بناات تعالوو عندي سؤال ثاني عن التلقيح الصناعي ؟؟؟ ضرووري

[لميس^^]

مساء الخير يا احلى بنات وعسى يارب الله يرزق كل محروومة بالعيال والذريه الصالحة يارب ....

انا قبل جم يوم كتبت موضوع اسال عن التلقيح الصناعي الله يسلمكم ارفيجتي امسويه واتقول من ذاك اليوم واهيا كلا اتحس ابعوار بالرحم حييل وتحس بعوار بالمبيض اللي كان التبويض فيه ولما تكرمون اتروح الحمام تبي (..... ) يعورها المبيض حيل واتقول بعض المرات اتحس ابعوار الدورة واتقول انه من اول ما سوت التلقيح يليها عوار الدورة ويروح وصدرها مفتوخ ويعورها هذه الاعراض طبيعية يعني عادي بعد التلقيح يصير جذي والا شنو ؟؟ اهيا سوت التلقيح بتاريخ 25 -3 ..

بلييز بنات اللي اتعرف خل يقولي ؟؟

 

[dr_enshalla]

اتوقع انه عادي طبيعي لانه عملية و اكيد بتحس ابعوار بد اي عملية
وبعدين اهما يعطونها بروجيسترون عشان يثبت الحمل و الصدر يتأثر بالهرمونات
بس اذا اهيا وايد متضايقه احسن تراجع دكتورتها

 

[نيبال الايمان]

ضى الايمان


اول شى ياعمرى عسى الله يرزقج ويفرح قلبج بالذرية الصالحه اللى تقر عينج وتفرح قلبج اللهم امين يارب 000


اتوقع عادى هالعوار وخليها تتوكل على اللى عينه ما تنام وباذن واحد احد الله يتمم لها خير وان شاء الله عن قريب تبشرينا بخبر حمالها اللهم امين يارب

وعسى الله يرزقها ويرزقنى ويرزق كل محروم ومحرومه منهم اللهم امين يارب

 

[لميس^^]

مشكوورين بنات طمنتوني الله يطمنكم اهيا تاخذ حبوب duphaston هذيلا الدكتور قالها حق تثبيت الحمل ؟؟ سامعين عنهم ؟؟

 

[نيبال الايمان]

ضى الايمان


ايييييييييييييه ياعمرى الدوفستان ينعطون لتثبيت الحمل وان شاء الله باذن واحد احد تطلع حامل والله يتمم لها على خير اللهم امين يارب

 

[الفريده]

انا سويت تلقيح صناعى وصار فينى مثل رفيجتج عوار مو طبيعى وصدرى وارم بس بعد 3 ايام يخف العوار بس اهيه رفيجتج مسويع التلقيح من شهر 3 وصار حمل بعد التلقيح ولا شنوووو؟

 

[لميس^^]

ضي الايمان ..... اي زين خل اقولها وانشالله يارب
الفريدة .... اهيا سوته بتاريخ 25 - 4 -ى2009 انا غلطت بالتاريخ خل اعدل زين نبهتيني .. يعني ناطرة باقيلها اقل من اسبوع عشان اتحلل انشالله تحمل يارب

 

[لميس^^]

تاريخ تلقيحها 25 - 4 - 2009 غلطت بالتاريخ

 

[. رايا .]

أنا كان يصير معاي جذي
بس اذا شي لا يحتمل لازم تقول حق دكتورتها

 

[sara_77]

انا صار معاى الشهر اللى طاف لما سويت التلقيح الصناعى يعنى كان الالم شى موطبيعى من تاريخ التلقيح لغاية قبل التحليل قالت لى الدكتوره من ابرة التفجير تاثر لغاية اسبوع من اخذها بس انا استكر معاى اكثر من اسبوع وماصار حمل