بناات ارفعو معنوياتي الله يخليكم :( واسوني لو بكلمه

[أميرة الغرام]

بنات شلونكم


انا بدش بموضوعي على طول بس امانه مابي منكم الا الردود الي تشجع ابي احد يعطيني دافع

انا مستجده بالجامعه كورس ثاني وامس كان اول امتحان لماده وهالماده فيها 3 امتحانات غير الفاينل

اول امتحان كان من 15 وعطانا الدرجات وخذيت 10 من 15 تقريبا انا وبنت اقل درجه بالكلاس

انا كنت شاطره ايام الثانويه مادري ليش جبت هالدرجه حسيت بنقص من درجتي مو راضيه فيها ولما كلمت الاستاذه

قالت ماعليج تقول انا جم سنه عند هالدكتور ياما بنات ماجابو بالامتحانات الاولى وبالنهايه اطلعو منه بa وياما بنات

يجيبون بالامتحان الاول وبالنهايه ياكلونهاا


انا دايما اخاف اني مااكمل بالجامعه ولا يجي شي يمنعني انا متزوجه ودايما اقول اخاف الزواج ياثر علي

لاني توني متزوجه ولما دشيت الجامعه اشوف بنات متزوجات وشاطرات واكتشفت انه الزوج ماله شغل

بس الي ابيه منكم تعطوني دافع يخليني انسى هالدرجه واشد حيلي والله حاس بخاطري هالموضوع وفيني بجيه اهي اهي

جني جاهل وحتى الدكتور قالنا ترى اول امتحان يعتبر تيست تشوفون طريقة اسئلتي ومن هالكلام

بناااااااااااااااات منو صار وياها جذي وبالنهايه تطلع بدرجة زينه بليز لاتخلوني وتحطموني ارفع معنوياتي للاعلى

صج محتاجتكم ماعندي احد اقوله

 

[واحشنى موت]

يووووه ياكثر ماتصير معاااي



عادي حبيبتي دايم اول امتحاان صدمه


تقولين هالماده سهله ومايبيلها وتنصدمين بطريقه الاسئله


بالعكس كل طرااق بتعلوومه وبعدين انتي مازفتي كلهاا 5 درجات تعوضينهاا ان شاء الله


وبعدين زين انج انصدمتي من طريقه الاسئله من الحين مو بالفاينل



وموفقه حبيبتي

 

[0(مـــســـ(مطير)ــــــك)0]

تبين ترفعين معنوياتج ... وداشه اهني هههههههه لا اتغشمر

اوو

وو

ووو

ووو

ووبه


ها ارتفعت

شوفي حبيبتي انا اذا جبت 10 من 15 .. اعزم اهلي على جمعيه

درجتج زينه ليش تحبطين نفسج ..

بعدين شكثر بنات متزوجات وعندهم عيال .. وناجحات ومتفوقات ومرتبة شرف بعد .. ماله علاقه

وبعدين انتي لاتضغطين نفسج حيل .. (اتز ايزي ) ادرسي الامتحانات عدل وسلمي الواجبات والتزمي بالحضور وفالج ال a

بــــــــــث ..

<< نصيحة خريجه

 

[البرنسيسه سعاد]

بالعكس انا اشوف ان درجتج حلوه مو اشويه 10 من 15

مو مهم مستواج حبيبتي اهم شي تنجحين

وعقبال مانشوفج الاولى

 

[سمراءوافتخر]

السلام عليكم

ياالغاليه لانه اول امتحان فعادي اذكر انا اول امتحان زفت وبعدين جبت في الماده b انت بس شدي حيلج وادرسي وراجعي في وقت فراغج في مكتبة الكليه انا قبل ادرس وراجع في المكتبه لانها هدوء واذا ما عندج وقت بعد صلاه الفجر درسي والله يوفقجج وان شاء الله تتخررجين بدرجة امتياز يا رب

 

[أميرة الغرام]

بنات مشكورين عالردود ..

