رد : بناات / احلى مصوره عرووس و مضمونه ؟
نور حبيبتي انا مصورتي بعرسي فوتوجيت والمصورات كانوا مريم ومارينا
وصباحتي كانت حنان شيك
فوتوجيت حلو بس والله والله حنان شيك بصباحتي عجبتني اكثر
بقولج شنو الفرق
فوتوجيت لقطاتهم حلوه وتحسين اقرب مالها طبيعيه بس مو متعبين نفسهم بالخلفيات الديجتال والله حسافه عليهم فلوسهم
البوم الصور لما استلمته مووو مرتب ورتبته من جديد ع انه معروف البوم للمعاريس والبوم للاهل
المجله كانت حلوه
لما رحت البروفه اخترت الصور اللي ابيها بس تفاجئت ان المصوره خلتني اختار اقل من عدد الصور اللي طالبتهم فراحوا حطولي صور كنت طالبه انهم يحذفونها (( صور للمعرس وهو مغمض منها!! ))
العجيب اللي عندهم الفيديو بـ250 دينار بس صج صج صج روووووووعه هو احلى شي
عيبهم الاخير يتأخرووووووون بتسليم الصور شهرين وانا انطر
شغلي عندهم كان : مجله كبيره بلمعه + البوم كبير + البوم صغير + لوحه جداريه فيها صورتج =سعرها 970 دينار بعد العرض
اما حنان شيك
الفيديو فااااشل بس الصور لقطاتها حلوه بس فوتوجيت للامانه احلى
الصور الديجتال حلوه بس انتي طلبي منها تحافظ على ملامحج الطبيعيه عشان ماتحولج لشخص ثاني
تكشخ الالبوم بريش وكريستال وستيكرز واذا رحتي قوليلها وريني شلون تكشخون الالبوم
تعطيج هداياااا لوحه جداريه كوب حراري صحن تحف على صوركم ودرع
اخذت منها البوم كبير والبوم صغير ومجله وسط مع الهدايا بـ تقريبا 400 دينار شوفي الفرق
والفيديو عندهم على 80 واذا قلتليهم احنا زباين ودايم ناخذه بـ60 بتعطيج بستين
بس والله نصيحه لا تقطين فلوسج على فوتوجيت والله مافيه زود حتى اللي شافوا الصور يقولون لي البوماتج ملوت حنان احلى
واذا تبين ادزلج عالخاص شكل البوماتهم وتاريخ استلام الصور اللي بعد شهريييييين !!
