بنااات بعد اربع شهوور يا اطلق يا احسن وضعي سااعدووني

[الــــغاليـــه]

رد : بنااات بعد اربع شهوور يا اطلق يا احسن وضعي سااعدووني

حبيبتي سوي تصغير معده,تحوير مسار اي شي والله اشكثر اعرف ناس سووهاا وضعفوا بشهر بعد والله اعرف وحده عرض الكبت صار خصرها اضعف من رقبتي لووول

 

[Tulips]

رد : بنااات بعد اربع شهوور يا اطلق يا احسن وضعي سااعدووني

حبيبتي روحي تلاحقي عمرج وسجلي بنادي و روحي حق اخصائية تغذية تسويلج نظام يمشي على جسمج

واضح انه زوجج يحبج وتحبينه ومسكين يبي يستانس فيج انتي مرته لازم تكونين بيرفكت جدامه عشان مايطالع غيرج وبعدها تلومينه

الريال كائن بصــــــــــــري

وان شالله تنزلين من وزنج وانتي بصحتج وعافيتج

وما انصحج تسوين عمليه صج راح تضعفين بس تره حرام انتي مو زايده وايد 20 كيلو تقدرين تنزلينهم بهالمده والله العمليه صج تنزلج بس شنو جسمج بيترهل ويبيلج عمليه ثانيه عشان تشدين لانه شكله بيكون بشع وبعدين العمليه حق اللي اوزانهم زايده 50 كيلو وفوق حرام لاتلعبين بنفسج

نزلي بالرياضه المكثفه والرجيم احسن لج والله

 

[غرور وايل]

حبووبه ماكو شيء مسستحيل

خلي عندج عززيمه

حبووبه ادخلي قسسم الريجميات وشووفي اللي يعجبج

وامشي يووميا ساااااعه كاامله

وكل ماجيتي تاكلين تذكري كلامه

والله يووفقج ياارب

 

[om deaj]

اكره شي لمن الريال يتكلم عن وزن المره

حبيبتي سوي عمليه شوفي هدى حسين والهام الفضاله شحلااااااتهم عقب العمليه وانا شايفتهم عالطبيعه بعد شكلهم اينننن

صاجة و انا اقول جابلي عمرج حق عمرج اول وكسري عينه وتدلعي عليه عقب شوفي شلون بيركض وراج

 

[noo7a]

حرام بنات بس يبيلها 20 كيلو لا تنصحونها بالعمليات

تقدرين بخلال هالشهر تنزلين 10 كيلوات تقريبا و حلوين راح يبين الفرق واااايد لمن يشوفج

دخلي نادي اتبعي نظام غذائي من النت على التقل ضغطي على نفسج هالشهر هذا بس

شوفي حطي صوره ريلج خلفيه بجهازج عشان كل ما فكرتي تخربطين او يقص عليج الشيطان تشوفين صورته و يكون اهو دافعج

والله يضعفج بصحه و عافيه

 

[D a m a s]

سوي ريجيم ودشي نادي

زوجج أسلوبه غلط بس أتوقع إنه كان يبي يستفزج عشان تعزمين عالريجيم وماتتساهلين في الموضوع

 

[معزوفة عشق&]

رد : بنااات بعد اربع شهوور يا اطلق يا احسن وضعي سااعدووني

يطلقك عشان وزن ؟؟؟

اللهم انا نعوذ بك من قهر الرجال

شوفي حبيبتي اللي قبلي ماقصرو لكن اا بقولك الشي اللي خلاني انحف
انا كنت اكل وجبه فطور ساندوتش وشاهي واتغدى خفيف وماكنت اتعشى بس اشرب مويه
وكنت طول الوقت امشي
يعني اذ1كر وانا امشي اكلم جوال وامشي اقرا مجله وامشي وكلهم حسدووني ع نحفي والله اقولك عن تجربه وان شاء الله تنحفي يارب واهم شي يعجب زوجك ^_^

 

[GOLDEN___ASHES]