بس انا انقهرت من هالدرجه لانه اعلى وحده جابت 14 ونص والباقين

كلهم 14 وفي 13 وفي 12 وفي 11

بس ثنتين جابو 10 انا وطالبه ثانيه حسيت بنقص مع اني وربي ماغبت ولا يوم

ولاعندي غياب بهالماده بس انقهرت ليشششششش؟؟ يعني انا مو غبيه نسبتي عاليه بالثانويه

بس انا يمكن عندي مشكله هالماده طريقة اسئلتها من كلام الدكتور بالمحاضره والكتابه وانا ماتعودت على جذي

يعني ابي شي من الكتاب واحفظه مو اشياء اكتبه هم ارجع واقول لو اشوف واجد ماخذين 10 اوكي بس انا قهررررررررررر

ياربي مابي هالشي يوقفني

من اليوم اكلم نفسي جني مينونه اقول لا يااميره هذا لازم يعطيج دافع مو جذي توقفين وتحبطين نفسج

يارب وفقني واجيب معدل عالي وادخل التخصص ..

بنات ابي ردود بعد

رففففففففففع

 

[طالبة1990]

انا عندي قاعدة

الجامعة والنجاح فيها حظ ونصيب ماله شغل بذكائج او شطارتج

بس طبعا ماننكر اهمية المذاكرة

بس على فكرة 10 من 15 حلوووه ومو شينه ابد

عادي لاتحاتين ولاتنسين الدعاء

 

[eva beach]

حبيبتي بالعكس خلي هالدرجه تشجييييييع وحااافز لج .. لا تتحبطين

بالعكس لاازم الحين تتحدين عمرج .. وتدرسين وتشدين حيلج عشان ماتشوفين نفس هالدرجه مره 2

اذا تحبطتي وانقهرتي .. شنو بتكون النتيجه ؟؟ ماراح تدرسين وراح تتدنى درجاتج كلها >>> الله لا يقوله ان شالله بس قاعده ابين لج العواقب

خلاااص يبتي هالدرجه انسيها ولا تفكرين فيها خير شر.. الحين فكري شلون اتييبين قريدات احسن وتحددددددددي نفسج والكل

وانتي تقولين في وحده يابت 14 ونص صح ؟

خلاص قوولي انا قدها وقدوود دام اهيا يابت هالدرجه .. انا بييب الفل مارك 15 احلى

وترى عاادي ياما وياما يبنا درجات تفشششل بس شدينا حيلنا وتحدينا عمرنا عشان نطلع بالمواد بـ a والحمدلله نجحنا في التحدي

خل اقولج سالفه يمكن ترفع معنوياتج

انا السنه الي طافت كان عندي ماده فيها امتحانين حلو ؟

الامتحان الاول كان سههههههههههههههههل وسخيييييييف وحليته بس لما شفت الدرجه انصدمت

كنت ماخذه 10 ونص !!!! امبيييييييييي حدي حدي انصدمت لاني كنت دراسه عدددددددل ومتأكده من اجاباتي

بثاني امتحان ما كنت دارسه عددل دراستي خواااره >>> بس لا تقلديني انتي شدي حيلج لوووووووووول

تخيلي وبدددددعت بالامتحان .. معني كنت داشه الامتحان ولااازم لااااااااااازم اخذ قريد زين عشان اطلع من الماده بقرريد سنع

بس عقب الامتحان قلت اكيد راح تكون درجتي اقل من 10

ولما الحين مادري جم قرريدي لووووووووول بس انصدمت باعمال السنه كنت ماخذه فل مارك .. معناته درجتي كانت زينه

ورفيجتي ويا البنات كانوا رايحين للدكتور قبل الفاينل تخيلي !!!

