بنااات لحقوني شعري قلب احمررر حطيت سدر وطلع حنه وشعري مصبوغ شالحل بسرعه

[3nOoOoON]

السلام عليكم :eh_s(2):

بنات شسووووووي شعري مصبوغ زيتي وحطيت سدر وطلع حنه وتوني غسلته قلب احمرررررررررررر :eh_s(16):والاسبوع الياي عندي عرس شسوي اسحب اللون ولا ارد اصبغه بسررعه الله يخليكم ​

 

[عويتقة]

والله ماعندي فكرة انشاء الله البنات يفيدوك

 

[ع ـبدليه]

مالج الا تصبغينه بني غامج ولا اسود اذا تبين
لان اذا بتصبغينه لون فاتح هم راح يطلع احمر

 

[بدويـة للنخاع]

نفس الاخت صبغي الالوان الغوامج

 

[Diva-Q8]

روحي مجمع النسائم في محل بالزاويه يبيع ماركة اسمها كرامر

قوليلهم ابي (رنس زيتي) ماركة كرامر

حطي مقدار ربع صبعج فقط في صحن بلاستك وخلطي معاه اكسجين 20 النوع الاخضر الصغير شويه على قد اللي حطيتي

وظيفي عليهم شامبو

بللي شعرج وحطي الخلطه جدام منظرة الحمام تكرمين وسوي رغوه وفركي فركي فركي لين اتشوفين اللون الزيتي بدى يبين غسليه بسرعه ولا طولين في عشان مايقلب اخضر

واذا اللون ماصار مثل ماتبين كرري العمليه هذي بعد يومين

ولاتحاتين مايظر الشعر لانه مع الماي ومايقعد وايد بس عيبه ينشف الشعر شويه حطي بعدها حمام كريم نص ساعه وغسليه



انا مجربه هل طريقه وما انصحج بالسحب لو مانفع صبغي شعرج (اشقر متوسط او غامق غير لامع ) من كوليستون وحطي معاه نقطه من (الرنس الزيتي اللي قلت لج عنه ) لاتكثرين منه عشان لا يقلب اخضر كاني قلت لج مو تبلشيني تالي

المهم اذا صبغتي اشقر متوسط وحطيتي عليه الرنس قعدي في 35 دقيقه

واذا صبغتي اشقر غامج غير لامع قعدي في 15 دقيقه بدون ماتخلطينه برنس لانه اهوا في من نفسه وغسلي عشان مايصير وايد غامج

وسلامتج

 

[3nOoOoON]

مشكورررين حياتي ..

بس عندي سؤال اذا بصبغ مره ثانيه يصير ولالا الوان فاتحه لانه سدر موحنه ؟

 

[ميموووورااا]

رفع