حبيبتي ان شاء الله تقدرين

انا وزني كان 99.9

بقولج قاعده مو شرط الي وزنها 60 او 55 اهي ضعيفة او يبين عليها ضعف معلومة خاطئة

المتن اساسا يتحدد على اساس جم زيادة في كمية دهن الي بجسمج

حاليا وزني 84 بس لو تشوفيني ما راح تصدقين ان وزني 84 ليش لان هو يعتمد على طولج وعرضج كلما اقول حق احد اني قاعده اسوي ريجيم يستغربون فالفكرة اساسية ان لو نزلتي 5 كيلوات راح يبين عليج وتصيرين حلوة ونزلتي بعد 5 يعني 10 كيلوات خلال شهرين وبهدوء راح تطلعين روعه لان راح يشوفونج بنيو لوك وريلج كلما يشوفج فاشه راح يتحمس اكثر ويستانس ان مرته سمعت كلامة ترى اهو يستاهل انج تضعفين عشانه وصحتج هم اولى عسى الله يحفظج ويخليج لريلج يارب ويستر عليكم

اذا بلشتي ريجيم اول اسبوعين ما راح يبين اي شي ثالث اسبوع الكل راح يحس انج فاشه شوي وكلما احد يشوفج راح يقولج محلوة

الي عليج تسوينه

5 ايام بالاسبوع مشي لمدة 10 دقايق بعدين تزيدين 15 ساعه وبعدين نص ساعه

ودايما سواء نايمه او قاعده او كلما تذكرتي تاخذين نفس عميق وتشفطين بطنج وما تتنفسين وعدي ل 30 بعدين تنفسي شوي شوي كرري العملية كل ساعه عشان بطنج يخف

ريوقج :

سندويش بيض او كورن فليكس

غداج :

سلطة وشوربة وجريش او فخذ دياتي او صدر مع توست او نص خبزة ممكن تاكلين بيض طماط على غدا او اندومي ثالث يوم ممكن تاكلين عيش بكمية بسيطة وكثري من غواكه اهم شي اترسين ثلاجتج ابفواكه

عشاج نفس ريوقج
قبل ما تنامين كوب حليب مع عسل او تلبينه ترى يشبع

شخصيا لو تطبقين الريجيم لمدة اسبوعين وبعدين تسوين رياضه يكون احسن ترى احساس جميل لمن تدشين محل وتقولين ابيبجامة مثلا مقاس لارج وانتي كنتي دبل او تربل اكس

اذكر رحت محل حق ملابس داخلية الفلبينية لمن شافتني انصدمت العاده كلما اختار شي تطلعلي اكبر مقاس بس لمن شفتها قعدت تدور شغله الي ابيها بمقاسي ارتحت نفسيا والحمدلله

مرات تشتهين تاكلين وجبات معينه حبيبتي اكلي بس مو بروحج يعني اشتريلج وجبة واكلي مع الخدامة او الوالده او اي احد بس مو بروحج

الريجيم مو معناته حرمان بالعكس الهدف منه انج تحسين من عاداتج الصحية


اذا ارادتج مو قوية روحي مركز التغذية انا اراجعهم لان ما عندي عزم


واكرر ريلج كلما يشوفج فاشه اهو راح يرضى عليج ويهون عن فكرة زواج لان راح يستانس لمن يشوفج شاده حيلج وتصيرين انسانه ثانية ولا تختارين ريجيم سريع صدقيني اذا تركتيه راح تردين تمتنين دبل عن تجربه امشي خطوة خطوة عشان ما تردين تمتنين ترى اذا متنتي ورديتي ضعفتي ورديتي متنتي يصير ابجسمج ترهلات راح تعانين منها ففكري ابمستقبلج

 

[GOLDEN___ASHES]

والي يقولون سوي عملية جد ما عندكم سالفة


اذكر رفيجتي كانت والدة والسرير الي يمها كانت مره حالها يكسر الخاطر تخيلوا فجاة قامت تصيح وبغت تبول تكرمون على نفسها لمن هدت وقامت شوي قالت اني مسوية عملية عشان تضعف

والي تسوي عملية بعدين تعاني مشاكل بالهضم وايد صادفت حريم بمركز التغذية اشتكوا من العملية لان مشكلتهم اساسا كانت مع الدايت يبون يضعفون باسرع وقت وردوا متنوا وملوا من هل شغله
ريجيم حلاته تمشين معاه خطوة خطوة وتثبيت وزن هذا اهم شي عن طريق بين فترة ريجيم تكسرين روتين وتاكلين وجبة فيها دسم وبعدين تردين على دايت

 

[‏ڝڋٸ ٵڸڪٿہـآڻ]

رد : بنااات بعد اربع شهوور يا اطلق يا احسن وضعي سااعدووني

أشـــــتركي في نــــادي ... وكثري من الخضروات .... وخذي أكلات سعــــرتها الحرارية منخفضـــة .. وأمشي لمدة نصف ساعة في اليوم ... والله يوفقكـ

 

[دمي قطري]

انا وزني 118 حالياا لو اكوون 99 كيلووو يطلع جسمي حلووو مربربة

ادعووولي بنااتياابناات الله يعلم بنفسيتي

 

[يــ عذآبيئ ــآ]

حمدي ربج 20 كيلو .. يعني بالشهر قطيلج 5 كيلوو ..