ضرب لهم المثااااااااال فيني .. وقالهم ايفا شاطره!! وامتحانها ال2 احسن من الاول ويمدددددددح فيني حييييييل

معنه الدكتور مايعرفني ولا يعرف اسمي هههههههههههههههههههههه بس لاحظ الفرق بالاجابات بالامتحانين

ادري قررررقت واايد بس ماعليه هالدرجه مو مقيااااااس لج وفي احتماااااااااااال تطلعين من الماده بـa فتفائلي بالخير

وعلى فكره بقولج شي

لاتقارنين نفسج لما كنتي بالثانوي بالحين .. لان الثانوي عالم 2 وماتنقاسين عليه بالجامعه

مرحلتين مختلفتين تمامااااااااااااااااااااااااااااااااااااا

موفقه

 

[أميرة الغرام]

مشكوره طالبه وايفا عالردود ؟؟

ايفا حيل رفعتي معنوياتي وانشالله بنسى هالدرجه

 

[toofy]

سبحااان الله نفس الي صاار فيج صااار فيني اول كوورس بالكليه خذيت اقل درجه بالكلاس وكنت حيل مضاايقه واقوول انا هذا مو مستواااي بالثانوويه ليش خذيت هدرجه ومن هل كلااام .. بعدين لاولله صار عندي منااعه وعرفت طريقه اسئله الدكااتره تختلف عن المدررررررسه حيل وبعدين ما تدرين يمكن تاخذين a اذا انتي غيااابج اووكي وجذي ولا تاثرين بالدرجه حيل ترى والله درجه حلووه بس ناقصج 5 درجات ماراح تاثر اذا ما راح تاخذين a اكيييييييييييد b بس انتي مكبره الموضووع والله هونيها وتهووووووووووووووووووووون عاادي حياتي شنوالمشكله والزواج ماله شغل بالدراسه وشطااره ,,. والله يوفقج يا رب ولا تتاثرين حيل بالدرجات :friends: عاادي هذي البداايه بس بعدين تعرفين طريقه وتعودين :sfg:

 

[قدوتي سنتي]

بالعكس درجتج مو نازلة


ومثل ماقلتي اهوا تيست عشان تشوفون طريقة اسئلته

الحين شفتي طريقة اسإلته واكييييييد راح تشدين حيلج بالميدتيرم والفاينل

وان شاء الله تبشرينا بالدرجات الكاملة

والله يوفقج حبوبة ويهنيج

​

 

[الغدق]

تبين دافع أنتي خذيت 10 من 15
ومجموع الدرجات 100 يعني طارت منج 5درجات
والحين بايدج 95درجة يعني أي ماينس تقدرين اتجيبينها
والدكتور يزيدج للأي
فحاولي قد ماتقدرين ماتطيرين من 95 أكثر من ثلاث درجات
يعني أنتي الحين تلعبين عالاي ماينس
وإذا الامتحانات صارت صعبة أوكي طيري ست درجات
اتكونين تلعبين عالبي بلس
أنا جذي حسبتي بس مادري فهمتي علي أو لاء ؟؟
وانا مستواي الحمدلله زين وخريجة
ودايما قبل لا تطلع النتايج أكون عارف أنا جم ماخذه بالمادة
لأني أحسب درجاتي بالملي وحتى رفيجاتي ينصدمون مني
دايما أقولهم أنا راح اطلع من هالادة بهالقريد ويطلع صح
لأني حاسبه درجاتي كلهم وهذا يعطيج دافع وعزيمة أقوى أنج
اتجيبين الدرجة اللي تبين

 

[أميرة الغرام]

توفي مشكوره ياقلبي والله هذا الكلام الي يعطيني صح دافع ..

قدوتي باجيلي امتحانين غير الميدتيرم والفاينل انشالله اجيب فيها ..

الغدق اصلن مجموع الدرجات من 105 مو 100 والدكتوؤ قالنا

الي جابت عشر تعتبر اهي بالامتياز لانها تصير 100 من 105

 

[looooly08]

حبيبتي ان شاءالله سهالات لاتحاتين وجني عرفت الماده لايكون كيميا 101؟!!!
لاني صارلي نفس الشي واخر شي طلعت بقريد حدي ماتوقعته حمدلله
شدي حيلج وباذن الله انتي قدها وعمر مابيكون شي يعيق طموحج اذا انتي مصره عليه وتوكلي على الله وعسى ربي يوفقج ويهنيج بحياتج:hjy5jewf: