خلق كلللش

<<قالت قصة حياتها مادري شكوو


بس يالله ان شاء الله تبشرينا انهم دقوا وبعدها موافقه ووظيييفه ياارب والله يوفقج

 

[السنافيه]

صباح الخير
شخباركم ؟
يوووه ويني من زمان عن هذا التجمع
كله افتر بالقسم مادريت عنكم ؟
في احد يسولف معااي والا نايمين بس ماتوقع بطاليه ونايمين خخخخ