اشتركي بنادي + راجعي عند اخصائي تغذيه .. وانشالله تضعفين ..

يعني الريال صارله 3 سنيييين يقولج وانتي حاقرته !!

وانتي تعرفين نظام زوجج انه مايحب المتينه المفروض تنتبهين على وزنج ..

يلا شدي حيلللج وروحي سسجلي من باجر


مووفقه

 

[Cander]

الريال صارحج ماغلط بصراحة

ماسوى شي من وراج بالعكس واجهج وهذا شي طيب منة

اللي عليج انج بس تنزلين وزنج عشان نفسج اول شي وعشان ريلج ثاني شي

السمنة تسوي خشونة وامراض وبلاوي بعدين سوي نظام غذائي لاتحرمين نفسج من الاكل في اكل سعراتة قليلة

ومشوبات مثل الزنجبيل مع قشر القهوة النعناع , والجاي الاخضر شربيهم

الله يهون عليج

 

[كويتيه مذهله 87]

من حقه الريال بس غلط ان يقولج بهالطريقه فيه شي اسمع تشجيع يعطيج فرصه
ويمكن يهددج لا اكثر ولا اقل

 

[نور بوبيان]

الله يهداه ماوصلج المعلومه من غير تجريح ....بس ميخالف كل شي يهون علشانه ...

شوفي :

لاعمليه ولا شي ... سوي مساج التخسيس ورجيم الأكل والمشي وبتشوفين انتي نفسي آنا عقب ماولدت زدت 20 كيلو وأحاول أنزله

أصلا آنا ضاق خلقي لأن هدومي ضاقوا علي ... والحين بعد سنه تغير جسمي واهدومي صاروا قياسي ...

ترى هذا لصحتنا موبس لهم ...

وتوكلي على الله وعزمي وإن شالله على نيتج ...

وبالعزيمه والإراده كل شي يصير سهل

بس موتاخذين رجيم الكيميائي أو أي رجيم يعتمد على شي معين نوعي بالأكل بس خففي ....

لايضيق خلقج وربي يسعدج

 

[~LiBrA~]

رد : بنااات بعد اربع شهوور يا اطلق يا احسن وضعي سااعدووني

اسمحيلي بس الصراحه الريال ماينلام يعني اكيد مو اول مرة ينهج على هالشي وانتي عمك اصمخ ومو مهتمه

ترا 20 كيلو مو شويه اتغير الواحد 180 درجه وزين منه الريال عطاج هال4 شهور فرصه لو ريال غيره سيده يسويها ويتزوج عقب ما يمل من الحنه عليج ولما يتزوج بيقول للناس انا نبهتها وقلتلها بس اهي مو مهتمه


اهتمي بجسمج وحافظي على نفسج لا الريال يطير منج


والكلام الي قاله المفروض يكون لج دافع عشان تضعفين وتسوين مهما طان عشان اتردين حلوة بعيون زوجج

ساممحيني اذا كلامي قاسي عليج بس لاني ابيج تصحين وترجعين نفسج

والله يقدرج انشالله

 

[بنت اكابر]

لا ان شاء الله هذاا دافع اشتري جهاز مشي
وانا احس يبي يضغط عليج لانه مهما كان يبي وحدة جسم ويشووف الغير وعشان صحتج حتى عشان الاطفال

امشي اهم شي المشي عشان حتى لو تضعفين مايترهل جسمج

وخففي اكل
اذا تبين زوجج نزلي وزنج
والرجال ما قصر عطاج فرصة غيره يطلق ويصدمج وراح تعاتبينه ليش ماقلت لي عالاقل عطيتني فرصة اغير نفسي

 

[*ريما*]

رد : بنااات بعد اربع شهوور يا اطلق يا احسن وضعي سااعدووني

ان شاء الله تضعفين

 

[اكسبلانكا]

الله يهديكم لبعض

 

[مناير ...!]

رد : بنااات بعد اربع شهوور يا اطلق يا احسن وضعي سااعدووني

يمديج بشهر تقطين 15 كيلو
بس تعالي بعزيمه